നടി ഖുശ്ബുവിനെതിരെ കോൺഗ്രസ് നടപടി. താരത്തെ എഐസിസി വക്താവ് സ്ഥാനത്ത് നിന്ന് നീക്കി. കോൺഗ്രസ് വിട്ട് ഖുശ്ബു ബിജെപിയിൽ ചേരാനൊരുങ്ങുന്നതിനിടെയാണ് മുഖം രക്ഷിക്കാനുള്ള പാർട്ടി നടപടി. ഇതിന് പിന്നാലെ ഖുശ്ബു കോൺഗ്രസ് അംഗത്വം രാജിവെച്ചു.   ഖുശ്ബു ബിജെപിയിലേക്കെന്ന തരത്തിൽ കഴിഞ്ഞ ദിവസം നിരവധി വാർത്തകൾ വന്നിരുന്നു. ദേശീയ മാധ്യമങ്ങൾ ഉൾപ്പെടെ ഇക്കാര്യം റിപ്പോർട്ട് ചെയ്തിട്ടുണ്ട്. ബിജെപി ഉന്നത നേതാക്കളെ കാണുന്നതിനായി ഖുശ്ബു ഡൽഹിയിൽ എത്തിയതായാണ് റിപ്പോർട്ട്. എന്നാൽ വാർത്തകളോട് താരം പ്രതികരിച്ചിട്ടില്ല 2014ലാണ് ഖുശ്ബു കോൺഗ്രസിൽ…

  രാജ്യത്ത് കഴിഞ്ഞ 24 മണിക്കൂറിനിടെ 8774 പേർക്ക് കൂടി കൊവിഡ് സ്ഥിരീകരിച്ചു. 621 മരണങ്ങളും ഒരു ദിവസത്തിനിടെ റിപ്പോർട്ട് ചെയ്തിട്ടുണ്ട്. ഇതോടെ രാജ്യത്തെ ആകെ കേസുകളുടെ എണ്ണം  3,45,72,523 ആയി ഉയർന്നു. രാജ്യത്ത് ഇതുവരെ കൊവിഡ് ബാധിച്ച് മരിച്ചത്  4,68,554 പേരാണ്. നിലവിൽ 1,05,691 പേരാണ് ചികിത്സയിൽ കഴിയുന്നത്. പുതിയ കൊറോണ വൈറസ് അണുബാധകളുടെ പ്രതിദിന വർധനവ് 51 ദിവസങ്ങളിൽ 20,000 ത്തിൽ താഴെയാണ്.

പട്ടിയിറച്ചി വില്‍പന നിരോധിച്ച് നാഗാലാന്‍റ് സർക്കാർ. പാകം ചെയ്തതും അല്ലാത്തതുമായ പട്ടിയിറച്ചി വിൽപനയും വ്യാവസായിക അടിസ്ഥാനത്തിൽ പട്ടികളെ ഇറക്കുമതി ചെയ്യുന്നതും പട്ടിച്ചന്തകളും നിരോധിക്കാൻ മന്ത്രിസഭ തീരുമാനിച്ചതായി സംസ്ഥാന ചീഫ് സെക്രട്ടറി ടെംജെൻ ടോയ് അറിയിച്ചു. ജില്ലാ ഭരണകൂടവും പൊലീസും മുന്‍സിപ്പല്‍ അഡ്മിനിസ്ട്രേഷനും ചേര്‍ന്ന് ഇക്കാര്യം ഉറപ്പ് വരുത്തുമെന്ന് സര്‍ക്കാര്‍ വക്താവ് അറിയിച്ചു. മൃഗങ്ങളുടെ അവകാശ സംരക്ഷണത്തിനായി പ്രവർത്തിക്കുന്ന സംഘടനയായ ഫെഡറേഷൻ ഓഫ് ഇന്ത്യൻ അനിമൽ പ്രൊട്ടക്‌ഷൻ ഓർഗനൈസേഷൻ പട്ടികളോടുള്ള ക്രൂരത നിരോധിക്കണമെന്ന് ആവശ്യപ്പെട്ട്‌ സർക്കാരിന് നിവേദനം നൽകിയിരുന്നു….

  കേന്ദ്ര നേതൃത്വം ആവശ്യപ്പെട്ടാൽ രാജിവെക്കാമെന്ന് കർണാടക മുഖ്യമന്ത്രി ബി എസ് യെദ്യൂരപ്പ. മുഖ്യമന്ത്രി പദത്തിൽ നിന്നും യെദ്യൂരപ്പയെ മാറ്റിയേക്കുമെന്ന വാർത്തകൾ അടുത്തിടെ വന്നിരുന്നു. ബിജെപി അധ്യക്ഷൻ ജെ പി നഡ്ഡയുമായി യെദ്യൂരപ്പയും മകൻ വിജയേന്ദ്രയും കഴിഞ്ഞ ദിവസം കൂടിക്കാഴ്ച നടത്തിയിരുന്നു. ഇതിന് പിന്നാലെയാണ് യെദ്യൂരപ്പയുടെ പ്രതികരണം. ഡൽഹി നേതൃത്വത്തിന് തന്നിൽ വിശ്വാസമുള്ള ദിവസം വരെ മുഖ്യമന്ത്രിയായി തുടരുമെന്ന് യെദ്യൂരപ്പ പറഞ്ഞു