ഹൈദരാബാദ്: ഇന്ത്യ തദ്ദേശീയമായി വികസിപ്പിച്ച കോവിഡ്-19 വാക്‌സിനായ കോവാക്സിന്‍റെ മനുഷ്യരിലെ പരീക്ഷണങ്ങളുടെ പ്രാഥമിക ഫലം സുരക്ഷിതമെന്ന് റിപ്പോർട്ട്. മനുഷ്യരിലെ ഒന്നാംഘട്ട ക്ലിനിക്കൽ പരിശോധനയിലാണ് ഇക്കാര്യം വ്യക്തമായത്.
വാക്സിൻ സ്വീകരിച്ച ആരിലും വിപരീത പ്രവർത്തനങ്ങളൊന്നും ഇതുവരെ കണ്ടെത്തിയിട്ടില്ലെന്ന് റോത്തക്ക് പിജിഐയിലെ പരീക്ഷണത്തിന് നേതൃത്വം നൽകിയ പ്രിൻസിപ്പൽ ഇൻവെസ്റ്റിഗേറ്റർ സവിത വെർമ പറഞ്ഞു. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്‍റെയും പുനെയിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് വൈറോളജിയുടെയും സഹകരണത്തോടെയാണ് ഹൈദരാബാദിലെ ഭാരത് ബയോടെക് കോവാക്‌സിന്‍ തയാറാക്കിയത്.
രാജ്യത്തെ 12 കേന്ദ്രങ്ങളിലായി 375 പേരിലാണ് ഒന്നാം ഘട്ട ക്ലിനിക്കൽ ട്രയൽ നടത്തിയത്. ഓരോരുത്തര്‍ക്കും രണ്ടു ഡോസ് വാക്സിൻ നൽകിയെന്നും നിലവിലെ സാഹചര്യത്തിൽ സുരക്ഷിതമാണെന്നും ക്ലിനിക്കൽ ട്രയൽ നടത്തുന്നവർ അറിയിച്ചു.
Read More
കോവിഡ് വാക്‌സിന്‍ അന്തിമ വിശകലനത്തിലും 95% ഫലപ്രദം; ഗുരുതര രോഗികളിലും പ്രായമായവരിലും വിജയമെന്നും ഫൈസര്‍
വാക്സിൻ സ്വീകരിച്ചയാൾക്ക് അജ്ഞാത രോഗം; ഏറെ പ്രതീക്ഷയോടെ കാത്തിരുന്ന ഓക്‌സ്‌ഫോർഡ് വാക്സിൻ പരീക്ഷണം നിർത്തിവെച്ചു
റഷ്യ കോവിഡ് വാക്‌സിന്റെ ഉൽപാദനം ആരംഭിച്ചു
കൊവിഡ് വാക്‌സിന്റെ ക്ലിനിക്കൽ പരീക്ഷണം സിറം ഇൻസ്റ്റിറ്റ്യൂട്ട് നിർത്തിവെച്ചു
