ഒഡീഷയിലെ സംബൽപൂരിൽ ഒരു കുടുംബത്തിലെ മൂന്ന് മലയാളികൾ കൊവിഡ് ബാധിച്ച് മരിച്ചു. കൊല്ലം കരുനാഗപ്പള്ളി സ്വദേശികളായ സാവിത്രി അമ്മാൾ(65), മകൻ എസ് എസ് രാജു(47), മകൾ മീന മോഹൻ(49) എന്നിവരാണ് മരിച്ചത്
ആശുപത്രിയിൽ ചികിത്സയിലിരിക്കെ കഴിഞ്ഞ പതിനൊന്ന് ദിവസത്തിനിടെയാണ് മൂന്ന് പേരും മരിച്ചത്. ഇതോടെ ഒഡീഷയിൽ കൊവിഡ് ബാധിച്ച് മരിച്ച മലയാളികലുടെ എണ്ണം നാലായി. റൂർക്കലയിൽ വടക്കാഞ്ചേരി സ്വദേശി ജോയ് ജോസഫും നേരത്തെ മരിച്ചിരുന്നു.
