തിരുവനന്തപുരം: മൂന്ന് ദിവസത്തിനുള്ളില്‍ 18000ല്‍ അധികം പുതിയ കൊവിഡ് കേസുകള്‍ റിപ്പോര്‍ട്ട് ചെയ്തതോടെ വൈറസ് അതിവേഗം പടരുന്ന സംസ്ഥാനമായി കേരളം മാറി.
മഹാരാഷ്ട്ര, ആന്ധ്രാപ്രദേശ് തുടങ്ങിയ സംസ്ഥാനങ്ങളെ അപേക്ഷിച്ച് കേരളത്തില്‍ സ്ഥിരീകരിച്ച കേസുകളുടെ എണ്ണം കുറവാണെങ്കിലും കഴിഞ്ഞ രണ്ടാഴ്ചയായി പുതിയ കേസുകളുടെ നിരക്കില്‍ കേരളം മുന്നിലാണ്.
കഴിഞ്ഞ ഒരാഴ്ചയ്ക്കുള്ളില്‍ സംസ്ഥാനത്ത് 35,000 പുതിയ കേസുകള്‍ റിപ്പോര്‍ട്ട് ചെയ്തു. ഇതോടെ സ്ഥിരീകരിച്ച കേസുകളുടെ എണ്ണം 1.61 ലക്ഷമായി. കേസുകളുടെ നിലവിലെ വളര്‍ച്ചാ നിരക്ക് പ്രതിദിനം 3.51 ശതമാനമാണ്. ഇത് രാജ്യത്തെ ഏറ്റവും ഉയര്‍ന്ന നിരക്കാണ്. ദേശീയ നിരക്ക് പ്രതിദിനം 1.53 ശതമാനമാണ്. ഇതിന്റെ ഇരട്ടിയോളം വരും കേരളത്തിലെ വൈറസ് വ്യാപന നിരക്ക്.
നിലവില്‍ 49,000 ത്തോളം സജീവ കേസുകളും കേരളത്തിലുണ്ട്. സജീവ കേസുകളുടെ എണ്ണത്തില്‍ കേരളം അഞ്ചാംസ്ഥാനത്താണ്. മഹാരാഷ്ട്ര, കര്‍ണാടക, ആന്ധ്രാപ്രദേശ്, ഉത്തര്‍പ്രദേശ് എന്നിവിടങ്ങളില്‍ മാത്രമാണ് കൂടുതല്‍ സജീവമായ കേസുകള്‍ ഉള്ളത്.
Read More
രാജ്യത്തെ കോവിഡ് മരണം 32,000 കവിഞ്ഞു; രോഗ ബാധിതരുടെ എണ്ണം 13.50 ലക്ഷം കടന്നു
യു.എ.ഇയില്‍ ഇന്ന് 735 പേർക്ക് കോവിഡ്; 538 പേര്‍ക്ക് രോഗമുക്തി
രാജ്യത്തെ കൊവിഡ് നിരക്ക് കുത്തനെ ഉയരുന്നു; ഏഴു സംസ്ഥാനങ്ങളിലെ മുഖ്യമന്ത്രിമാരുമായി മോദി ചര്‍ച്ച നടത്തും
കേരളം സമൂഹ വ്യാപന ഭീഷണിയിൽ; കോവിഡ് വ്യാപനം ദേശീയ ശരാശരിയെക്കാള്‍ വേഗത്തിൽ
