കേന്ദ്ര സബ്​സിഡി ഗോതമ്പ്​ വിതരണം നി​ല​ച്ചു;പോഷകാഹാര വിതരണം അവതാളത്തിൽ

ക​ൽ​പ​റ്റ: കേ​ന്ദ്ര സ​ബ്​​സി​ഡി ഗോ​ത​മ്പ്​ വി​ത​ര​ണം നി​ല​ച്ച​തോ​ടെ അം​ഗ​ൻ​വാ​ടി​ക​ളി​ലൂ​ടെ ​കു​ഞ്ഞു​ങ്ങ​ൾ​ക്ക്​​ ന​ൽ​കു​ന്ന പോ​ഷ​കാ​ഹാ​ര വി​ത​ര​ണം അ​വ​താ​ള​ത്തി​ൽ. രാ​ജ്യ​ത്തെ അം​ഗ​ൻ​വാ​ടി​ക​ളു​ടെ ആ​റ്​ പ്ര​ധാ​ന ദൗ​ത്യ​ങ്ങ​ളി​ൽ ഒ​ന്നാ​മ​ത്തേ​താ​ണ്​ കു​ഞ്ഞു​ങ്ങ​ൾ​ക്കു​ള്ള പൂ​രി​ത​പോ​ഷ​കാ​ഹാ​ര വി​ത​ര​ണം. ഇ​താ​ണ്​ കേ​ന്ദ്ര സ​ബ്​​സി​ഡി ​ഗോ​ത​മ്പ്​ ല​ഭി​ക്കാ​ത്ത​തി​നാ​ൽ സം​സ്ഥാ​ന​ത്ത്​ മി​ക്ക​യി​ട​ത്തും മു​ട​ങ്ങി​യ​ത്.ജി​ല്ല​യി​ലെ 874 അം​ഗ​ൻ​വാ​ടി​ക​ളി​ൽ ഫെ​ബ്രു​വ​രി, മാ​ർ​ച്ച്​ മാ​സ​ങ്ങ​ളി​ലെ അ​മൃ​തം ന്യൂ​ട്രി​മി​ക്​​സ് വി​ത​ര​ണം നി​ല​ച്ച നി​ല​യി​ലാ​ണ്. സം​സ്ഥാ​ന​ത്ത്​ 33115 അം​ഗ​ൻ​വാ​ടി​ക​ളാ​ണു​ള്ള​ത്. കേ​ന്ദ്ര സ​ർ​ക്കാ​ർ പ​ദ്ധ​തി​യാ​യ ഐ.​സി.​ഡി.​എ​സി​​ൻ്റെ (സം​യോ​ജി​ത ശി​ശു വി​ക​സ​ന സേ​വ​ന പ​ദ്ധ​തി) നേ​തൃ​ത്വ​ത്തി​ൽ തെ​ര​ഞ്ഞെ​ടു​ക്ക​പ്പെ​ട്ട കു​ടും​ബ​ശ്രീ യൂ​ണിറ്റു​ക​ളാ​ണ്​ അ​മൃ​തം പോ​ഷ​കാ​ഹാ​രം നി​ർ​മി​ക്കു​ന്ന​ത്. നി​ല​വി​ൽ കി​ലോ​ക്ക്​​ 73.50 രൂ​പ നി​ര​ക്കി​ലാ​ണ്​​ നി​ർ​മാ​ണ യൂ​ണിറ്റു​ക​ളി​ൽ നി​ന്ന്​ ഐ.​സി.​ഡി.​എ​സ്​ വാ​ങ്ങി അം​ഗ​ൻ​വാ​ടി​ക​ളി​ൽ എ​ത്തി​ക്കു​ന്ന​ത്. ഓ​രോ മാ​സ​വും ഇ​ത്ര അ​ള​വ്​ പോ​ഷ​കാ​ഹാ​രം വേ​ണ​മെ​ന്ന്​ ഓ​ർ​ഡ​ർ ചെ​യ്യു​ന്ന​തി​ന​നു​സ​രി​ച്ചാ​ണ്​ കു​ടും​ബ​ശ്രീ യൂ​ണിറ്റു​ക​ൾ ഉ​ൽ​പാ​ദി​പ്പി​ച്ച്​ ന​ൽ​കു​ക. ന്യൂ​ട്രി മി​ക്​​സി​ലെ ഗോ​ത​മ്പ്​ ഒ​​ഴി​കെ​യു​ള്ള ചേ​രു​വ​ക​ൾ​ക്ക്​ സ​ബ്​​സി​ഡി ല​ഭി​ക്കു​ന്നു​മി​ല്ല. സ​ബ്​​സി​ഡി ഗോ​ത​മ്പ്​ ല​ഭ്യ​മാ​വാ​ത്ത​തി​നാ​ൽ നി​ശ്ച​യി​ച്ച തു​ക​ക്ക്​ പോ​ഷ​കാ​ഹാ​രം വി​ത​ര​ണം ചെ​യ്യാ​ൻ ക​ഴി​യി​ല്ലെ​ന്ന്​ ഐ.​സി.​ഡി.​എ​സ്​ വ​യ​നാ​ട്​ ജി​ല്ല ഓ​ഫി​സ​റെ കു​ടും​ബ ശ്രീ ​രേ​ഖാ​മൂ​ലം അ​റി​യി​ച്ചി​ട്ടു​ണ്ട്. പൊ​തു മാ​ർ​ക്ക​റ്റി​ൽ നി​ന്ന്​ കൂ​ടി​യ വി​ല​ക്ക്​ ഗോ​ത​മ്പ്​ വാ​ങ്ങി ഉ​ൽ​പാ​ദി​പ്പി​ച്ചാ​ൽ യൂ​ണിറ്റു​ക​ൾ ന​ഷ്​​ട​ത്തി​ലാ​വും.അ​മൃ​തം ​ന്യൂ​ട്രി മി​ക്​​സി​ന്​ ബ​ദ​ൽ സം​വി​ധാ​നം ഒ​രു​ക്കാ​മെ​ന്ന്​ അ​റി​യി​ച്ച്​ ജി​ല്ല​ക​ളി​ലെ ഐ.​സി.​ഡി.​എ​സ്​ ഓ​ഫി​സു​ക​ൾ​ക്ക്​ തി​രു​വ​ന​ന്ത​പു​ര​ത്തെ വ​നി​ത-​ശി​ശു വി​ക​സ​ന ഡ​യ​റ​ക്​​ട​റേ​റ്റ്​ നി​ർ​ദേ​ശം ന​ൽ​കി​യി​ട്ടു​ണ്ട്. ന്യൂ​ട്രി മി​ക്​​സി​ന്​ പ​ക​രം മു​ത്താ​റി കു​റു​ക്ക്​ പോ​ലെ​യു​ള്ള​വ പ​രി​ഗ​ണി​ക്കാ​മെ​ന്നാ​ണ്​ ഡ​യ​റ​ക്​​ട​റേ​റ്റ്​ നി​ർ​ദേ​ശം. വ​യ​നാ​ട്​ ജി​ല്ല​യി​ൽ അ​മൃ​തം ന്യൂ​ട്രി മി​ക്​​സ്​ 10 നി​ർ​മാ​ണ യൂണിറ്റു​ക​ളാ​ണു​ള്ള​ത്​. നി​ർ​മാ​ണം നി​ല​ച്ച​തോ​ടെ അ​വ​യി​ലെ 72 ജോ​ലി​ക്കാ​രു​ടെ ഉ​പ​ജീ​വ​ന​വും പ്ര​തി​സ​ന്ധി​യി​ലാ​യി. അ​തേ​സ​മ​യം, അം​ഗ​ൻ​വാ​ടി​ക​ളി​ലൂ​ടെ ഗ​ർ​ഭി​ണി​ക​ൾ​ക്ക്​ ന​ൽ​കു​ന്ന പോ​ഷ​കാ​ഹാ​ര​ത്തി​െൻറ വി​ത​ര​ണം നി​ല​ച്ചി​ട്ടി​ല്ലെ​ന്ന്​ അ​ധി​കൃ​ത​ർ അ​റി​യി​ച്ചു. ഇ​തി​നാ​യി സ​ൈ​പ്ല​കോ​യി​ൽ​നി​ന്നാ​ണ്​ വി​ഭ​വ​ങ്ങ​ൾ ഐ.​സി.​ഡി.​എ​സ്​ വാ​ങ്ങു​ന്ന​ത്.

Read More

സബ്‌സിഡി നിരക്കില്‍ കാലിത്തീറ്റ വിതരണം ചെയ്യും ക്ഷീരവികസന വകുപ്പിൻറെ സബ്‌സിഡി നിരക്കിൽ വൈക്കോൽ വിതരണ പദ്ധതി ഉദ്ഘാടനം ചെയ്തു ജനപ്രിയ നോവലിസ്റ്റ് സു​ധാ​ക​ർ മം​ഗ​ളോ​ദ​യം അ​ന്ത​രി​ച്ചു തീ​ര്‍​ഥാ​ട​ക​ര്‍ സ​ഞ്ച​രി​ച്ചി​രു​ന്ന മി​നി​ബ​സ് ട്ര​ക്കി​ലി​ടിച്ചു; 8 സ്ത്രീ​ക​ള്‍ ഉ​ള്‍​പ്പെ​ടെ 14 പേ​ര്‍ മ​രി​ച്ചു