Wayanad

  പുൽപ്പള്ളി വീട്ടിമൂല ചങ്ങമ്പത്ത് വെച്ച് റേഞ്ച് ഓഫീസറേയും ഡ്രൈവറെയും കടുവ ആക്രമിച്ചു. റേഞ്ച് ഓഫീസർ ടി ശശി കുമാറിനേയും,വാച്ചർ മാനുവലിനേയുമാണ് ആക്രമിച്ചത് . പരിക്കേറ്റവരെ സുൽത്താൻ ബത്തേരിയിലെ ആശുപത്രിയിൽ പ്രവേശിപ്പിച്ചു . വീട്ടിമൂല ചങ്ങമ്പത്ത് വനത്തിൽ നിന്നാണ് ആക്രമണം ഉണ്ടായതെന്നാണ് കരുതുന്നത് . മാനുവലിൻ്റെ പരിക്ക് ഗുരുതരമാണ് .കൂടുതൽ വിവരങ്ങൾ അറിവായിട്ടില്ല.

വയനാട് ജില്ലയില്‍ ഇന്ന് 55 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. ഒരാള്‍ വിദേശത്ത് നിന്നും ഏഴു പേര്‍ ഇതര സംസ്ഥാനങ്ങളില്‍ നിന്നും വന്നവരാണ്. 47 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 34 പേര്‍ രോഗമുക്തി നേടി. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 852 ആയി. ഇതില്‍ 444 പേര്‍ രോഗ മുക്തരായി. രണ്ടു പേര്‍ മരണപ്പെട്ടു. നിലവില്‍ 406 പേരാണ് ചികിത്സയിലുള്ളത്. 387 പേര്‍ ജില്ലയിലും 19 പേര്‍…

ജില്ലയില്‍ മഴക്കെടുതി രൂക്ഷമാകുന്നതിനാലും ദുരിതാശ്വാസ ക്യാമ്പുകള്‍ തുറന്ന സാഹചര്യത്തിലും വിവിധ വകുപ്പുകളുടെ പ്രവര്‍ത്തനം ഉറപ്പുവരുത്തുന്നതിനായി ഇനിയൊരുത്തരവ് വരെ ജില്ലയിലെ എല്ലാ സര്‍ക്കാര്‍ ഓഫീസുകളും അവധി ദിവസങ്ങളില്‍ ഉള്‍പ്പെടെ തുറന്ന് പ്രവര്‍ത്തിക്കണമെന്ന് ജില്ലാ കളക്ടര്‍ ഡോ. അദീല അബ്ദുള്ള നിര്‍ദ്ദേശം നല്‍കി. ദുരന്തനിവാരണ നിയമ പ്രകാരമാണ് ഉത്തരവ്. നെഗോഷ്യബിള്‍ ഇന്‍സ്ട്രുമെന്റ് ആക്ടിന്റെ പരിധിയില്‍ ഉള്‍പ്പെടുന്ന വകുപ്പുകള്‍ക്ക് ഈ ഉത്തരവ് ബാധകമായിരിക്കില്ല. ജില്ലാതല ഓഫീസര്‍മാര്‍ തങ്ങളുടെ പരിധിയിലുള്ള ഓഫീസുകള്‍ തുറന്ന് പ്രവര്‍ത്തിക്കുന്നെന്ന് ഉറപ്പ് വരുത്തണം. ജില്ലാ കലക്ടറുടെ മുന്‍കൂര്‍ അനുമതി…

വയനാട്ടിൽ കോവിഡ് ബാധിച്ച് ചിത്സയിലായിരുന്നയാൾ മരിച്ചു. കൽപ്പറ്റ കൃപ ആശുപത്രിക്ക് സമീപം ചാത്തോത്ത് വയൽ അലവിക്കുട്ടി ഹാജി (65) ആണ് മരിച്ചത്. കൽപ്പറ്റ നഗരത്തിലെ കോഴി കച്ചവടക്കാരനായിരുന്നു. കഴിഞ്ഞ ദിവസമാണ് രോഗം സ്ഥിരീകരിച്ച് വയനാട്ടിലെ സ്വകാര്യ മെഡിക്കൽ കോളേജിൽ പ്രവേശിപ്പിച്ചത്.ഇന്നു ഉച്ചയോടെയായിരുന്നു മരണം.മക്കൾ :ജംഷീർ, റിയാസ്. ഇതോടെ വയനാട്ടിൽ മരിച്ചവരുടെ എണ്ണം രണ്ടായി.

സുൽത്താൻ ബത്തേരി നാഷ്ണൽ ഹൈവേ 766-ൽ പൊൻ കുഴി- തകരപ്പാടി പ്രദേശങ്ങളിൽ വെള്ളം കയറിയതിനെ തുടർന്ന് കേരളത്തിലേക്ക് വരികയായിരുന്ന താൽപതോളം ചരക്കുലോറികൾ വനത്തിൽ കുടുങ്ങിക്കിടക്കുന്നു. ഇന്നലെ രാത്രി പെയ്ത കനത്ത മഴയെ തുടർന്നാണ് ഹൈവേയിൽ വെള്ളം കയറിയത്. ഇന്ന് രാവിലെ ആറു മണിയോടെയാണ് തകരപ്പാടിയിൽ നാല്പതോളം വരുന്ന ചരക്കുലോറികൾ എത്തിയത്. ഭക്ഷണവും മറ്റും ലഭിക്കാതെ വന്ന ലോറി ജീവനക്കാർക്ക് വയനാട് ജില്ലാ ലോറി ഡ്രൈവേഴ്സ് അസോസിയേഷൻ ഭാരവാഹികൾ സഹായവുമായെത്തി .ലോറി കാർക്കുള്ള ഭക്ഷണ കിറ്റുകൾ അസോസിയേഷൻ നൽകി.നാസർ…

സുൽത്താൻ ബത്തേരി: ചീരാൽ മൂർഖൻ ഉമ്മറിൻ്റെ ഭാര്യ നബീസ (6 2) നിര്യാതയായി മക്കൾ: റഷീദ്, ജാസു, റിഷ മരുമക്കൾ: മൂസാ പട്ടേൽ, പരേതനായ സക്കരിയ, ജാസ്മിൻ ഖബറടക്കം ചീരാൻ ജുമാ മസ്ജിദ് ഖബർസ്ഥാനിൽ നടക്കും

കൽപ്പറ്റ:പടിഞ്ഞാറത്തറ, മേപ്പാടി, തവിഞ്ഞാൽ, മൂപ്പെനാട്, തൊണ്ടർനാട്, തിരുനെല്ലി, പൊഴുതന, വൈത്തിരി പഞ്ചായത്തുകളിൽ പ്രവർത്തിക്കുന്ന മുഴുവൻ ഹോം സ്റ്റേകൾ, റിസോർട്ടുകൾ, ഗസ്റ്റ് ഹൗസുകൾ , ലോഡ്ജിംഗ് ഹൗസ്, ഹോട്ടൽസ് & റിസോർട്സ് എന്നിവ അവിടങ്ങളിൽ താമസിക്കുന്നവരെ അടിയന്തരമായി മാറ്റണമെന്ന് ജില്ലാ കലക്ടർ ഉത്തരവിട്ടു. ഈ പ്രദേശങ്ങൾ ഉരുൾപ്പൊട്ടൽ ഭീഷണി നേരിടുന്ന സാഹചര്യത്തിലാണ് നടപടി. തഹസിൽദാർമാർ ആവശ്യമായ പക്ഷം താമസ സൗകര്യം ഒരുക്കണം. കലാവസ്ഥ വകുപ്പ് റെഡ് അലർട്ട് പ്രഖ്യാപനം പിൻവലിക്കുന്നത് വരെ പുതിയ ബുക്കിങ് സ്വീകരിക്കാനും പാടില്ല. ബന്ധപ്പെട്ട…

ഇന്ന് രാവിലെ ഏഴ് മണിയോടെ മേപ്പാടി പതിനൊന്നാം വാർഡ് മുണ്ടക്കൈ പുഞ്ചിരി മട്ടത്ത് റാണിമല എസ്റ്റേറ്റ് പരിസരത്ത് ഉണ്ടായ ഉരുൾപൊട്ടലിൽ മൂന്നു വീടുകളാണ് ഒലിച്ചുപോയത് . നേരത്തെ പ്രദേശത്തുള്ളവർ മാറി താമസിച്ചു എന്നതിനാൽ വൻ ദുരന്തം ഒഴിവായി. പ്രദേശത്തെ എൽപി സ്കൂളിന് സമീപത്തുള്ള പാലം ഒലിച്ചുപോയിട്ടുണ്ട്. മറ്റൊരു പ്രദേശത്തേക്ക് പോകുന്ന പാലമാണിത്. ഇതുമൂലം ഇവിടത്തെ 10 കുടുംബം ഒറ്റപ്പെട്ടു. ഇവരെ രക്ഷപ്പെടുത്താനുള്ള ശ്രമം തുടരുകയാണ്

വയനാട് മേപ്പാടി പുത്തുമല മുണ്ടയിൽ ഉരുൾപൊട്ടലിൽ ഒരു വീട് ഒലിച്ചു പോയതായി അറിയുന്നു . പുഞ്ചിരി മട്ടത്തിലാണ് ഉരുൾപൊട്ടലുണ്ടായത്. പ്രദേശത്ത് ശക്തമായ മഴ തുടരുകയാണ് കൂടുതൽ വിവരങ്ങൾ അറിവായി വരുന്നതേയുള്ളൂ .