Kerala

ന്യൂഡല്‍ഹി: രാജ്യത്ത് ഇന്ധന വില വീണ്ടും ഉയര്‍ന്നേക്കും. ഇന്ധന നികുതി വര്‍ധിപ്പിക്കാന്‍ കേന്ദ്രസര്‍ക്കാര്‍ ആലോചനയിലാണ്. കൊറോണയുടെ പശ്ചാത്തലത്തില്‍ ആവശ്യമായി വന്ന അധിക ചെലവിന് പണം കണ്ടെത്തുകയാണ് ഇതിലൂടെ ലക്ഷ്യമിടുന്നത്. പട്രോളിൻ്റെയും ഡീസലിന്റെയും എക്സൈസ് ഡ്യൂട്ടിയാണ് വര്‍ധിപ്പിക്കുക. അടുത്തിടെ സര്‍ക്കാര്‍ എക്സൈസ് ഡ്യൂട്ടി പരിധി വര്‍ധിപ്പിച്ചിരുന്നു. ഇനിയും വര്‍ധിപ്പിച്ചാല്‍ ഒരു പക്ഷേ സാധാരണക്കാര്‍ക്ക് കനത്ത തിരിച്ചടിയാകും. അവശ്യസാധനങ്ങളുടെ വില വര്‍ധിക്കാനും യാത്രാ ചെലവുകള്‍ ഉയരാനും ഇടയാക്കിയേക്കും. എന്നാല്‍ ചില്ലറ വിലയില്‍ വര്‍ധനവുണ്ടാകില്ലെന്നാണ് ഉദ്യോഗസ്ഥരുടെ വിശദീകരണം. മൂന്ന് മുതല്‍ ആറ്…

കാക്കൂര്‍ : ഭൗമോപരിതലത്തിന് അടിയിലെ ഭൂഗർഭ ശുദ്ധജലാശയങ്ങളിൽ ജീവിക്കുന്ന  അപൂർവയിനം വരാൽ ഇനത്തിൽപ്പെട്ട പാമ്പിൻ തലയൻ മത്സ്യത്തെ കാക്കൂരിൽ നിന്നും ലഭിച്ചു. രാമല്ലൂരിലെ  വയലിൽ നിന്ന് കഴിഞ്ഞ ദിവസമാണ് കാരക്കുന്നത്ത് നടുവിലയിൽ അക്ഷയ് കുമാർ, അനഘ് രാജ് എന്നിവർക്കാണ് ഈ മത്സ്യത്തെ കിട്ടിയത്. വയലിൽ കൃഷിക്കായി വെള്ളം എടുക്കുന്ന കുഴിയിൽ നിന്നാണ് ഇവർ ഈ മത്സ്യത്തെ പിടിച്ചത്. അനിക് മാചനഗോലം എന്ന ശാസ്ത്രീയ നാമത്തിൽ അറിയപ്പെടുന്ന ഗോലം സ്നേക് ഹെഡ് എന്ന ഇനമാണിത്.ഈ മത്സ്യത്തെ 2019 ലാണ്…

എം ശിവശങ്കറിനെ കസ്റ്റഡിയിലെടുത്തത് സർക്കാരിന് തിരിച്ചടിയല്ലെന്ന് മന്ത്രി എ കെ ബാലൻ. മുൻ മുഖ്യമന്ത്രി ഉമ്മൻ ചാണ്ടിയുടെ കാലത്തും ഇത്തരം ഉദ്യോഗസ്ഥരുണ്ടായിരുന്നു. ഉപ്പു തിന്നവൻ വെള്ളം കുടിക്കട്ടെ എന്ന് തന്നെയാണ് നിലപാട് സർക്കാരിന് ഇതൊരു തിരിച്ചടിയല്ല. ശിവശങ്കർ ഇഡിയുടെയും കസ്റ്റംസിന്റെയും എൻഐഎയുടെയും മുന്നിൽ ഹാജരായി മൊഴി കൊടുത്തതാണ്. ഏത് സർക്കാരിന് കീഴിലും ഇത്തരം ഉദ്യോഗസ്ഥരുണ്ടാകും. അവരെയെല്ലാം പൂർണമായി മനസ്സിലാക്കാൻ മുഖ്യമന്ത്രിക്കോ മന്ത്രിമാർക്കോ സാധിക്കണമെന്നില്ല. ഇത്തരം ഉദ്യോഗസ്ഥരുണ്ടെങ്കിൽ അവരെ നിയമത്തിന് മുന്നിലെത്തിക്കണമെന്നും മന്ത്രി പറഞ്ഞു.

2015ലെ നിയമസഭാ കയ്യാങ്കളി കേസുമായി ബന്ധപ്പെട്ട് മന്ത്രിമാരായ ഇ പി ജയരാജൻ, കെ ടി ജലീൽ എന്നിവർ ജാമ്യം എടുത്തു. തിരുവനന്തപുരം ചീഫ് ജുഡീഷ്യൽ മജിസ്‌ട്രേറ്റ് കോടതിയിൽ ഹാജരായ ഇരുവരും 35,000 രൂപ വീതം കെട്ടിവെച്ചാണ് ജാമ്യമെടുത്തത്. കേസ് സ്റ്റേ ചെയ്യണമെന്ന സർക്കാർ ആവശ്യം ഹൈക്കോടതി തള്ളിയിരുന്നു. ഇതിന് പിന്നാലെയാണ് ഇരുവരും കോടതിയിൽ ഹാജരായത്. മന്ത്രിമാർ നേരിട്ട് കോടതിയിൽ ഹാജരായി ജാമ്യമെടുക്കാനും ഹൈക്കോടതി നിർദേശിച്ചിരുന്നു.

സ്വർണക്കടത്ത് കേസിൽ എം ശിവശങ്കറുടെ മുൻകൂർ ജാമ്യാപേക്ഷ ഹൈക്കോടതി തള്ളിയതിന് പിന്നാലെ മുഖ്യമന്ത്രി രാജിവെക്കണമെന്ന ആവശ്യവുമായി പ്രതിപക്ഷ നേതാവ് രമേശ് ചെന്നിത്തല. ഉളുപ്പുമുണ്ടെങ്കിൽ മുഖ്യമന്ത്രി രാജി വെക്കണമെന്ന് ചെന്നിത്തല പറഞ്ഞു മുഖ്യമന്ത്രി പിണറായി വിജയന്റെ നാവും ഹൃദയവുമായിരുന്ന അദ്ദേഹത്തിന്റെ ഓഫീസ് നിയന്ത്രിച്ചിരുന്ന ശിവശങ്കറിനെ ഇ ഡി കസ്റ്റഡിയിലെടുത്തിരിക്കുന്നു. ഇനിയെങ്കിലും നാണമുണ്ടെങ്കിൽ പിണറായി വിജയൻ രാജിവെച്ച് പുറത്തു പോകണം. മുഖ്യമന്ത്രിയുടെ ഓഫീസിൽ കൊള്ളക്കാരും കള്ളൻമാരുമാണ് വിലസി നടന്നത്. സ്വർണക്കടത്ത് ഉൾപ്പെടെ എല്ലാ കേസുകളുടെയും പ്രഭവ കേന്ദ്രം മുഖ്യമന്ത്രിയുടെ ഓഫീസാണ്….

അനധികൃത കെട്ടിട നിർമാണവുമായി ബന്ധപ്പെട്ട് മുസ്ലിം ലീഗ് എംഎൽഎ കെ എം ഷാജിക്ക് 1,54,000 രൂപയുടെ പിഴയിട്ട് കോഴിക്കോട് കോർപറേഷൻ. വസ്തു നികുതിയിനത്തിൽ 1,38,000 രൂപയാണ് ഈടാക്കിയിരിക്കുന്നത് മൂവായിരം സ്‌ക്വയർ ഫീറ്റിൽ താഴെയുള്ള വീടിനാണ് കെ എം ഷാജിക്ക് കോർപറേഷൻ അനുമതി നൽകിയിരുന്നത്. എന്നാൽ അയ്യായിരത്തിലധികം സ്‌ക്വയർ ഫീറ്റ് വലുപ്പത്തിലാണ് ഷാജി വീട് നിർമിച്ചിരിക്കുന്നത്. ഏകദേശം 1.6 കോടി രൂപ വിലമതിക്കുന്നതാണ് വീടെന്ന് കോർപറേഷൻ കണ്ടെത്തിയിരുന്നു നിയമവിധേയമാക്കിയില്ലെങ്കിൽ വീട് പൊളിച്ചു നീക്കാൻ കോർപറേഷൻ നിർദേശിച്ചിരുന്നു. ഇതിന് പിന്നാലെയാണ്…

ഭരണകൂട ഭീകരതയുടെ ഇരകളാണ് അലനും താഹയുമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍.താഹയുടെ കുടുംബത്തിന് സഹായമായി കെപിസിസി നല്‍കുന്ന അഞ്ച് ലക്ഷം രൂപ കൈമാറിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.ഭവന രഹിതര്‍ക്കായി കെപിസിസി സമാഹരിച്ച തുകയില്‍ നിന്നാണ് താഹയുടെ കുടുംബത്തിന് സഹായം നല്‍കിയത് 1000 വീടുകള്‍ക്കായി കെപിസിസി സമാഹരിച്ച തുക കൊണ്ട് എത്ര പേര്‍ക്ക് വീട് നിര്‍മ്മിച്ചു നല്‍കിയെന്നതിന്റെ കണക്കുകള്‍ രണ്ടാഴ്ചയ്ക്കകും പുറത്ത് വിടുമെന്നും അഭിമന്യുവിന്റെ കുടുംബത്തിനായി സിപിഎം പിരിച്ച പണം എവിടെയെന്നും മുല്ലപ്പള്ളി ചോദിച്ചു.

സ്വർണക്കടത്ത് കേസിൽ എം ശിവശങ്കറെ എൻഫോഴ്‌സ്‌മെന്റ് ഡയറക്ടറേറ്റ് കസ്റ്റഡിയിൽ എടുത്തു. ശിവശങ്കർ ചികിത്സയിൽ കഴിഞ്ഞിരുന്ന സ്വകാര്യ ആശുപത്രിയിലെത്തിയാണ് അദ്ദേഹത്തെ ഇ ഡി കസ്റ്റഡിയിലെടുത്തത്. ശിവശങ്കറിന്റെ മുൻകൂർ ജാമ്യാപേക്ഷ ഹൈക്കോടതി തള്ളിയതിന് തൊട്ടുപിന്നാലെയാണ് ഇ ഡി ഉദ്യോഗസ്ഥർ ആശുപത്രിയിലെത്തി അദ്ദേഹത്തെ കസ്റ്റഡിയിലെടുത്തത്. കസ്റ്റംസിന്റെയും ഇഡിയുടെയും വാദങ്ങൾ അംഗീകരിച്ചാണ് ഹൈക്കോടതി മുൻകൂർ ജാമ്യാപേക്ഷ തള്ളിയത്. കോടതി വിധി വന്നതോടെ ഇഡിയും കസ്റ്റംസും ശിവശങ്കറിന് സമൻസ് നൽകും. അദ്ദേഹത്തെ അറസ്റ്റ് ചെയ്യാനുള്ള തടസ്സവും കോടതി വിധിയോടെ നീങ്ങിയിരിക്കുകയാണ്. സ്വാധീനശേഷിയുള്ള ശിവശങ്കറിന് ജാമ്യം…

രാജ്യത്ത് കഴിഞ്ഞ 24 മണിക്കൂറിനിടെ 43,893 പേർക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്തെ ആകെ രോഗികളുടെ എണ്ണം 79,90,322 ആയി ഉയർന്നു. 508 പേരാണ് കഴിഞ്ഞ ദിവസം മരിച്ചത്. ആകെ മരണസംഖ്യ 1,20,010 ആയി. കഴിഞ്ഞ ദിവസം കൊവിഡ് പ്രതിദിന വർധനവ് നാൽപതിനായിരത്തിൽ താഴെ എത്തിയിരുന്നു. നിലവിൽ രാജ്യത്ത് 6,10,803 പേരാണ് ചികിത്സയിൽ കഴിയുന്നത്. ഇതിനോടകം 72,59,509 പേർക്ക് രോഗമുക്തിയുണ്ടായി പത്ത് കോടിയിലേറെ സാമ്പിളുകളാണ് ഇതുവരെ പരിശോധിച്ചത്. ഇന്നലെ മാത്രം 10.66 ലക്ഷം സാമ്പിളുകൾ പരിശോധിച്ചു….

സംസ്ഥാനത്ത് സ്വർണവിലയിൽ ചാഞ്ചാട്ടം തുടരുന്നു. പവന് ഇന്ന് 160 രൂപ കുറഞ്ഞു. ഇതോടെ ഒരു പവൻ സ്വർണത്തിന്റെ വില 37,720 രൂപയായി. 4715 രൂപയാണ് ഗ്രാമിന്റെ വില ചൊവ്വാഴ്ച പവന് 280 രൂപ വർധിച്ചിരുന്നു. ആഗോള വിപണിയിൽ സ്വർണവില ഔൺസിന് 1905.51 ഡോളറിലേക്ക് താഴ്ന്നു. ദേശീയവിപണിയിൽ പത്ത് ഗ്രാം തനി തങ്കത്തിന് 50,860 രൂപയായി.