സെക്രട്ടേറിയറ്റിലെ തീപിടിത്തത്തിന് കാരണം ഷോർട്ട് സർക്യൂട്ടല്ലെന്ന് ഫോറൻസിക് റിപ്പോർട്ട്. തിരുവനന്തപുരം സിജെഎം കോടതിയിലാണ് ഇതുസംബന്ധിച്ച റിപ്പോർട്ട് നൽകിയത് സീല് വെച്ച കവറിലാണ് റിപ്പോർട്ട് കോടതിയിൽ സമർപ്പിച്ചത്. മുറിയിലുണ്ടായിരുന്ന സാനിറ്റൈസർ ഉൾപ്പെടെയുള്ള വസ്തുക്കൾ കത്തിയിട്ടില്ല. ഫയലുകൾ മാത്രമാണ് കത്തിയതെന്നും റിപ്പോർട്ടിൽ പറയുന്നു. നേരത്തെ പ്രാഥമിക റിപ്പോർട്ടിൽ തീടിപിത്തത്തിന് കാരണമായി പറഞ്ഞിരുന്നത് ഷോർട്ട് സർക്യൂട്ട് എന്നായിരുന്നു. ഇതിനെ തള്ളിയാണ് ഫോറൻസിക് റിപ്പോർട്ട് നൽകിയിരിക്കുന്നത്.  

സ്വർണക്കടത്ത് കേസിലെ പ്രധാന പ്രതിയായ സന്ദീപ് നായരുടെ രഹസ്യമൊഴി രേഖപ്പെടുത്തി. ആലുവ ജുഡീഷ്യൽ മജിസ്‌ട്രേറ്റ് കോടതി രണ്ടിൽ ആണ് മൊഴി രേഖപ്പെടുത്തിയത്. സ്വർണക്കടത്തുമായി ബന്ധപ്പെട്ട് തന്റെ മൊഴി രേഖപ്പെടുത്തണമെന്ന് സന്ദീപ് നായർ ആവശ്യപ്പെട്ടിരുന്നു. ഇതേതുടർന്ന് സിജെഎം കോടതി സന്ദീപ് നായരുടെ അപേക്ഷ പരിഗണിക്കുകയും രഹസ്യമൊഴി രേഖപ്പെടുത്താൻ അനുമതി നൽകുകയും ചെയ്തു.   രണ്ടുമണിക്കൂറോളം എടുത്താണ് മൊഴി രേഖപ്പെടുത്തിയത്. എന്നാൽ രഹസ്യമൊഴി നൽകുന്നതുകൊണ്ട് സന്ദീപിനെ മാപ്പുസാക്ഷി ആക്കാൻ കഴിയുമോ എന്ന് ഇപ്പോൾ പറയാനാകില്ലെന്ന് കോടതി പറഞ്ഞു. സന്ദീപ് നായരെ…

ജീവനക്കീരുടെ ശമ്പളം പിടിക്കാനുള്ള തീരുമാനത്തില്‍ നിന്ന് പിന്മാറി സംസ്ഥാന സര്‍ക്കാര്‍  ജിഎസ്ടി നഷ്ടപരിഹാരവും കുടിശ്ശികയും കിട്ടുമെന്ന കേന്ദ്ര ഉറപ്പിലാണ് തീരുമാനം. അടുത്ത ജിഎസ്‍ടി യോഗത്തിന് ശേഷം അന്തിമ തീരുമാനം എടുക്കും. 7000 കോടി രൂപ കേന്ദ്രത്തില്‍ നിന്ന് കിട്ടുമെന്നാണ് ഉറപ്പ്. ഇതോടെ സംസ്ഥാനത്തിന്‍റെ സാമ്പത്തിക പ്രതിസന്ധിക്ക് അയവുണ്ടാകും. സംസ്ഥാനത്തെ സാമ്പത്തിക പ്രതിസന്ധിയെ തുടർന്ന്  വീണ്ടും ശമ്പളം പിടിക്കാനുള്ള തീരുമാനം  വൻ പ്രതിഷേധത്തിന് ഇടയാക്കിയിരുന്നു. തീരുമാനം പുനപരിശോധിക്കണമെന്ന് ഭരണാനുകൂല സംഘടനകളും നിലപാടെടുത്തു. മറ്റ് സാധ്യതകൾ തേടണമെന്ന് സിപിഎം സെക്രട്ടറിയേറ്റും…

ദേഹാസ്വാസ്ഥ്യത്തെ തുടർന്ന് വ്യവസായ മന്ത്രി ഇ.പി ജയരാജനെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. തീവ്രപരിചരണ വിഭാ​ഗത്തിലാണ് മന്ത്രിയെ പ്രവേശിപ്പിച്ചത്. അതേസമയം മന്ത്രിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു. കഴിഞ്ഞ മാസം ജയരാജനും ഭാര്യയ്ക്കും കോവിഡ് സ്ഥിരീകരിച്ചിരുന്നു. തുടർന്ന് ആശുപത്രിയിൽ ചികിത്സ തേടിയ ഇരുവരും കോവിഡ് പരിശോധനയിൽ നെഗറ്റീവായതിനെ തുടർന്ന് നിരീക്ഷണത്തിലേക്ക് മാറുകയും ചെയ്തു. ഇതിനിടെയാണ് മന്ത്രിക്ക് ശാരീരിക അസ്വാസ്ഥ്യം അനുഭവപ്പെട്ടത്.

തൃശ്ശൂർ കുട്ടനെല്ലൂരിൽ വനിതാ ഡോക്ടർ സോനയെ കുത്തിക്കൊന്ന കേസിലെ പ്രതി പിടിയിൽ. സുഹൃത്ത് മഹേഷിനെയാണ് പോലീസ് പിടികൂടിയത്. തൃശ്ശൂർ പൂങ്കുന്നത്ത് നിന്നാണ് പ്രതി പിടിയിലായത്. കഴിഞ്ഞ ചൊവ്വാഴ്ചയാണ് മൂവാറ്റുപുഴ സ്വദേശിയായ സോനക്ക് കുത്തേറ്റത്. ഇതിന് ശേഷം ഒളിവിൽ പോയ മഹേഷിനെ ഒരാഴ്ചക്ക് ശേഷമാണ് പോലീസ് പിടികൂടുന്നത്. കഴിഞ്ഞ രണ്ട് വർഷമായി കുട്ടനെല്ലൂരിൽ ദന്താശുപത്രി നടത്തി വരികയായിരുന്നു സോന. മഹേഷിന്റെ പാർട്ണർഷിപ്പോടെയായിരുന്നു സ്ഥാപനം നടത്തി വന്നത്. സാമ്പത്തിക ഇടപാടുകളെ ചൊല്ലിയുള്ള തർക്കത്തെ തുടർന്ന് മഹേഷിനെതിരെ സോന പോലീസിൽ പരാതി…

കോവിഡ് വ്യാപനത്തെത്തുടർന്ന് അടച്ചിട്ട പാളയം മാർക്കറ്റ് ചൊവ്വാഴ്ചമുതൽ പ്രവർത്തിക്കും. കോവിഡ് മാനദണ്ഡങ്ങൾ കർശനമായിപാലിച്ചായിരിക്കും മാർക്കറ്റിന്റെ പ്രവർത്തനം. കഴിഞ്ഞ 23-നാണ് പാളയം പച്ചക്കറിമാർക്കറ്റിലെ 233 പേർക്ക് രോഗം സ്ഥിരീകരിച്ചത്. തുടർന്ന് മാർക്കറ്റ് അടച്ചിട്ടു. മാർക്കറ്റുമായി ബന്ധപ്പെട്ടവരുടെ നിരീക്ഷണകാലാവധി പൂർത്തിയായതിനുശേഷം വെള്ളിയാഴ്ച കോവിഡ് പരിശോധന നടത്തിയിരുന്നു. 304 പേർക്ക് നടത്തിയ പരിശോധനയിൽ 31 പേർക്കാണ് രോഗം സ്ഥിരീകരിച്ചത്. രോഗവ്യാപനം കുറഞ്ഞതിനെത്തുടർന്നാണ് മാർക്കറ്റ് തുറക്കാൻ ജില്ലാഭരണകൂടം അനുമതി നൽകിയത്. കോവിഡ് വ്യാപനഭീതിയിൽ പാളയം പച്ചക്കറി മാർക്കറ്റ് അടച്ചതിനെത്തുടർന്ന് വേങ്ങേരിയിലെ തടമ്പാട്ടുതാഴം കാർഷികവിപണനകേന്ദ്രത്തിലാണ്…