സോളാർ പീഡനക്കേസുകൾ സിബിഐക്ക് വിട്ട നടപടിയെ പ്രതിരോധിക്കാൻ ശ്രമിക്കില്ലെന്ന് ഉമ്മൻ ചാണ്ടി. ഏത് ഏജൻസി വേണമെങ്കിലും അന്വേഷിക്കട്ടെ എന്ന നിലപാടാണ് തനിക്കുള്ളത്. എട്ട് വർഷത്തിനിടെ ഒരിക്കൽ പോലും കേസിനെ തടസ്സപ്പെടുത്താൻ ശ്രമിച്ചിട്ടില്ലെന്നും ഉമ്മൻ ചാണ്ടി തിരുവനന്തപുരത്ത് പറഞ്ഞു പരാതിക്കാരി വീണ്ടും പരാതി നൽകിയതിൽ ഗൂഢാലോചന ഉണ്ടോയെന്ന് മാധ്യമങ്ങൾക്ക് അന്വേഷിക്കാം. കേസ് സിബിഐക്ക് വിട്ട നടപടി സംസ്ഥാന സർക്കാരിന് തിരിച്ചടിയാകും നൽകുകയെന്നും ഉമ്മൻ ചാണ്ടി കൂട്ടിച്ചേർത്തു. കഴിഞ്ഞ ദിവസമാണ് സോളാർ കേസ് സിബിഐക്ക് വിട്ട് സർക്കാർ ഉത്തരവിറക്കിയത്. നാലേമുക്കാൽ…

കൊച്ചി കളമശ്ശേരിയിൽ 17കാരനെ മർദിച്ച കേസിലെ പ്രതികളിലൊരാൾ തൂങ്ങിമരിച്ച നിലയിൽ. ഗ്ലാസ് ഫാക്ടറി കോളനിയിലെ 17കാരനാണ് മരിച്ചത്. ഇന്ന് രാവിലെയാണ് കുട്ടി വീട്ടിനുള്ളിൽ തൂങ്ങിയ നിലയിൽ കണ്ടത്. പോലീസ് കസ്റ്റഡിയിലെടുത്ത പ്രതികളെ മർദിച്ചുവെന്ന് ആരോപിച്ച് ഇവർ ആശുപത്രിയിൽ ചികിത്സ തേടിയിരുന്നു. കുട്ടികളെ മർദിച്ചതായും ഭീഷണിപ്പെടുത്തിയതായും മരിച്ച കുട്ടിയുടെ ബന്ധുക്കൾ ആരോപിച്ചു. പ്രതികളുടെ സുഹൃത്ത് തന്നെയായ പതിനേഴുകാരനെയാണ് ഇവർ മർദിച്ചത്. കെട്ടിടത്തിന്റെ മുകളിൽ വെച്ച് ഊഴമിട്ട് മർദിക്കുന്നതിന്റെയും അവശനാക്കിയ ശേഷം നിർബന്ധിച്ച് ഡാൻസ് കളിപ്പിക്കുന്നതിന്റെയും ദൃശ്യങ്ങൾ പുറത്തുവന്നിരുന്നു. ലഹരി…

നിയമസഭാ തെരഞ്ഞെടുപ്പിൽ 15 സീറ്റുകൾ വേണമെന്ന അവകാശവാദവുമായി കേരളാ കോൺഗ്രസ് ജോസഫ് വിഭാഗം. ഇക്കാര്യം യുഡിഎഫിൽ ആവശ്യപ്പെടും. സീറ്റ് വെച്ചുമാറുന്ന കാര്യം ചർച്ചയായിട്ടില്ല. കടുത്തുരുത്തിയിൽ ജോസ് കെ മാണി അല്ല, ആര് വന്നാലും പ്രശ്‌നമില്ലെന്ന് മോൻസ് ജോസഫ് പറഞ്ഞു കഴിഞ്ഞ തവണ മത്സരിച്ച 15 സീറ്റുകളിലെ അവകാശവാദം ഉന്നയിക്കും. കൂട്ടായി ആലോചിച്ച് ജയസാധ്യത പരിശോധിക്കും. ജനങ്ങൾക്കിടയിൽ പ്രവർത്തിക്കുക എന്നതാണ് കടുത്തുരുത്തിയിൽ ചെയ്തത്. അതിനിയും തുടരുമെന്നും മോൻസ് ജോസഫ് പറഞ്ഞു ജോസ് കെ മാണിയോട് ഏറ്റുമുട്ടാൻ തയ്യാറാണ്. വലിയ…

ഫോർട്ട് കൊച്ചിയിലുള്ള ഹോം സ്‌റ്റേയിൽ അമേരിക്കൻ പൗരനെ തൂങ്ങിമരിച്ച നിലയിൽ കണ്ടെത്തി. ഞാലിപറമ്പിലെ ബ്രൈറ്റ് ഇൻ ഹോം സ്‌റ്റേയിലാണ് യുഎസ് പൗരനായ ഡേവിഡ് എം പിയേഴ്‌സണെ തൂങ്ങിയ നിലയിൽ കണ്ടെത്തിയത്. കഴിഞ്ഞ രണ്ട് വർഷമായി ഇയാൾ ഇവിടെയാണ് താമസിക്കുന്നത്. സംഭവത്തിൽ പോലീസ് അസ്വാഭാവിക മരണത്തിന് കേസെടുത്തു. ഡേവിഡിന്റെ മരണം അമേരിക്കൻ എംബസിയെ അറിയിക്കുന്നതിനായുള്ള നടപടികൾ ആരംഭിച്ചതായി പോലീസ് അറിയിച്ചു.

എൻഫോഴ്‌സ്‌മെന്റ് ഡയറക്ടറേറ്റ് കേസിൽ എം ശിവശങ്കറിന്റെ ജാമ്യാപേക്ഷ കോടതി ഇന്ന് പരിഗണിക്കും. എറണാകുളം പ്രിൻസിപ്പൽ സെഷൻസ് കോടതിയാണ് ജാമ്യാപേക്ഷ പരിഗണിക്കുന്നത്. അറുപത് ദിവസം പിന്നിട്ടതിനാൽ സ്വാഭാവിക ജാമ്യത്തിന് അർഹതയുണ്ടെന്ന് ശിവശങ്കർ ചൂണ്ടിക്കാണിക്കും. സ്വപ്‌നയുടെയും സരിത്തിന്റെയും രഹസ്യമൊഴി ലഭിക്കണമെന്ന ഇഡിയുടെ ആവശ്യവും കോടതി ഇന്ന് പരിഗണിക്കുന്നുണ്ട്.

സംസ്ഥാന എൻസിപിയിലെ ആഭ്യന്തര കലഹം രൂക്ഷമായ സാഹചര്യത്തിൽ മാണി സി കാപ്പൻ ഇന്ന് ദേശീയ അധ്യക്ഷൻ ശരദ് പവാറുമായി കൂടിക്കാഴ്ച നടത്തും. രാവിലെ ഒമ്പത് മണിക്ക് മുംബൈയിലെ പവാറിന്റെ വീട്ടിൽ വെച്ചാണ് കൂടിക്കാഴ്ച. പാലായിൽ ജോസ് കെ മാണി വിഭാഗത്തിന് തന്നെ സീറ്റ് നൽകുമെന്ന് ഉറപ്പായതോടെ ഇടതുമുന്നണി വിടണമെന്ന നിലപാടാണ് മാണി സി കാപ്പനുള്ളത്. സംസ്ഥാന പ്രസിഡന്റ് ടിപി പീതാംബരനും ഇതേ നിലപാടാണുള്ളത്. മുന്നണി മാറ്റത്തിൽ തീരുമാനം വൈകരുതെന്ന് പവാറിന് പീതാംബരൻ കത്തയച്ചിരുന്നു. ഇന്ന് നടക്കുന്ന കൂടിക്കാഴ്ചയിൽ…

കോഴിക്കോട്: സ്‌കൂള്‍ പഠനത്തില്‍ സമൂല മാറ്റം നിര്‍ദേശിച്ച് പൊതുവിദ്യാഭ്യാസ ഡയറക്ടര്‍ പുതിയ മാര്‍ഗ നിര്‍ദേശം പുറത്തിറക്കി. ഇന്നു മുതല്‍ ഒരു ബെഞ്ചില്‍ രണ്ടുകുട്ടികള്‍ വീതം ഇരിക്കാം. 10, 12 ക്ലാസുകളാണ് ഇപ്പോള്‍ നടക്കുന്നത്. ഇതോടെ ഒരു ക്ലാസില്‍ 20 കുട്ടികളെ വരെ ഇരുത്താം. ഒരു ബെഞ്ചില്‍ ഒരുകുട്ടി എന്നായിരുന്നതിനാല്‍ പത്തുകുട്ടികളെ വീതം ഓരോ വിഷയത്തിനും കൂടുതല്‍ ക്ലാസെടുക്കുകയായിരുന്നു അധ്യാപകര്‍. സ്‌കൂള്‍ പ്രവര്‍ത്തനം ആരംഭിച്ചതുമുതലുള്ള കാര്യങ്ങള്‍ അവലോകനം ചെയ്താണു പുതിയ മാര്‍ഗനിര്‍ദേശം പുറത്തിറക്കിയത്. മുഴുവന്‍ അധ്യാപകരും സ്‌കൂളിലെത്തണം. കൊവിഡ്…