കോവിഡ് മൂന്നാംതരംഗം; ആശുപത്രികളിലെ മുന്നൊരുക്കങ്ങള് വിലയിരുത്താന് അവലോകന യോഗം ചേര്ന്നു
കോവിഡ് മൂന്നാംതരംഗത്തെ നേരിടാനുള്ള മുന്നൊരുക്കങ്ങള് വിലയിരുത്താന് ആരോഗ്യ വകുപ്പ് മന്ത്രി വീണാ ജോര്ജിന്റെ നേതൃത്വത്തില് അവലോകന യോഗം ചേര്ന്നു. മെഡിക്കല് കോളജുകളുടെയും പ്രധാന ആശുപത്രികളുടേയും മേധാവികള് യോഗത്തില് പങ്കെടുത്തു. ദ്വിതീയ തലത്തിലെ ഐ.സി.യു.കള് മെഡിക്കല് കോളജുകളുമായി ഓണ്ലൈനായി ബന്ധിപ്പിക്കാനും ഓക്സിജന് കിടക്കകളും ഐ.സി.യു.വും വെന്റിലേറ്റര് സൗകര്യങ്ങളും പരമാവധി വര്ധിപ്പിക്കാനും യോഗത്തില് തീരുമാനമായി. ഇതുസംബന്ധിച്ച് വകുപ്പ് മേധാവികള്ക്ക് മന്ത്രി നിര്ദേശം നല്കി. മൂന്നാം തരംഗമുണ്ടാകുമെന്ന വിദഗ്ധാഭിപ്രായം കണക്കിലെടുത്ത് എല്ലാവരും അതീവ ജാഗ്രത പാലിക്കണമെന്ന് ആരോഗ്യമന്ത്രി കഴിഞ്ഞ ദിവസം വ്യക്തമാക്കിയിരുന്നു….