സ്റ്റുഡന്റ്‌സ് പോലീസിൽ മതവേഷം അനുവദിക്കാൻ കഴിയില്ലെന്ന് സംസ്ഥാന സർക്കാർ ഹിജാബും ഫുൾസ്ലീവും ധരിക്കാൻ അനുവദിക്കണമെന്നാവശ്യപ്പെട്ട് നേരത്തെ ഹൈക്കോടതിയിൽ ഹർജി വന്നിരുന്നു. ഈ ഹർജി തള്ളിയ ഹൈക്കോടതി സർക്കാരിനെ സമീപിക്കാൻ പരാതിക്കാരോട് ആവശ്യപ്പെട്ടു. ഇതിലാണ് സർക്കാർ നിലപാട് വ്യക്തമാക്കിയത്. ജെൻഡർ ന്യൂട്രൽ യൂണിഫോമാണ് സ്റ്റുഡന്റ് പോലീസ് സേനയിലേത്. കുട്ടികളിൽ ദേശീയ ബോധവും അച്ചടക്കവും വളർത്തുന്നതിനാണ് ഇത്തരമൊരു രീതി നടപ്പാക്കിയത്. അതിനാൽ മതചിഹ്നങ്ങൾ അനുവദിക്കാൻ കഴിയില്ല. വർഷങ്ങളായി വിവിധ മതവിഭാഗങ്ങളിലെ കുട്ടികൾ ഒരേ വേഷം ധരിച്ചാണ് സേനയിൽ പങ്കാളികളായത്….

  പയ്യന്നൂർ പോലീസ് സ്‌റ്റേഷനിൽ കൊവിഡ് വ്യാപനം. നിലവിൽ പത്തോളം പോലീസുകാർക്കാണ് കൊവിഡ് സ്ഥിരീകരിച്ചത്. സ്‌റ്റേഷനകത്തേക്കുള്ള പൊതുജനങ്ങളുടെ പ്രവേശനം താത്കാലികമായി വിലക്കിയിട്ടുണ്ട്. അത്യാവശ്യ കാര്യങ്ങളുമായി വരുന്നവർക്ക് മാത്രമാണ് സ്റ്റേഷൻ കോമ്പൗണ്ടിനകത്ത് പ്രവേശിക്കാൻ അനുമതിയുള്ളത് അതേസമയം സംസ്ഥാനത്ത് നാല് ജില്ലകൾ കൂടി സി കാറ്റഗറിയിൽ ഉൾപ്പെടുത്താൻ തീരുമാനമായി. ഇടുക്കി, പത്തനംതിട്ട, കൊല്ലം, കോട്ടയം ജില്ലകൾ കൂടിയാണ് സി കാറ്റഗറിയിൽ ഉൾപ്പെട്ടത്. നേരത്തെ തിരുവനന്തപുരം മാത്രമായിരുന്നു സി കാറ്റഗറി. ഈ ജില്ലകളിൽ സാമൂഹ്യ രാഷ്ട്രീയ, സാംസ്‌കാരിക, മത സാമുദായികപരമായ എല്ലാ…

  കൊവിഡ് വ്യാപനം നിയന്ത്രിക്കുന്നതിന്റെ ഭാഗമായി സംസ്ഥാനത്ത് കൂടുതൽ ജില്ലകൾ കൂടി സി കാറ്റഗറിയിലേക്ക്. കൊല്ലം, പത്തനംതിട്ട, ഇടുക്കി, കോട്ടയം ജില്ലകളെയാണ് സി കാറ്റഗറിയിൽ ഉൾപ്പെടുത്തിയത്. നിലവിൽ തിരുവനന്തപുരം ജില്ല മാത്രമായിരുന്നു സി കാറ്റഗറയിലുണ്ടായിരുന്നത്. ഈ ജില്ലകളിൽ ജിം, നീന്തൽക്കുളം, തീയറ്ററുകൾ എന്നിവക്ക് പ്രവർത്തനാനുമതിയുണ്ടാകില്ല. മതപരമായ ാരാധനകൾ ഓൺലൈൻ ആയി മാത്രമേ പാടുള്ളു. വിദ്യാഭ്യാസ സ്ഥാപനങ്ങളിൽ അവസാന സെമസ്റ്റർ മാത്രം നേരിട്ട് ക്ലാസ് നടത്താം. അതേസമയം ആവശ്യമെങ്കിൽ വീണ്ടും സമൂഹ അടുക്കള ആരംഭിക്കാൻ ഇന്ന് ചേർന്ന മന്ത്രിസഭാ…

  തൃശ്ശൂർ ചിമ്മിനി കാട്ടിൽ അവശനിലയിൽ കണ്ടെത്തിയ കാട്ടാനക്കുട്ടി ചരിഞ്ഞു. വെറ്റിനറി ഡേവിഡ് എബ്രഹാമിന്റെ നേതൃത്വത്തിൽ ചികിത്സ നടത്തിയെങ്കിലും ജീവൻ രക്ഷിക്കാൻ സാധിച്ചില്ല. ഒരു മാസം പ്രായമുള്ള ആനക്കുട്ടിയെ ഇന്നലെ രാവിലെയാണ് വനപാലകർ കാട്ടിനുള്ളിൽ കണ്ടെത്തിയത്. അവശനിലയിലായ കുട്ടിയാനയെ കാട്ടാനക്കൂട്ടം ഒഴിവാക്കിയ നിലയിലായിരുന്നു. ഫോറസ്റ്റ് റെയ്ഞ്ചർ ഓഫീസറുടെ നേതൃത്വത്തിൽ വനംവകുപ്പ് കുട്ടിയാനയെ ആനക്കൂട്ടത്തിൽ വിടാൻ ശ്രമിച്ചെങ്കിലും കൂട്ടത്തിൽ കൂട്ടാൻ ആനകൾ തയ്യാറായിരുന്നില്ല.

  അന്വേഷണ ഉദ്യോഗസ്ഥരെ അപായപ്പെടുത്താൻ ശ്രമിച്ചെന്ന കേസിൽ നടൻ ദിലീപിന്റെ മുൻകൂർ ജാമ്യാപേക്ഷ പരിഗണിക്കുന്നത് അടുത്ത ബുധനാഴ്ചയിലേക്ക് മാറ്റി. അതുവരെ ദിലീപിനെയും മറ്റ് പ്രതികളെയും അറസ്റ്റ് ചെയ്യുന്നതിനും വിലക്കുണ്ട്. പ്രതികളെ മൂന്ന് ദിവസം ചോദ്യം ചെയ്യാൻ അനുവദിച്ചതിന് ശേഷം കേസ് ഇന്ന് കോടതി പരിഗണിക്കാനിരുന്നതാണ്. എന്നാൽ പ്രോസിക്യൂഷന്റെ ആവശ്യം പരിഗണിച്ചാണ് മാറ്റിയത് ചില തെളിവുകൾ പരിശോധിക്കേണ്ടതുണ്ടെന്ന് പ്രോസിക്യൂഷൻ പറഞ്ഞതിന്റെ അടിസ്ഥാനത്തിലാണ് ജസ്റ്റിസ് ഗോപിനാഥിന്റെ ബഞ്ച് കേസ് മാറ്റിയത്. അന്വേഷണ പുരോഗതി മുദ്രവെച്ച കവറിൽ കൈമാറാമെന്നും അന്വേഷണ സംഘം…

  കത്തിക്കുത്ത് കേസിലെ പ്രതിയെ തേടി വീട്ടിലെത്തിയ പോലീസ് കണ്ടത് ടെറസിലെ കഞ്ചാവ് കൃഷി. യുവാവിനെ പോലീസ് കൈയോടെ പിടികൂടുകയും ചെയ്തു. തിരുവനന്തപുരം വഴിച്ചാൽ നുള്ളിയോട് സ്വദേശി ശ്രീജിത്താണ് അറസ്റ്റിലായത്. കത്തിക്കുത്ത് കേസിലെ രണ്ടാം പ്രതിയാണ് ശ്രീജിത്ത് കാട്ടാക്കട ഡിവൈഎസ്പിയുടെ നേതൃത്വത്തിലാണ് ശ്രീജിത്തിന്റെ വീട്ടിൽ പോലീസ് പരിശോധനക്കെത്തിയത്. ഇതിനിടെയാണ് ടെറസിൽ വളർത്തിയിരുന്ന കഞ്ചാവ് ചെടി പോലീസ് കണ്ടെത്തിയത്. നിലവിൽ ശ്രീജിത്തിന്റെ പേരിൽ രണ്ട് കേസുകളായി.

  ആലപ്പുഴയിൽ സിപിഎം പ്രവർത്തകനെ വെട്ടിപ്പരുക്കേൽപ്പിച്ചു. വളനാട് ലോക്കൽ കമ്മിറ്റി അംഗം ടി സി സന്തോഷിനെയാണ് വെട്ടിപ്പരുക്കേൽപ്പിച്ചത്. കൈയ്ക്കും കാലിനും ഗുരുതരമായി പരുക്കേറ്റ സന്തോഷിനെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു സംഭവത്തിൽ രണ്ട് ബിഎംഎസ്, ആർഎസ്എസ് പ്രവർത്തകർ അറസ്റ്റിലായി. കുരുവി സുരേഷ്, ഷൺമുഖൻ എന്നിവരാണ് അറസ്റ്റിലായത്. മുൻവൈരാഗ്യമാണ് ആക്രമണത്തിന് കാരണമെന്നാണ് പോലീസ് പറയുന്നത്.