സമൂഹമാധ്യമത്തിലൂടെ വ്യക്തിയധിക്ഷേപം നടത്തിയയാൾക്ക് മാപ്പ് നൽകി കേസ് ഒത്തുതീർപ്പാക്കി ലിന്റോ ജോസഫ് എംഎൽഎ. അധിക്ഷേപം നടത്തിയ ലീഗ് അനുഭാവി അസ്ലം ക്ഷമ ചോദിച്ചതോടെ പരാതി പിൻവലിക്കുന്നതായി ലിന്റോ ജോസഫ് അറിയിച്ചു. വ്യക്തി അധിക്ഷേപം നടത്തിയ ലീഗ് അനുഭാവി അസ്ലം മുഹമ്മദ് ക്ഷമ ചോദിച്ച സാഹചര്യത്തില് പരാതി പിന്വലിക്കുന്നതായി ലിന്റോ ജോസഫ് എംഎല്എ പറഞ്ഞു.തിങ്കളാഴ്ച രാവിലെ അസ്ലമിനെ തിരുവമ്പാടി പൊലീസ് കസ്റ്റഡിയില് എടുത്തിരുന്നു. ഇതിന് പിന്നാലെ പോലീസ് ലിന്റോ ജോസഫിനെ സ്റ്റേഷനിലേക്ക് വിളിച്ചു. തുടര്ന്ന് ലിന്റോ സ്റ്റേഷനില് എത്തുകയും അസ്ലം ക്ഷമ ചോദിക്കുകയുമായിരുന്നു.അസ്ലമിന് തെറ്റ് ബോധ്യപ്പെട്ടതായി ലിന്റോ ജോസഫ് പ്രതികരിച്ചു. തിരുത്താനുള്ള സന്മനസ് അസ്ലം കാണിച്ചു.
അസ്ലമിന് തെറ്റ് ബോധ്യപ്പെട്ടതായി ലിന്റോ ജോസഫ് പ്രതികരിച്ചു. തിരുത്താനുള്ള സന്മനസ് അസ്ലം കാണിച്ചു. തെറ്റ് പറ്റിയാല് തിരുത്തുകയാണ് വേണ്ടത്. തെറ്റ് പറ്റാത്തവരായി ആരും ഇല്ല. ഇതോടെ ഈ വിഷയം അവസാനിച്ചെന്നും ലിന്റോ ജോസഫ് വ്യക്തമാക്കി.
ലിന്റോ ജോസഫിന്റെ കുറിപ്പ്
പ്രിയ സുഹൃത്ത് അസ്ലമിനെ കണ്ടു..
മഹാനായ ലെനിന് ഒരിക്കല് പറഞ്ഞിട്ടുണ്ട്, തെറ്റ് പറ്റാത്തത് ഗര്ഭപാത്രത്തിലെ ശിശുവിനും മൃതശരീരത്തിനും മാത്രമാണെന്ന്. മനുഷ്യരായാല് അറിഞ്ഞോ അറിയാതെയോ തെറ്റുകള് പറ്റും. തെറ്റ് തിരിച്ചറിയുകയും തിരുത്തുകയും ചെയ്യുക എന്നുള്ളത് നമ്മെ കൂടുതല് നല്ല മനുഷ്യരാക്കും. സോഷ്യല് മീഡിയയില് എനിക്കെതിരെ വരുന്ന അപവാദപ്രചരണങ്ങളിലോ , കളിയാക്കലുകളിലോ ഞാന് ശ്രദ്ധ കൊടുക്കാറില്ല. എങ്കിലും ഈ ഒരു സംഭവത്തില് നിന്ന് നാം മനസ്സിലാക്കേണ്ടത് എന്താണെന്നാല്, കൂടുതല് സംശുദ്ധവും മാന്യതയില് അധിഷ്ഠിതവുമായ ഒരു സോഷ്യല് മീഡിയ സംസ്കാരത്തെ നമുക്ക് സൃഷ്ടിച്ചെടുക്കേണ്ടതുണ്ട്. വ്യക്തി അധിക്ഷേപങ്ങളില് നിന്നും ബോഡി ഷെയിമിങ്ങില് നിന്നും സ്ത്രീവിരുദ്ധതയില് നിന്നുമൊക്കെ മോചിതമായി മികച്ച സംവാദങ്ങള് ഉയര്ന്നുവരുന്ന സ്പേസ് ആയി നമ്മുടെ സാമൂഹിക മാധ്യമങ്ങള് മാറണം. എങ്കില് മാത്രമേ സമൂഹത്തിന് മുന്നോട്ടുപോകാന് സാധിക്കൂ…
അസ്ലം മുഹമ്മദ് എന്ന എന്റെ സഹോദരാ..
എനിക്ക് നിങ്ങളോട് യാതൊരുവിധ പരിഭവവും ഇല്ല. തെറ്റ് തിരുത്താന് നിങ്ങള് എന്നെ വിളിച്ചപ്പോള്മുതല് നമ്മള് പരസ്പരം അറിഞ്ഞില്ലേ.
എന്തെങ്കിലും ആവശ്യങ്ങള് വരുമ്പോള് ഒരു പരിചയക്കാരന് എന്ന നിലയില് നിങ്ങള്ക്ക് എന്നെ എപ്പോള് വേണമെങ്കിലും വിളിക്കാം.
Read More
മുഖ്യമന്ത്രിക്കെതിരായ അധിക്ഷേപ പരാമർശം; പി.എം.എ സലാമിനെതിരെ പരാതി നൽകി സി.പി.ഐ.എം പ്രവർത്തകൻ
സര്ഫ്രാസ് ഖാനെ ഉള്പ്പെടുത്താത്തത് ആ പേര് കൊണ്ടാണോ; ഗൗതംഗംഭീറിനെ വിമര്ശിച്ച് വിവാദങ്ങള്ക്ക് തുടക്കമിട്ട് ക്ഷമ മുഹമ്മദ്
നിയമസഭ തിരഞ്ഞെടുപ്പ്; പിജെ ജോസഫ് പിന്നോട്ടില്ല; തൊടുപുഴയിൽ മത്സരിക്കും
‘വിമർശനങ്ങൾ വ്യക്തിപരമായ അധിക്ഷേപങ്ങളിലേക്ക് പോകാൻ പാടില്ല’; പിഎംഎ സലാമിനെ തള്ളി മുസ്ലിം ലീഗ്
