യു കെയിലെ ആരോഗ്യമേഖലയിൽ മലയാളി സമൂഹം ഒരിക്കൽക്കൂടി അഭിമാനനേട്ടം കൊയ്തിരിക്കുന്നു. ആലപ്പുഴ തിരുവമ്പാടി സ്വദേശിയായ നവീൻ ഹരികുമാറിന് റോയൽ കോളേജ് ഓഫ് നഴ്സിങ്ങിന്റെ (RCN) അഭിമാനകരമായ ‘റൈസിങ് സ്റ്റാർ’ പുരസ്കാരം ലഭിച്ചു. മികച്ച രോഗീ പരിചരണം, സഹപ്രവർത്തകരെ വളർത്തിയെടുക്കുന്നതിലുള്ള ശ്രദ്ധേയമായ സംഭാവനകൾ, നൂതനമായ പ്രവർത്തനങ്ങൾ എന്നിവ പരിഗണിച്ചാണ് ഈ ഉന്നത അംഗീകാരം. യുകെയിലെ മലയാളി നഴ്സിങ് പ്രൊഫഷണലുകൾക്ക് ഇത് വലിയ പ്രചോദനമായി.
നവീൻ നിലവിൽ നോർത്ത് വെസ്റ്റ് ലണ്ടൻ എൻഎച്ച്എസ് ട്രസ്റ്റിന് കീഴിലുള്ള നോർത്ത്വിക്ക് പാർക്ക് ഹോസ്പിറ്റലിൽ ക്ലിനിക്കൽ പ്രാക്ടീസ് എഡ്യൂക്കേറ്ററാണ്. ക്വളിറ്റി ഇമ്പ്രോവെമെന്റ് കോച്ച്, പ്രൊഫെഷണൽ നഴ്സ് അഡ്വക്കറ്റ് എന്നീ നിലകളിലും അദ്ദേഹം പ്രവർത്തിച്ചുവരുന്നു. വെറും ആറു വർഷം മാത്രം നീണ്ട യു കെ സേവന പരിചയമാണ് നവീനുള്ളത്.
ബ്ലാക്ക്, ഏഷ്യൻ, മറ്റ് ന്യൂനപക്ഷ വംശീയ വിഭാഗങ്ങളിൽപ്പെട്ട നഴ്സിങ് ജീവനക്കാരുടെ സംഭാവനകളെ ആദരിക്കുന്ന RCN ലണ്ടന്റെ ഈ പുരസ്കാരം, നൂതനമായ പ്രോജക്റ്റുകളിലൂടെയും മികച്ച രോഗീപരിചരണത്തിലൂടെയും ശ്രദ്ധേയമായ സ്വാധീനം ചെലുത്തുന്നവർക്കാണ് നൽകുന്നത്.
“പ്രചോദനം നൽകാനും മറ്റുള്ളവർക്ക് മാർഗദർശിയാകാനുമുള്ള നവീന്റെ
കഴിവാണ് അദ്ദേഹത്തിന്റെ ഏറ്റവും ശക്തമായ സംഭാവന,” എന്നാണ് നോമിനേറ്റർ അഭിപ്രായപ്പെട്ടത്. HSJ അവാർഡ്സിലും തിളക്കം: ടീം ‘ഹൈലി കമൻഡഡ്’ റൈസിങ് സ്റ്റാർ പുരസ്കാരത്തിന് പുറമെ, നവീൻ ഹരികുമാർ പ്രവർത്തിക്കുന്ന ടീം എച്ച്എസ്ജെ അവാർഡ്സ് 2025-ൽ (HSJ Awards 2025): ‘പേഷ്യന്റ് സേഫ്റ്റി’ (Patient Safety) വിഭാഗത്തിൽ ‘ഹൈലി കമൻഡഡ്’ ആയി തിരഞ്ഞെടുക്കപ്പെട്ടു. ‘നഴ്സ് നേതൃത്വത്തിലുള്ള നൽകുന്ന രോഗീ സുരക്ഷാ സംരംഭങ്ങൾ’ (Nurse led patient safety initiative) എന്ന വിഭാഗത്തിൽ ടീം വിജയികളാവുകയും ചെയ്തു. രോഗീപരിചരണ സുരക്ഷയും ഗുണനിലവാരവും മെച്ചപ്പെടുത്തുന്നതിൽ ക്ലിനിക്കൽ പ്രാക്ടീസ് എഡ്യൂക്കേറ്റർ എന്ന നിലയിൽ നവീൻ നിർണായക പങ്ക് വഹിച്ചതായി വിലയിരുത്തപ്പെട്ടു.
ആലപ്പുഴ തിരുവമ്പാടിയാണ് നവീന്റെ സ്വദേശം. ആലപ്പുഴയിലെ ലിയോ XIII ഹയർ സെക്കൻഡറി സ്കൂളിൽ നിന്നാണ് അദ്ദേഹം ഹയർ സെക്കൻഡറി വിദ്യാഭ്യാസം പൂർത്തിയാക്കിയത്. ഗവൺമെന്റ് കോളജ് ഓഫ് നഴ്സിങ്, ആലപ്പുഴയിൽ നിന്നാണ് നഴ്സിങ് ബിരുദം നേടിയത്. നിലവിൽ ക്യൂൻ മേരി യൂണിവേഴ്സിറ്റി ഓഫ് ലണ്ടനിൽ ഹയർ എജ്യുക്കേഷനിൽ പി.ജി. ഡിപ്ലോമ (PG Dip in Higher Education) പഠനം നടത്തുകയാണ്.
ഹരികുമാർ, ഗീത ദമ്പതികളുടെ മകനാണ്. ഭാര്യ അഥീന ബി ചന്ദ്രൻ, മകൾ ഇതൾ മേ നവീൻ.
പ്രൊഫഷണൽ രംഗത്തെ സംഭാവനകൾക്ക് പുറമെ, യൂ കെയിലെ മുപ്പതിൽ പരം ബ്രാഞ്ചുകളുള്ള കൈരളി യൂ കെയുടെ ദേശീയ സെക്രട്ടറി ആയും നവീൻ പ്രവർത്തിച്ചു വരുന്നു. സാമൂഹിക സാംസ്കാരിക ജീവ കാരുണ്യ പ്രവർത്തനങ്ങളിലും അദ്ദേഹം സജീവമാണ്.
Read More
67-ാമത് ദേശീയ ചലച്ചിത്ര പുരസ്കാരങ്ങൾ പ്രഖ്യാപിച്ചു:മികച്ച സിനിമ മരയ്ക്കാര്, ധനുഷ്, മനോജ് വാജ്പേയ്, എന്നിവര്ക്കും പുരസ്കാരം
തിളങ്ങി ഉര്വശിയും വിജയരാഘവനും; മലയാളത്തിന് അഞ്ച് പുരസ്കാരങ്ങള്; ദേശീയ അവാര്ഡ് ഏറ്റുവാങ്ങി അഭിനേതാക്കള്
71ാമത് ദേശീയ ചലച്ചിത്ര അവാര്ഡ്; മലയാളത്തിന് അഞ്ച് പുരസ്കാരങ്ങള്; പുരസ്കാര നേട്ടത്തില് ഉര്വശിയും വിജയരാഘവനും
സവര്ക്കര് പുരസ്കാരം സ്വീകരിക്കില്ല’; നിലപാട് വ്യക്തമാക്കി ഡോ. ശശി തരൂര്
