ആശാ സമരത്തെ പ്രകീർത്തിച്ചത് കൊണ്ടല്ല പ്രേംകുമാറിനെ മാറ്റിയത്, കാലാവധി തീർന്നപ്പോൾ പുതിയ ഭാരവാഹികളെ തീരുമാനിച്ചു; മന്ത്രി സജി ചെറിയാൻ

ചലച്ചിത്ര അക്കാദമി സ്ഥാനത്ത് നിന്നും നീക്കിയതിൽ പ്രേംകുമാറിന്റെ പരാതിയിൽ പ്രതികരണവുമായി മന്ത്രി സജി ചെറിയാൻ. കാലാവധി തീർന്നപ്പോൾ പുതിയ ഭാരവാഹികളെ തീരുമാനിച്ചു. അതിൽ സർക്കാരിന്റെ ഭാഗത്തുനിന്നും തെറ്റൊന്നും സംഭവിച്ചിട്ടില്ല. പ്രേം കുമാറിനെ അക്കാദമിയുടെ ഭാഗത്ത് നിന്നും അറിയിച്ചു കാണും എന്ന് കരുതുന്നുവെന്നും മന്ത്രി വ്യക്തമാക്കി.

ആശാ സമരത്തെ പ്രകീർത്തിച്ചത് കൊണ്ടാണ് പ്രേംകുമാറിനോട് അനിഷ്ടം ഉള്ളത് എന്ന വാദം ശരിയല്ല. പ്രേംകുമാർ ഇതുവരെ ഇടതുപക്ഷ വിരുദ്ധമായി അഭിപ്രായങ്ങൾ പറഞ്ഞിട്ടില്ല. പ്രേംകുമാറിനോട് കഴിഞ്ഞദിവസം സംസാരിച്ചിരുന്നു.അദ്ദേഹം നൽകിയത് മികച്ച സേവനം അദ്ദേഹത്തിന് സർക്കാർ നൽകിയത് നല്ല അവസരം.

ചലച്ചിത്ര മേളയുടെ നടത്തിപ്പിൽ സംഘാടക മികവ് എന്നത് പ്രേംകുമാറിന്റെതു മാത്രമല്ല. എല്ലാവരും ചേർന്നാണ് മേളം എല്ലാവരും ചേർന്നാണ് മേള നടത്തിയത്. ചലച്ചിത്ര പുരസ്കാര പ്രഖ്യാപനം ഒരു കല്ലുകടിയും ഇല്ലാതെ പ്രഖ്യാപനം നടക്കുമെന്നും സജി ചെറിയാൻ അറിയിച്ചു.

അതേസമയം ലോക പ്രശസ്തന്‍ ആയ റസൂല്‍ പൂക്കുട്ടിയെ ചലച്ചിത്ര അക്കാദമി ചെയര്‍മാനായി ലഭിച്ചത് ഭാഗ്യമാണെന്ന് സാംസ്‌കാരികമന്ത്രി സജി ചെറിയാന്‍. അക്കാദമിയുടെ പ്രവര്‍ത്തനത്തിനും സിനിമാ മേഖലയുടെ പുരോഗതിക്കും വേണ്ടി കേരളത്തില്‍ ചിലവഴിക്കും എന്ന് അദ്ദേഹം പറഞ്ഞിട്ടുണ്ട് എന്നാണ് സജി ചെറിയാന്‍ പറയുന്നത്.

”അദ്ദേഹം ലോക പ്രശസ്തനല്ലേ, അദ്ദേഹത്തെപ്പൊലൊരാളെ ചലച്ചിത്ര അക്കാദമിയുടെ നേതൃപദവിയിലേക്ക് ലഭിച്ചത് ഭാഗ്യമാണ്. രാജ്യത്തിനും കേരളത്തിനും അഭിമാനകരമായ നേട്ടങ്ങള്‍ സമ്മാനിച്ച ആളാണ് റസൂല്‍ പൂക്കുട്ടി. പൂര്‍ണ്ണ മനസോടെ സ്വീകരിക്കുന്നു എന്ന് അദ്ദേഹം അറിയിച്ചു. കൂടുതല്‍ സമയം അക്കാദമിയുടെ പ്രവര്‍ത്തനത്തിനും സിനിമാ മേഖലയുടെ പുരോഗതിക്കും വേണ്ടി കേരളത്തില്‍ ചിലവഴിക്കും എന്ന് അദ്ദേഹം പറഞ്ഞിട്ടുണ്ട്.”

”അങ്ങനെ അദ്ദേഹത്തെ പോലൊരാള്‍ ഇവിടെ വന്ന് ചിലവഴിക്കാന്‍ തയ്യാറായെങ്കില്‍ മലയാള സിനിമയുടെ മറ്റൊരു ഭാഗ്യം കൂടെ വന്നിരിക്കുന്നു എന്നാണ് ഞങ്ങള്‍ കാണുന്നത്. നിലവിലെ എക്സിക്യൂട്ടീവ് കമ്മിറ്റിയുടെ കാലാവധി കഴിഞ്ഞതിനെത്തുടര്‍ന്ന് പുതിയ ടീം വരട്ടേയെന്ന് സര്‍ക്കാര്‍ തീരുമാനിക്കുകയായിരുന്നു” എന്നാണ് സജി ചെറിയാന്‍ പ്രതികരിച്ചത്.