യുവനടി റിനി ആൻ ജോർജിന് നേരെ സാമൂഹ്യ മാധ്യമങ്ങളിലൂടെ നടന്ന സൈബർ ആക്രമണത്തിൽ എറണാകുളം റൂറൽ സൈബർ പൊലീസ് കേസെടുത്തു. രാഹുൽ മാങ്കൂട്ടത്തിലിനെതിരെ റിനി ആൻ ജോർജ് ആരോപണങ്ങൾ ഉന്നയിച്ചതിനെത്തുടർന്നാണ് അവർക്കെതിരെ വ്യാപകമായ സൈബർ ആക്രമണം ഉണ്ടായത്. ഇതിനെ തുടർന്ന് മുഖ്യമന്ത്രി, എറണാകുളം റൂറൽ എസ്പി, മുനമ്പം ഡിവൈഎസ്പി എന്നിവർക്ക് നടി പരാതി നൽകിയിരുന്നു.
പരാതിക്കൊപ്പം നടി ചില ഓൺലൈൻ ചാനലുകളുടെ ലിങ്കുകളും ഹാജരാക്കി. തന്നെ അപകീർത്തിപ്പെടുത്താനും മോശക്കാരിയായി ചിത്രീകരിക്കാനും ശ്രമിക്കുന്നതായി റിനി ആരോപിക്കുന്നു. രാഹുൽ ഈശ്വർ, ഷാജൻ സ്കറിയ, ക്രൈം നന്ദകുമാർ തുടങ്ങിയവർക്കെതിരെയാണ് നടി പ്രധാനമായും പരാതി നൽകിയിരിക്കുന്നത്.
തന്റെ സ്വകാര്യതയെയും സുഹൃത്തുക്കളുടെ സ്വകാര്യതയെയും ബാധിക്കുന്ന ഈ സൈബർ ആക്രമണത്തിന് പിന്നിൽ പ്രവർത്തിച്ചവരെയും നേരിട്ട് ആക്രമിച്ചവരെയും കണ്ടെത്തണമെന്ന് നടി ആവശ്യപ്പെട്ടിട്ടുണ്ട്. പരാതിയിൽ ജാമ്യമില്ലാ വകുപ്പുകൾ ഉൾപ്പെടെ ചുമത്താവുന്ന കുറ്റങ്ങളുണ്ടെന്ന് പൊലീസ് വ്യക്തമാക്കി.
Read More
നടി റിനി ആൻ ജോർജിനെതിരായ സൈബർ ആക്രമണം; പരാതിയിൽ കര്‍ശന നടപടി എടുക്കാന്‍ DGP യുടെ നിർദേശം
‘അശ്ലീല സന്ദേശം അയച്ചു; ദുരനുഭവം പറഞ്ഞിട്ടും നടപടിയുണ്ടായില്ല’; യുവനേതാവിനെതിരെ വെളിപ്പെടുത്തലുമായി നടി
‘പേര് പറയാൻ ഇപ്പോഴും ഉദേശിക്കുന്നില്ല; വിഷയം വ്യക്തിപരമല്ല, സ്ത്രീകൾക്ക് വേണ്ടിയുള്ള പോരാട്ടം’; റിനി ആൻ ജോർജ്
‘എല്ലാം ഞാൻ അനുഭവിച്ചത്; യുവ രാഷ്ട്രീയ നേതാവിനെ നവീകരിക്കുകയാണ് ലക്ഷ്യം’; റിനി ആൻ ജോർജ്ജ്
