വാഷിങ്ടൻ∙ യുഎസ് ഇടക്കാല തിരഞ്ഞെടുപ്പിനെ സ്വാധീനിക്കാനായി രാജ്യാന്തര എണ്ണ വില ഉയർത്താൻ ഇറാൻ തയ്യാറെടുക്കുന്നതായി റിപ്പോർട്ട്. ഇതിനായി ഹോർമുസ് കടലിടുക്കിലൂടെ കടന്നുപോകുന്ന കപ്പലുകളെ ആക്രമിക്കാൻ ഇറാൻ പുത്തൻ തന്ത്രങ്ങൾ മെനയുന്നതായി വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു. യുഎസിനോടും ഇസ്രയേലിനോടും യുദ്ധം ആരംഭിച്ചതു മുതൽ ഹോർമുസിന്റെ നിയന്ത്രണം കൈയാളാൻ ഇറാൻ ശ്രമിക്കുന്നുണ്ട്. ഇതിനായി തന്ത്രപ്രധാന പാതയായ ഹോർമുസിലൂടെയുള്ള ചരക്കുനീക്കം ഇറാൻ തടയുകയും ചെയ്തിരുന്നു. ഇക്കാരണത്താൽ രാജ്യാന്തര എണ്ണവില കുത്തനെ ഉയരുകയും ചെയ്തു.
നിയന്ത്രണങ്ങൾ ലംഘിക്കുന്ന കപ്പലുകൾക്കെതിരെ വ്യത്യസ്തമായ ആക്രമണരീതികൾ ഏകദേശം 10 ദിവസം മുൻപ് ഇറാൻ പ്രയോഗിച്ച് തുടങ്ങിയതായി മുതിർന്ന ഇറാൻ ഉദ്യോഗസ്ഥൻ പറഞ്ഞു. കപ്പലുകൾക്കുനേരെ ആക്രമണങ്ങൾ വർധിപ്പിച്ചിട്ടുണ്ടെന്നും അദ്ദേഹം വെളിപ്പെടുത്തിയതായി റോയിട്ടേഴ്സിന്റെ റിപ്പോർട്ടിൽ പറയുന്നു. എണ്ണ വില കുറയ്ക്കാൻ യുഎസും സഖ്യകക്ഷികളും ചേർന്നു നടത്തുന്ന ശ്രമങ്ങൾക്ക് തടസം സൃഷ്ടിക്കുകയാണ് ഇറാന്റെ നീക്കമെന്നും പേരു വെളിപ്പെടുത്താത്ത ഉദ്യോഗസ്ഥനെ ഉദ്ധരിച്ചുള്ള റിപ്പോർട്ടിൽ പറയുന്നു.അതേസമയം, ഇറാന്റെ തന്ത്രങ്ങളിൽ മാറ്റം വന്നതായി പേരുവെളിപ്പെടുത്താൻ തയ്യാറല്ലാത്ത യുഎസ് സൈനിക ഉദ്യോഗസ്ഥനും റോയിട്ടേഴ്സിനോട് സ്ഥിരീകരിച്ചു. ഇറാന്റെ റഡാർ സംവിധാനങ്ങൾ ഏറക്കുറെ യുഎസ് ആക്രമണത്തിൽ തകർന്നതോടെ ധൗ ബോട്ടുപോലെയുള്ള ചെറുബോട്ടുകളിൽ സ്പോട്ടറുകൾ സ്ഥാപിച്ച് ഇസ്ലാമിക് റവല്യൂഷണറി ഗാർഡ് കോർ ആക്രമണം നടത്തിയതായും യുഎസ് സൈനികോദ്യോഗസ്ഥൻ പറഞ്ഞു.ഹോർമുസിൽ ഭീതി നിലനിർത്തി എണ്ണ വിലയിൽ വർധനയുണ്ടാക്കുന്നത് രാജ്യാന്തര തലത്തിൽ സമ്മർദമുണ്ടാക്കുമെന്നും അത് ഇടക്കാല തിരഞ്ഞെടുപ്പിൽ ട്രംപിന് തിരിച്ചടിയുണ്ടാക്കുമെന്നുമാണ് ഇറാന്റെ കണക്കുകൂട്ടൽ.
Read More
ട്രംപിന്റെ ‘തിരഞ്ഞെടുപ്പ്’ തന്ത്രം പൊളിക്കാൻ ഇറാൻ; ‘ലോകം’ ഇന്ത്യയിലേക്ക്, 110ലേക്ക് എണ്ണ, പലിശപ്പേടിയിൽ ഇടിഞ്ഞ് സ്വർണം, ഓഹരിയും വീഴുന്നു
വീണ്ടും കപ്പൽയുദ്ധം, സംഘർഷം രൂക്ഷം; കത്തിക്കയറി എണ്ണവില, ഇറാനുമായി ചർച്ചയില്ലെന്ന് ട്രംപ്, വിഴുങ്ങാൻ ‘പലിശ ഭൂതം’ വരുന്നു
ഹോർമുസ് അമേരിക്കൻ ‘ടെറിട്ടറി’ എന്ന് ട്രംപ്; അതിമോഹമെന്ന് ഇറാൻ, ഇനി ‘ബ്രിക്സ്’ യുദ്ധം, പെസെഷ്കിയാൻ ഇന്ത്യയിലേക്ക്
ഇറാൻ യുദ്ധം നീണ്ടേക്കും, ട്രംപിന് നിർണായക മുന്നറിയിപ്പ് നൽകി വിശ്വസ്തർ, കപ്പൽ യുദ്ധത്തിൽ കത്തി എണ്ണവില
