തിരുവനന്തപുരം: പ്രിയദര്ശിനി സൗജന്യ യാത്രാ പദ്ധതിയുടെ നൂറാം ദിനാഘോഷത്തിന്റെ ഭാഗമായി കെഎസ്ആര്ടിസി ഡിപ്പോയില് സാരി വിതരണം നടത്തുമെന്ന പ്രചാരണം അടിസ്ഥാനരഹിതമെന്ന് കെഎസ്ആര്ടിസി ചെയര്മാന് ഡോ. പി എസ് പ്രമോദ് ശങ്കര്. ആഘോഷത്തിന്റെ ഭാഗമായി നാളെ രാവിലെ പത്തിന് ഗതാഗത മന്ത്രി സി പി ജോണ് തമ്പാനൂര് ഡിപ്പോയില് സന്ദര്ശനം നടത്തും. തുടര്ന്ന് കെഎസ്ആര്ടിസി ജീവനക്കാര് യാത്രക്കാര്ക്ക് മധുരം വിതരണം ചെയ്യുമെന്നും ചെയര്മാന് വ്യക്തമാക്കി.
ആഘോഷങ്ങളുടെ ഭാഗമായി വൈകുന്നേരം 7.30ന് തമ്പാനൂര് ചൈത്രം ഹോട്ടലില് നടക്കുന്ന ചടങ്ങില് കെഎസ്ആര്ടിസി ബജറ്റ് ടൂറിസം സെല്ലിന്റെ ലക്ഷദ്വീപ്, ഹൈദരാബാദ് ലക്ഷ്വറി പാക്കേജ് സര്വീസിന്റെയും ബജറ്റ് ടൂറിസം സെല്ലിനായി തയാറാക്കിയ പുതിയ സോഫ്റ്റ്വെയര്, വെയിറ്റിങ് ലിസ്റ്റ് സംവിധാനം എന്നിവയുടെയും ഔദ്യോഗിക ഉദ്ഘാടനം മന്ത്രി നിര്വഹിക്കും. ലക്ഷദ്വീപ് ആദ്യ യാത്രയ്ക്ക് വേണ്ടി തെരഞ്ഞെടുക്കപ്പെട്ട 10 യാത്രക്കാര്ക്കും ജൂലൈ, ഓഗസ്റ്റ് മാസങ്ങളില് സംസ്ഥാനതലത്തില് മികച്ച പ്രകടനം കാഴ്ചവച്ച ജീവനക്കാര്ക്കും യൂണിറ്റുകള്ക്കും മന്ത്രി ആദരവ് നല്കുമെന്ന് സിഎംഡി അറിയിച്ചു.
പുതിയ സോഫ്റ്റ്വെയര് നിലവില് വരുന്നതോടെ യാത്രക്കാര്ക്ക് ബജറ്റ് ടൂറിസം പാക്കേജുകളുടെ ടിക്കറ്റുകള് ഓണ്ലൈന് വഴി ബുക്ക് ചെയ്യാനാകും. ഇന്ത്യന് റെയില്വേയ്ക്ക് സമാനമായി കെഎസ്ആര്ടിസി ടിക്കറ്റ് റിസര്വേഷനിലും വെയിറ്റിങ് ലിസ്റ്റ് ഏര്പ്പെടുത്തുന്നതാണ് പുതുതായി ഒരുക്കുന്ന മറ്റൊരു സംവിധാനം. പ്രിയദര്ശിനി നൂറാം ദിനാഘോഷത്തിന്റെ ഭാഗമായി സംസ്ഥാനത്തെ എല്ലാം കെഎസ്ആര്ടിസി ഡിപ്പോകളിലും വനിതകള്ക്ക് സാരി വിതരണമുണ്ടാകുമെന്നായിരുന്നു വ്യാജ പ്രചാരണം.
Read More
വയനാടിന്റെ ടൂറിസം വികസനത്തിന് മാസ്റ്റര് പ്ലാന് തയ്യാറാക്കും- മന്ത്രി മുഹമ്മദ് റിയാസ്;രാജ്യത്തെ പ്രധാന ടൂറിസം കേന്ദ്രമാക്കുക ലക്ഷ്യം, വയനാട്ടിലേക്ക് ഹെലികോപ്റ്റര് കണക്റ്റിവിറ്റി സാധ്യത പരിശോധിക്കും
വീണ്ടും തിളങ്ങി നമ്മുടെ കെഎസ്ആര്ടിസി; ഇന്നലെ നേടിയത് ചരിത്രത്തിലെ ഏറ്റവും കൂടിയ രണ്ടാമത്തെ പ്രതിദിന കളക്ഷന്
എല്ലാദിവസവും 10 ലക്ഷം സ്ത്രീകൾ KSRTC ബസിൽ കയറുന്നു, പ്രിയദര്ശിനിയുടെ നൂറാം ദിനം: നാളെ 93 ഡിപ്പോകളിലും ആഘോഷ പരിപാടികൾ
കെഎസ്ആര്ടിസി എന്ന പേര് ഇന് കേരളത്തിനു മാത്രം, കര്ണ്ണാടകക്ക് ഉപയോഗിക്കാനാവില്ല
