ഐ എസ് ഐ ചാരവൃത്തി ആരോപണത്തിൽ യുവാവ് അറസ്റ്റിൽ. ഗുരുദാസ്പൂർ സ്വദേശിയായ 20-കാരനെയാണ് ലുധിയാന പൊലീസ് അറസ്റ്റ് ചെയ്തത്. ചൈനയിൽ നിർമ്മിച്ച സിസിടിവി ക്യാമറകൾ ഉപയോഗിച്ച്, അതീവ സുരക്ഷാ പ്രാധാന്യമുള്ള ഒരു സൈനിക മേഖലയുടെ തത്സമയ ദൃശ്യങ്ങൾ പാകിസ്താൻ കേന്ദ്രീകരിച്ച് പ്രവർത്തിക്കുന്നവർക്ക് ഇയാൾ കൈമാറിയിരുന്നതായി പൊലീസ് അറിയിച്ചു.
ബദ്ദോവാൾ കന്റോൺമെന്റിൽ നിന്ന് ഏകദേശം 6 കിലോമീറ്റർ അകലെ ലുധിയാന-ഫെറോസ്പൂർ റോഡിൽ ഇയാൾ ഒരു കട വാടകയ്ക്ക് എടുത്തിരുന്നതായി പൊലീസ് വ്യക്തമാക്കി. അവിടെ ഒരു ചെരുപ്പ് കട തുടങ്ങിയെങ്കിലും, അത് കൃത്യമായി പ്രവർത്തിച്ചിരുന്നില്ലെന്നാണ് ആരോപണം. പകരം, പ്രധാന റോഡിലേക്ക് അഭിമുഖമായി വരുന്ന രീതിയിൽ കടയ്ക്ക് പുറത്ത് സിസിടിവി ക്യാമറകൾ സ്ഥാപിക്കുകയായിരുന്നു ഇയാൾ ചെയ്തത്. സൈനിക കേന്ദ്രങ്ങളുടെ CCTV ദൃശ്യങ്ങൾ ISI-ക്ക് കൈമാറിയെന്ന് സംശയം. സൈനിക നീക്കങ്ങൾ നിരീക്ഷിച്ചതായും പൊലീസ് കണ്ടെത്തി.
