പ്രതിപക്ഷ ഉപനേതാവ് പദവി സിപിഐക്ക് അർഹതപ്പെട്ടതെന്ന് സിപിഐ സെക്രട്ടറിയേറ്റ് അംഗം പി പ്രസാദ് ട്വന്റിഫോറിനോട്. ചർച്ചകൾ നടക്കുമെന്ന് പറഞ്ഞതാണ്. പക്ഷെ ഏകപക്ഷീയമായി അഭിപ്രായ പ്രകടനങ്ങൾ മുന്നണിയെ സഹായിക്കുന്നതല്ല. പദവി സിപിഐക്ക് അർഹതപ്പെട്ടതാണ്. മുഖ്യമന്ത്രി പദവി വേണ്ടെന്ന് പറഞ്ഞ് മുന്നണി വിട്ട പാർട്ടിയാണ് സിപിഐ. മുന്നണി എല്ലാവരും ഒരുമിച്ച് ചേരുന്നതാണ്. മുന്നണി ശക്തിപ്പെടുത്താനുള്ള നടപടികളാണ് നേതാക്കൾ സ്വീകരിക്കേണ്ടതെന്നും പി പ്രസാദ് വ്യക്തമാക്കി.
ദൗർഭാഗ്യവശാൽ അങ്ങനെ ചില സംഭവങ്ങൾ ഉണ്ടാകുന്നില്ല. സിപിഐയെ ഭരിച്ചിരുന്നത് രാഷ്ട്രീയം. അധികാരമോഹമല്ല. ഉപ പ്രതിപക്ഷ നേതാവ് സ്ഥാനം എന്നു പറയുന്നത് ഒരു പരിഗണനയാണ്. പാർട്ടിയുടെ ഐക്യം സംരക്ഷിക്കുന്ന നിലപാടുകളാണ് നേതൃത്വത്തിന്റെ ഭാഗമുണ്ടാകേണ്ടത്. ദൗർഭാഗ്യവശാൽ ചില പ്രതികരണങ്ങൾ അങ്ങനെ ആകുന്നില്ല.
പ്രശ്നങ്ങൾ പരിഹരിക്കുന്നത്തിന് പകരം മറ്റു തരത്തിലുള്ള ചർച്ചകളിലേക്ക് പോകുന്നത് മുന്നണിയുടെ കെട്ടുറപ്പിന് ഗുണകരമല്ല. വിഷയം സമയമെടുത്ത് ചർച്ച ചെയ്യുമെന്നാണ് എൽഡിഎഫ് കൺവീനർ അറിയിച്ചത്. അതായിരുന്നു പൊതുധാരണ. ആ ധാരണയ്ക്ക് വിരുദ്ധമായി അഭിപ്രായ പ്രകടനങ്ങൾ മുന്നണിയുടെ സാമാന്യരീതിയ്ക്ക് ഉപകരിക്കുന്നതല്ല. അവർ വലിയ നേതാക്കളാണ്. ആരെയും തിരുത്താൻ വേണ്ടി പറയുന്നതല്ല. നേതാക്കൾ ആലോചിച്ച് ചെയ്യേണ്ട കാര്യങ്ങളാണെന്നും അദ്ദേഹം കൂട്ടിച്ചേർത്തു.
Read More
വിമാനത്താവളമില്ലെങ്കില് ഐ ടി വ്യവസായം ? ആറന്മുളയില് പോരാടാന് ഉറച്ച് മന്ത്രി പി പ്രസാദ്
‘ഈ മുന്നണി സിപിഐ ഉണ്ടാക്കിയതയാണ്; അത് ഇല്ലാതാക്കാന് ഒരിക്കലും ഒന്നും ചെയ്യില്ല’; ആര്ജെഡിക്കും ഐഎന്എല്ലിനും മറുപടിയുമായി ബിനോയ് വിശ്വം
പിണറായിക്കെതിരെ നീങ്ങാൻ സിപിഐ, സമ്മർദത്തിനു വഴങ്ങേണ്ടെന്ന് സിപിഎം; പ്രതിപക്ഷ ഉപനേതാവ് തർക്കത്തിൽ എൽഡിഎഫ് ഉലയുന്നു
പിഎം ശ്രീ വിവാദം: ഒരടിപോലും പിന്നോട്ട് പോകാതെ CPI; ഒടുവിൽ മുട്ടുമടക്കി CPIM
