ബെംഗളൂരു∙ അഫ്ഗാനിസ്ഥാനിലെ തെഹ്രീകെ താലിബാൻ പാക്കിസ്ഥാനുമായി (ടിടിപി) ചേർന്ന് പാക്കിസ്ഥാനെതിരെ ആക്രമണങ്ങൾ നടത്താൻ പദ്ധതിയിട്ട ബംഗാൾ സ്വദേശി കർണാടകയിൽ അറസ്റ്റിൽ. ബംഗാളിലെ നോർത്ത് 24 പർഗാനാസ് ജില്ലയിലെ നാവോപര സ്വദേശിയായ അസഫുൽ മാലിക്കാണ് (25) ബെംഗളൂരു പൊലീസിന്റെ പിടിയിലായത്. ബെംഗളൂരുവിലെ ജിഗാനി മേഖലയിൽ സംശയാസ്പദമായ രീതിയിലെ ഓൺലൈൻ പ്രവർത്തനങ്ങൾ ശ്രദ്ധയിൽപ്പെട്ട പൊലീസ് അന്വേഷണം നടത്തുകയായിരുന്നു. തുടർന്നാണ് മാലിക്കിന്റെ ഭീകരബന്ധം പുറത്തായത്.ജിഗാനി ഇൻഡസ്ട്രിയൽ മേഖലയിലെ സ്വകാര്യ സ്ഥാപനത്തിൽ 2025 മുതൽ സെക്യൂരിറ്റി ഉദ്യോഗസ്ഥനായി ജോലി ചെയ്തു വരുകയാണ് മാലിക്. മാലിക്കിനെ കസ്റ്റഡിയിലെടുത്ത് ചോദ്യം ചെയ്തപ്പോൾ ടിടിപിയുമായി ബന്ധമുള്ള കാര്യം ഇയാൾ സമ്മതിച്ചു.പാക്കിസ്ഥാൻ സൈന്യം അവിടുത്തെ മുസ്ലിങ്ങൾക്കെതിരെ നടത്തുന്ന അതിക്രമങ്ങൾക്കും പള്ളികൾക്കും സാധാരണക്കാർക്കുമെതിരെ നടത്തുന്ന ആക്രമണങ്ങൾക്കും പകരം ചോദിക്കാനായിരുന്നു മാലിക്കിന്റെ ശ്രമം. ഇസ്രയേൽ–പലസ്തീൻ വിഷയത്തിലെ പാക്കിസ്ഥാന്റെ നിലപാടിലും തനിക്ക് അമർഷമുണ്ടെന്ന് മാലിക് പൊലീസിനോടു വെളിപ്പെടുത്തി. ഇന്ത്യയിൽ മുസ്ലിങ്ങൾക്ക് ബുദ്ധിമുട്ടുണ്ടായാൽ തിരിച്ചടിക്കാനും താൻ പദ്ധതിയിട്ടിരുന്നെന്നും മാലിക് പൊലീസിന് മൊഴി നൽകിയെന്നാണ് വിവരം.
Read More
കടുത്ത ആശങ്കയിൽ തിരുവനന്തപുരം ഇന്ന് 213 പേർക്ക് കൊവിഡ്
പെൺകുട്ടികളുടെ വിദ്യാഭ്യാസം മുതൽ ഇന്റർനെറ്റ് വരെ; ബാനുകളുടെ താലിബാൻ
പാക്-അഫ്ഗാൻ അതിർത്തിയിൽ ശക്തമായ ഏറ്റുമുട്ടൽ; ഇരുവശത്തും നിരവധി സൈനികർ കൊല്ലപ്പെട്ടു, കനത്ത തിരിച്ചടി നൽകിയെന്ന് താലിബാൻ
അന്ന് ജയശങ്കർ വെറുതേ പറഞ്ഞതല്ല, താലിബാൻ മന്ത്രിക്ക് നൽകിയ വാക്ക് പാലിച്ച് ഇന്ത്യ, അഫ്ഗാനിലെ ഇന്ത്യൻ ടെക്നിക്കൽ മിഷനെ എംബസിയായി ഉയർത്തി
