വന്ദേമാതരം പൂര്ണമായും ആലപിക്കണമെന്ന ചീഫ് സെക്രട്ടറിയുടെ കത്തിനെതിരായ വിമര്ശനം ശക്തമാക്കാന് പ്രതിപക്ഷം. പൂര്ണമായും ആലപിക്കണമെന്ന നിലപാടില് ഗവര്ണര് ഉറച്ച് നില്ക്കുന്ന സാഹചര്യത്തിലാണ് വിമര്ശനം കടുപ്പിക്കാന് ധാരണയിലെത്തിയത്. സ്വാതന്ത്ര്യ ദിന ചടങ്ങുകളില് വന്ദേമാതര ആലാപനം എങ്ങനെയാണെന്ന് നിരീക്ഷിക്കും.
ഔദ്യോഗിക ചടങ്ങുകളില് വന്ദേമാതരം മുഴുവന് പാടേണ്ടതില്ലെന്ന നിലപാടിലാണ് സംസ്ഥാന സര്ക്കാര്. സംസ്ഥാന പ്രോട്ടോക്കോള്വിഭാഗത്തിന് ഇക്കാര്യത്തില് നിര്ദ്ദേശം നല്കിയിട്ടുണ്ട്.വന്ദേമാതരം വിവാദങ്ങളില് ഗവര്ണര് രാജേന്ദ്ര അര്ലേക്കറും നിലപാട് വ്യക്തമാക്കിയിരുന്നു. സ്വാതന്ത്ര്യദിനാഘോഷ ചടങ്ങുകളില് വന്ദേമാതരം പൂര്ണമായി പാടും. അതാണ് തന്റെ നിലപാടെന്ന് അദ്ദേഹം പറഞ്ഞു. സ്വാതന്ത്ര്യദിനാഘോഷ ചടങ്ങുകളില് വന്ദേമാതരം പൂര്ണമായി പാടാന് നിര്ദേശം നല്കിയിട്ടില്ലെന്ന് വിശദീകരണവുമായി ലോക്ഭവന് രംഗത്തെത്തിയിരുന്നു.
സര്ക്കാര് പുറത്തിറക്കിയ സര്ക്കുലര് ഗവര്ണറുടെ നിര്ദേശപ്രകാരം ചീഫ് സെക്രട്ടറി മറികടന്നുവെന്നാണ് മന്ത്രിമാര് പ്രതികരിച്ചത്. സ്വതന്ത്ര്യദിനാഘോഷ ചടങ്ങുകളില് പാലിക്കേണ്ട മാര്ഗ നിര്ദേശങ്ങള് ഉള്പ്പെടുത്തി ഓ?ഗസ്റ്റ് നാലാം തീയതിയാണ് സര്ക്കാര് സര്ക്കുലര് പുറത്തിറക്കിയത്. രണ്ട് ദിവസം കഴിഞ്ഞാണ് സ്വതന്ത്ര്യദിനാഘോഷ ചടങ്ങുകളില് വന്ദേമാതരവുമായി ബന്ധപ്പെട്ട് കേന്ദ്ര സര്ക്കാര് നിര്ദ്ദേശങ്ങള് പൂര്ണ്ണമായി പാലിക്കണമെന്ന നിര്ദ്ദേശമുള്ള കത്ത് ചീഫ് സെക്രട്ടറി തദ്ദേശ വകുപ്പിന് അയച്ചത്.
