കോതമംഗലം എസ്എച്ച്ഒയെ ഭീഷണിയെപ്പെടുത്തിയ കേസിൽ അർജുൻ ആയങ്കിയെ കസ്റ്റഡിയിൽ വാങ്ങാൻ എറണാകുളം റൂറൽ പൊലീസ്. ഇന്ന് കോതമംഗലം കോടതിയിൽ മൂന്ന് ദിവസത്തെ കസ്റ്റഡി അപേക്ഷ നൽകും. എറണാകുളം റൂറൽ പൊലീസ് എടുത്ത രണ്ട് കേസിലും അർജുന്റെ അറസ്റ്റ് രേഖപ്പെടുത്തിയിരുന്നു. സംഘടിത കുറ്റകൃത്യത്തിന് ഗൂഢാലോചന നടത്തിയ കേസിൽ അർജുൻ ആയങ്കിയുടെ ജാമ്യം റദ്ദാക്കാമെന്ന പൊലീസ് റിപ്പോർട്ടും കോതമംഗലം മജിസ്ട്രേറ്റ് കോടതി ഇന്ന് പരിഗണിക്കും.
അർജുൻ ആയങ്കി സ്ഥിരം കുറ്റവാളിയാണെന്നാണ് പൊലീസ് വാദം. ആയങ്കിക്കെതിരെയുള്ള കേസ് വിവരങ്ങൾ റിപ്പോർട്ടിൽ നൽകിയിട്ടുണ്ട്. കോതമംഗലം പൊലീസ് എടുത്ത കേസ് കെട്ടിച്ചമച്ചത് എന്നാണ് അർജുന്റെ നിലപാട്. ഈ കേസിന് പിന്നലെയാണ് അർജുൻ ആയങ്കി കോതമംഗലം എസ്എച്ച്ഒയെ ഭീഷണിപ്പെടുത്തിയത്. എസ്എച്ച്ഒമാരെ ഭീഷണിപ്പെടുത്തിയ കേസിൽ ഗുരുതരമായ ക്രിമിനൽ ഭീഷണിപ്പെടുത്തൽ അടക്കമുള്ള വകുപ്പുകൾ ആണ് ചുമത്താനും പൊലീസ് ആലോചിക്കുന്നുണ്ട്.
അതേസമയം, അർജുൻ ആയങ്കിയെ കസ്റ്റഡിയിൽ കിട്ടാൻ പൊലീസ് നൽകിയ അപേക്ഷ തലശേരി സിജെഎം കോടതി ഇന്ന് പരിഗണിക്കും. കണ്ണൂർ സൈബർ ക്രൈം പൊലീസ് അഞ്ചു ദിവസത്തെക്കാണ് കസ്റ്റഡി അപേക്ഷ നൽകിയിരിക്കുന്നത്. അർജുന്റെ മൊബൈൽ ഫോൺ കണ്ടെത്താൻ കസ്റ്റഡിയിൽ ചോദ്യം ചെയ്യണം എന്നാണ് പൊലീസ് ആവശ്യം. ഇന്നലെ അർജുൻ ആയങ്കിയുടെ വീട്ടിൽ നടത്തിയ പരിശോധനയിൽ ലാപ്ടോപ് പിടിച്ചെടുത്തിരുന്നു. ഇത് ഫോറെൻസിക് പരിശോധനക്ക് അയക്കും.
Read More
അർജുൻ ആയങ്കിയുടെ സഹോദരൻ അജയ്യെ സ്റ്റേഷൻ ജാമ്യത്തിൽ വിട്ടു; ജാമ്യമെടുക്കാനെത്തിയ ഗുണ്ടാ നേതാവ് കരുതൽ തടങ്കലിൽ
അടിയന്തര സാഹചര്യം ഉണ്ടായാല് അര്ജുന് ആയങ്കിയെ വെടിവയ്ക്കാന് നിര്ദേശം
കേരള പൊലീസിന്റെ ‘കഴിവിനെ’ വെല്ലുവിളിച്ചു; ആത്മാഭിമാനം രക്ഷിക്കാനുള്ള ദൗത്യത്തിൽ അണിനിരന്നത് സേനയൊന്നാകെ
‘ഇനി എന്താണ് സംഭവിക്കാന് പോകുന്നതെന്ന് കാണാം’; അര്ജുന് ആയങ്കിയുടെ വെല്ലുവിളിയില് പ്രതികരിച്ച് രമേശ് ചെന്നിത്തല
