തിരുവനന്തപുരം ∙ എസ്കോർട്ട് പരോൾ അനുവദിക്കണമെന്ന, ജയിലിൽ കഴിയുന്ന ബിജെപി കൗൺസിലർ ആർ.സുഗതന്റെ അപേക്ഷയ്ക്ക് അനുകൂല മറുപടി നൽകിയ സംഭവത്തിൽ ആഭ്യന്തര അണ്ടർ സെക്രട്ടറിക്ക് വീഴ്ച സംഭവിച്ചിട്ടില്ലെന്ന് വകുപ്പിന്റെ വിലയിരുത്തൽ.തദ്ദേശ വകുപ്പ് കൈമാറിയ കത്ത് അതേപടി പകർത്തി സുഗതനു കൈമാറുക മാത്രമാണ് ആഭ്യന്തര അണ്ടർ സെക്രട്ടറി ചെയ്തതെന്നാണ് വകുപ്പിന്റെ നിഗമനം. സംഭവത്തിൽ, തദ്ദേശ അണ്ടർ സെക്രട്ടറി ചിത്ര പി.അരുണിമയെ കഴിഞ്ഞ ദിവസം സസ്പെൻഡ് ചെയ്തിരുന്നു.പരോളിന് അനുമതി തേടി ആഭ്യന്തര വകുപ്പിനാണ് സുഗതൻ അപേക്ഷ നൽകിയത്. ഇതിൽ അഭിപ്രായം അറിയിക്കാനായി തദ്ദേശ വകുപ്പിനു കൈമാറി. മന്ത്രി അപേക്ഷ നിരസിക്കാൻ നിർദേശിച്ചെങ്കിലും പരോൾ ലഭിക്കാതെ കൗൺസിലർ സ്ഥാനം നിലനിർത്താൻ തക്ക വിധത്തിലുള്ള പരാമർശങ്ങൾ ഉൾപ്പെടുത്തിയാണ് തദ്ദേശ അണ്ടർ സെക്രട്ടറി മറുപടിക്കത്ത് തയാറാക്കിയത്. ഇതാണ് അയോഗ്യതാ ഭീഷണി നിലനിൽക്കെ, സുഗതന് 6 മാസത്തെ അവധി ലഭിക്കാൻ ഇടയാക്കിയതെന്നാണു വിലയിരുത്തൽ.
Read More
സുഗതന്റെ അപേക്ഷ നിരസിക്കണമെന്ന് മന്ത്രി, എന്നിട്ടും അനുകൂല മറുപടിക്കത്ത്; ഉദ്യോഗസ്ഥർക്കെതിരെ അന്വേഷണം
പെരിയ ഇരട്ട കൊലക്കേസ്; ഒന്നാം പ്രതി എ പീതാംബരന് പരോൾ
ഇത് നിയമവ്യവസ്ഥയോടുള്ള വെല്ലുവിളി; അഭയ കേസിലെ പ്രതി തോമസ് കോട്ടൂരിന് പരോൾ നൽകിയതിനെതിരെ ജോമോൻ പുത്തൻപുരയ്ക്കൽ
പൊലീസിനെ വധിക്കാൻ ശ്രമിച്ച കേസ്, വി കെ നിഷാദിൻ്റെ പരോൾ വീണ്ടും നീട്ടി; സർക്കാർ നേരിട്ട് ഇടപെട്ട് പരോൾ നീട്ടി
