പട്ന ∙ നീറ്റ് ചോദ്യപേപ്പർ ചോർച്ചയ്ക്കെതിരെ ബിഹാറിലെ കിഷൻഗഞ്ച് ജില്ലയിൽ നടന്ന പ്രതിഷേധ പ്രകടനവുമായി ബന്ധപ്പെട്ട്, കഴിഞ്ഞ നാല് മാസമായി റഷ്യയിലുള്ള തന്നെ പൊലീസ് പ്രതിപ്പട്ടികയിൽ ഉൾപ്പെടുത്തിയതായി യുവാവിന്റെ വെളിപ്പെടുത്തൽ. കിഷൻഗഞ്ച് വാർഡ് 12 സ്വദേശിയായ മുഹമ്മദ് സദാഖത്ത് എന്ന യുവാവാണ് സമൂഹമാധ്യമങ്ങളിൽ പങ്കുവച്ച വിഡിയോയിലൂടെ ഇത്തരത്തിൽ അവകാശപ്പെട്ടിരിക്കുന്നത്.‘‘ജൂലൈ 24ന് എൽആർപി ചൗക്കിൽ നീറ്റ് ചോദ്യപേപ്പർ ചോർച്ചയ്ക്കെതിരെ പ്രതിഷേധം നടന്നിരുന്നു. ബഹാദൂർഗഞ്ച് ഭരണകൂടം ഈ കേസിൽ എന്റെ പേരും ഉൾപ്പെടുത്തിയിട്ടുണ്ട്. എന്നാൽ ഞാൻ കഴിഞ്ഞ നാല് മാസമായി റഷ്യയിലാണ്. എന്റെ പേര് ഈ കേസിൽ നിന്ന് ഒഴിവാക്കണമെന്ന് ഞാൻ അഭ്യർഥിക്കുന്നു’’ – മുഹമ്മദ് സദാഖത്ത് വിഡിയോയിൽ പറയുന്നു. വാർത്താ ഏജൻസിയായ പിടിഐ ആണ് ഇക്കാര്യം റിപ്പോർട്ട് ചെയ്തത്. എന്നാൽ വിഡിയോയുടെ വിശ്വാസ്യത സ്ഥിരീകരിക്കാൻ കഴിഞ്ഞിട്ടില്ലെന്നും പിടിഐ വ്യക്തമാക്കുന്നു.വിഷയത്തിൽ പ്രതികരിച്ച കിഷൻഗഞ്ച് എസ്പി ഹരി മോഹൻ ശുക്ല, യുവാവിന്റെ അവകാശവാദം തള്ളിക്കളയാനോ സ്ഥിരീകരിക്കാനോ തയാറായില്ല. പ്രതിഷേധവുമായി ബന്ധപ്പെട്ട് ആർക്കെങ്കിലും പരാതികളോ ആക്ഷേപങ്ങളോ ഉണ്ടെങ്കിൽ പരിഹാരത്തിനായി പൊലീസിനെ സമീപിക്കാമെന്ന് അദ്ദേഹം പറഞ്ഞു. വിഷയത്തിൽ അന്വേഷണം നടത്തുമെന്ന് ബിഹാർ പൊലീസിന്റെ ഔദ്യോഗിക എക്സ് ഹാൻഡിലിൽ നിന്ന് ആദ്യം മറുപടി വന്നിരുന്നെങ്കിലും, ഈ പോസ്റ്റ് പിന്നീട് നീക്കം ചെയ്യപ്പെട്ടു.
നീറ്റ് പേപ്പർ ചോർച്ചയ്ക്കെതിരെ സമരം ചെയ്ത വിദ്യാർഥികൾക്കെതിരെയുള്ള എല്ലാ കേസുകളും പിൻവലിക്കാൻ ബിഹാർ സർക്കാർ തീരുമാനിച്ചിട്ടുണ്ട്. ഡൽഹിയിൽ ആരംഭിച്ച വലിയ പ്രതിഷേധങ്ങളെത്തുടർന്ന് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാനു രാജിവയ്ക്കേണ്ടി വന്നിരുന്നു. ഇതിനു പിന്നാലെ പ്രതിപക്ഷ പാർട്ടികളും വിദ്യാർഥി സംഘടനകളും ആവശ്യപ്പെട്ടതിനെ തുടർന്നാണ് കേസുകൾ പിൻവലിക്കാൻ സർക്കാർ ഉത്തരവിട്ടത്. ജൂലൈ 26 രാവിലെ 6 മണിക്ക് മുൻപ് റജിസ്റ്റർ ചെയ്ത എല്ലാ എഫ്ഐആറുകളും പരാതികളും പിൻവലിക്കുമെന്നും അറസ്റ്റിലായവരെ ഉടൻ മോചിപ്പിക്കുമെന്നും ആഭ്യന്തര വകുപ്പ് അറിയിച്ചിരുന്നു
.
Read More
വയനാട്ടിൽ 15 പേര്ക്ക് കൂടി കോവിഡ്; 6 പേര്ക്ക് സമ്പര്ക്കത്തിലൂടെ രോഗം, 21 പേര്ക്ക് രോഗമുക്തി
ദേവ്ദത്തും ഡിവില്ലേഴ്സും മിന്നി, സൂപ്പർ ഓവർ; ആവേശപ്പോരിൽ റോയൽ ചലഞ്ചേഴ്സിനു ജയം
വയനാട്ടിൽ 26 പേര്ക്ക് കൂടി കോവിഡ് ഏഴ് പേര്ക്ക് സമ്പര്ക്കത്തിലൂടെ രോഗബാധ
‘നീറ്റ് പരീക്ഷ റദ്ദാക്കിയത് വിദ്യാർഥികളുടെ ഭാവി കണക്കിലെടുത്ത്; പരീക്ഷകളെ അട്ടിമറിക്കുന്ന മാഫിയകളെ തകർക്കേണ്ടതുണ്ട്’; കേന്ദ്ര വിഭ്യാസ മന്ത്രി
