November 3, 2026

അമ്പലപ്പുഴ ∙ കാക്കാഴം റെയിൽവേ മേൽപാലത്തിൽ രാവിലെയുണ്ടായ ബൈക്ക് അപകടത്തിൽ രണ്ടു വിദ്യാർഥിനികൾ മുപ്പതടിയോളം താഴ്ചയിലേക്കു തെറിച്ചുവീണു. ദേശീയപാത നിർമാണത്തിന്റെ ഭാഗമായി താഴെ അടുക്കിവച്ചിരുന്ന കോൺക്രീറ്റ് ബ്ലോക്കുകൾക്കിടയിലേക്കു വീണ പെൺകുട്ടികൾക്കു ഗുരുതര പരുക്കേറ്റു. ബൈക്ക് ഓടിച്ചിരുന്ന യുവാവിനും ഗുരുതര പരുക്കുണ്ട്. കാക്കാഴം കമ്പിവളപ്പ് വിജയ ഭവനത്തിൽ ആർ.രാഹുൽ (35), സഹോദരീപുത്രി ദേവാംശി (18), സുഹൃത്ത് നീർക്കുന്നം രത്നസദനത്തിൽ ദിയ (18) എന്നിവർക്കാണു പരുക്കേറ്റത്. കൊച്ചിയിലെ സ്വകാര്യ ആശുപത്രിയിലേക്കു പോവുകയായിരുന്ന കാറുമായാണ് എതിർദിശയിൽ വന്ന ബൈക്ക് കൂട്ടിയിടിച്ചത്. കാർ…

അമരാവതി: ആന്ധ്രാപ്രദേശിലെ ഓംഗോളിലെ തീരത്ത് കരതൊട്ട് മുരസു ചുഴലിക്കാറ്റ്. പുലര്‍ച്ചെ നാല് മണിയോടെയാണ് ചുഴലിക്കാറ്റിന്റെ മധ്യഭാഗം കരയില്‍ എത്തിയത്. ഓംഗോളിലും പരിസരങ്ങളിലും അതിശക്തമായ കാറ്റും മഴയും തുടരുകയാണ്. നെല്ലൂര്‍, കൃഷ്ണ, പ്രകാശം,ബാപട്‌ല പ്രദേശങ്ങളിലുള്ളവരെ നേരത്തെ തന്നെ മാറ്റി പാര്‍പ്പിച്ചിരുന്നു. തമിഴ്‌നാട്ടിലും മഴ മുന്നറിയിപ്പുണ്ട്. ഏഴു ജില്ലകളിലും പുതുച്ചേരിയിലും യെല്ലോ അലര്‍ട്ട് പ്രഖ്യാപിച്ചു. ചെങ്കല്‍പേട്ട്, കാഞ്ചീപുരം, തിരുവണ്ണാമലൈ, കള്ളാക്കുറിച്ചി, വില്ലുപുരം, കടലൂര്‍, സേലം എന്നിവിടങ്ങളിലാണ് യെല്ലോ അലര്‍ട്ട്. ചെന്നൈ, തിരുവള്ളൂര്‍ എന്നിവിടങ്ങളിലെ മഴ മുന്നറിയിപ്പ് പിന്‍വലിച്ചു. 19 വിമാനങ്ങള്‍…

നടന്‍ ആര്‍ നരേന്ദ്രപ്രസാദ് വിടവാങ്ങിയിട്ട് ഇന്നേക്ക് 23 വര്‍ഷം. നടന്‍ എന്നതിനപ്പുറം നാടകപ്രവര്‍ത്തകനും സാഹിത്യനിരൂപകനും തലമുറകളെ പ്രചോദിപ്പിച്ച അധ്യാപകനുമായിരുന്നു നരേന്ദ്രപ്രസാദ്. മൂന്നരപ്പതിറ്റാണ്ട് മലയാളത്തിന്റെ സാഹിത്യ, സാസ്‌കാരിക മേഖലയിലെ സജീവസാന്നിധ്യമായിരുന്നു നരേന്ദ്രപ്രസാദ്. (Narendra prasad death anniversary) അക്ഷരാര്‍ഥത്തില്‍ ഒരു ബഹുമുഖ പ്രതിഭയായിരുന്നു ആര്‍ നരേന്ദ്രപ്രസാദ്. അധ്യാപകന്‍, നാടകകൃത്ത്, നാടകസംവിധായകന്‍, സാഹിത്യനിരൂപകന്‍, ചലച്ചിത്ര അഭിനേതാവ് തുടങ്ങി പലപല റോളുകളില്‍ വേരോടി നരേന്ദ്രപ്രസാദിന്റെ ജീവിതം. കോളജ് അധ്യാപകനായിരിക്കെ, എണ്‍പതുകളിലാണ് നാടകരംഗത്ത് നരേന്ദ്രപ്രസാദ് സജീവമാകുന്നത്. നാട്യഗൃഹം എന്ന നാടകവേദി സ്ഥാപിച്ച് നാടകസങ്കല്‍പങ്ങളെ…

ടെഹ്‌റാന്‍: അമേരിക്കയുമായി മധ്യസ്ഥ രാജ്യങ്ങളായ പാകിസ്താനിലൂടെയും ഖത്തറിലൂടെയും ചര്‍ച്ചകള്‍ തുടരുന്നുവെന്ന് ഇറാന്‍ വിദേശകാര്യ മന്ത്രി അബ്ബാസ് അരഗ്ചി. ഇറാന്‍ യുദ്ധത്തിന് തയാറാണെന്നും അരഗ്ചി പറയുന്നു. ചര്‍ച്ചയിലൂടെ സംഘര്‍ഷങ്ങള്‍ പരിഹരിക്കുന്നതിന് ഇറാന്‍ പ്രതിജ്ഞാബദ്ധമാണെന്ന് ഇറാന്‍ പ്രസിഡന്റ് മസൂദ് പെസഷ്‌കിയാനും വ്യക്തമാക്കി. ഇറാന്‍ ഒത്തുതീര്‍പ്പ് അതിയായി ആഗ്രഹിക്കുന്നുവെന്നും എത്രയും വേഗം അത് സംഭവിച്ചേക്കാമെന്നുമാണ് ഡോണള്‍ഡ് ട്രംപിന്റെ പ്രതികരണം. അതേസമയം, മൂന്ന് യുഎസ് ഡ്രോണുകള്‍ വെടിവച്ചിട്ടതായി ഇറാന്‍ വെളിപ്പെടുത്തി. ഖഷാം ദ്വീപിന് സമീപം രണ്ട് യുഎസ് എംക്യുഎം-170 രഹസ്യാന്വേഷണ ഡ്രോണുകള്‍ വെടി…

കരിപ്പൂർ (മലപ്പുറം) ∙ കടത്തിക്കൊണ്ടുവന്ന 102 പവനുമായി ഇരുപത്തിയേഴുകാരി; അതു തട്ടിയെടുക്കാൻ മറ്റൊരു സംഘം; ഇരുകൂട്ടരും പരസ്പരം ആക്രമിച്ചപ്പോൾ പൊലീസ് എത്തിയതോടെ കൂട്ട ഏറ്റുമുട്ടൽ; ഒടുവിൽ 4 പേർ പിടിയിൽ. കോഴിക്കോട് വിമാനത്താവളത്തിൽ ഇന്നലെ പുലർച്ചെ നാലേമുക്കാലോടെയാണു നാടകീയ സംഭവങ്ങൾ. പൊലീസ് ഉദ്യോഗസ്ഥരെ കാറിടിപ്പിക്കാൻ ശ്രമിച്ച 4 പേർ കടന്നുകളഞ്ഞു. എമർജൻസി ലാംപിൽ ഒളിപ്പിച്ച 816 ഗ്രാം സ്വർണവുമായി ബഹ്റൈനിൽനിന്നു ഷാർജ വഴി കോഴിക്കോട്ടു വിമാനമിറങ്ങിയ ഇടുക്കി വണ്ടൻമേട് സ്വദേശിനി അഭിരാമി (27), ഇവരെ കൂട്ടിക്കൊണ്ടുപോകാനെത്തിയ എറണാകുളം…

തിരുവനന്തപുരം: പാങ്ങപ്പാറയിലെ 17 വയസുകാരന്റെ കൊലപാതകം ആസൂത്രിതമെന്ന കണ്ടെത്തലില്‍ പൊലീസ്. കൊലപാതകത്തില്‍ കൂടുതല്‍ പേര്‍ക്ക് പങ്കുണ്ടെന്നാണ് പ്രാഥമിക നിഗമനം. പരുത്തിപ്പാറ എന്‍എസ്എസ് ഹൈസ്‌കൂള്‍ വിദ്യാര്‍ഥി അഭിരാമിനെയല്ല കൊലപ്പെടുത്താന്‍ ഉദ്ദേശിച്ചതെന്നും, മറ്റൊരു കുട്ടിയെ അഭിരാം വഴി വിളിച്ചുവരുത്താനാണ് ശ്രമിച്ചതെന്നും കേസിലെ പ്രധാന പ്രതിയായ 17 കാരന്‍ തെളിവെടുപ്പിനിടെ വെളിപ്പെടുത്തിയിരുന്നു. അഭിരാമുമായി വാക്കുതര്‍ക്കം ഉണ്ടാവുകയും കൊലപ്പെടുത്തുകയുമായിരുന്നു എന്നാണ് പ്രതിയായ 17കാരന്റെ നിര്‍ണായക വെളിപ്പെടുത്തല്‍. നിലവില്‍ മൂന്നു പേരാണ് പൊലീസ് കസ്റ്റഡിയിലുള്ളത്. കൊല്ലപ്പെട്ട അഭിരാമിന്റെ സുഹൃത്തായ 17കാരന്‍ ആണ് കേസിലെ പ്രധാന…