വയനാട് കുറുക്കൻമൂലയിൽ ഇറങ്ങിയ കടുവയ്ക്കായുള്ള തെരച്ചിൽ ഊർജിതം; കുങ്കിയാനകളും രംഗത്ത്

വയനാട് കുറുക്കൻമൂലയിലെ ജനവാസ മേഖലയിൽ ഇന്നും കടുവയുടെ കാൽപാടുകൾ കണ്ടെത്തി. വനംവകുപ്പ് സ്ഥാപിച്ച കൂടിന് സമീപത്തായാണ് കാൽപാടുകൾ കണ്ടെത്തിയത്. കടുവയെ പിടികൂടാൻ വ്യാപകമായ തെരച്ചിൽ നടത്തുകയാണ്

രണ്ട് കുങ്കിയാനകളുടെയും നിരീക്ഷണ ക്യാമറകളുടെയും സഹായത്തോടെയാണ് തെരച്ചിൽ. വനംവകുപ്പ് പുറത്തുവിട്ട കടുവയുടെ ചിത്രത്തിൽ നിന്ന് കടുവക്ക് കഴുത്തിൽ ആഴത്തിൽ മുറിവേറ്റതായി കണ്ടെത്തിയിരുന്നു. കാട്ടിൽ ഇര തേടാൻ കഴിയാതെ കടുവ ജനവാസ മേഖലയിൽ തമ്പടിച്ചതായാണ് നിഗമനം

ഇതുവരെ 15 വളർത്തുമൃഗങ്ങളെയാണ് കടുവ കൊന്നത്. വളർത്തുമൃഗങ്ങളെ നഷ്ടപ്പെട്ട കർഷകർക്ക് നഷ്ടപരിഹാരം നൽകുമെന്ന് ജില്ലാ കലക്ടർ അറിയിച്ചു.
 

Read More

വയനാട് കുറുക്കൻമൂലയിൽ ഇറങ്ങിയ കടുവയുടെ ചിത്രം വനം വകുപ്പ് പുറത്തുവിട്ടു വയനാട്ടിൽ ജനവാസ കേന്ദ്രത്തിലിറങ്ങി നാട്ടുകാരെ വിറപ്പിച്ച കടുവയെ ഒടുവിൽ കണ്ടെത്തി വയനാട്ടില്‍ ജനവാസ മേഖലയില്‍ ഭീതിപടര്‍ത്തിയ കടുവയെ പിടികൂടി മയക്കുവെടി വെച്ചിട്ടും മയങ്ങിയില്ല; കൊളവള്ളിയിൽ ഇറങ്ങിയ കടുവയെ കർണാടക അതിർത്തി കടത്തിവിട്ടു