കല്‍പ്പറ്റ മണിയങ്കോട് സബ് സെന്ററിന് കീഴില്‍ മൂന്നാം വാര്‍ഡിലെ കോളിമൂല കോളനിയിലെ ശാരദ ( 40) ആണ് ഇന്ന് പുലര്‍ച്ചെ മേപ്പാടി സ്വകാര്യ മെഡിക്കല്‍ കോളേജില്‍ വച്ച് മരണപ്പെട്ടത്.ഇതോടെ ജില്ലയില്‍ ആദിവാസി വിഭാഗത്തില്‍ നിന്നും കോവിഡ് മൂലം മരിച്ചവരുടെ എണ്ണം ഏഴായി.
കഴിഞ്ഞ മൂന്ന് മാസത്തിലധികമായി വൈത്തിരിയിലെ സുഗന്ധഗിരി പ്ലാന്റേഷന്‍ നാലാം യൂണിറ്റില്‍ സഹോദരനോടൊപ്പമായിരുന്നു താമസം.ഒക്ടോബര്‍ 6ന് ആറാം തിയ്യതി കല്‍പ്പറ്റ ഓടമ്പം സബ് സെന്ററിന് കീഴില്‍ പതിമൂന്നാം വാര്‍ഡില്‍ അമ്പിലേരി ഗ്രാമത്തു വയല്‍ കോളനിയിലെ മകളുടെ വീട്ടിലേക്ക് വന്നു.രണ്ടു ദിവസമായി ശാരീരികക്ഷീണം അനുഭവപ്പെട്ടതിനെ തുടര്‍ന്ന്13. ന് വൈകുന്നേരം 5 മണിക്ക് കല്‍പറ്റ ജനറല്‍ ആശുപത്രി അത്യാഹിത വിഭാഗത്തില്‍ പ്രവേശിപ്പിച്ചു.അനീമിയ കാരണം നല്ല ക്ഷീണവും ശ്വാസത്തിന് ബുദ്ധിമുട്ടും വന്നതിനെതുടര്‍ന്ന് പിറ്റേന്ന് രാവിലെ 11 മണിയോടെ ട്രൂ നാറ്റ് ചെയ്ത് മേപ്പാടിയിലെ സ്വകാര്യ മെഡിക്കല്‍ കോളേജിലേക്ക് റഫര്‍ ചെയ്തു. ഇന്നലെ
ഉച്ചയ്ക്ക് കോ വിഡ് പോസിറ്റീവ് ആണെന്ന് റിസള്‍ട്ട് വന്നു.ഇന്ന് പുലര്‍ച്ചെ മരണപ്പെട്ടു.
മൂന്ന് മക്കളുണ്ട്. സംസ്‌ക്കാരം കല്‍പറ്റ പൊതു ശ്മശാനത്തില്‍ നടത്തി.
Read More
കല്‍പ്പറ്റ നഗരസഭയിലെ എല്ലാ വാര്‍ഡുകളും കണ്ടെയ്ന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു
കല്‍പ്പറ്റ നഗരസയെ കണ്ടെയ്ന്‍മെന്റ് സോണിൽ നിന്നും ഒഴിവാക്കി
കല്‍പ്പറ്റ സിന്ദുര്‍ വസ്ത്രാലയം സന്ദര്‍ശിച്ചവര്‍ നിരീക്ഷണത്തില്‍ പോകണം
വയനാട്ടിൽ കണ്ടെയ്ന്‍മെന്റ് സോണുകളായി തുടരുന്നത് 12 തദ്ദേശ സ്ഥാപനങ്ങളിലെ 87 വാര്‍ഡുകള്‍; ഇതില്‍ കല്‍പ്പറ്റയിലെ ഒരു വാര്‍ഡ് മൈക്രോ കണ്ടെയ്ന്‍മെൻ്റുമാണ്