ഇരവിപേരൂർ ∙ യുവാവിനെ കിണറ്റിൽ മരിച്ചനിലയിൽ കണ്ടെത്തി. കൊലപാതകമെന്ന് സംശയം. തോട്ടപ്പുഴ കുളക്കാട് ജോൺ വർഗീസിന്റെ മകൻ ജൂവൽ (35) ആണു മരിച്ചത്. ഇന്നലെ രാവിലെ 11 മണിയോടെ സുഹൃത്തുക്കളായ ജോജോ, വൈശാഖ് എന്നിവർക്കൊപ്പം ജോജോയുടെ പുരയിടത്തിലെ കിണറിന്റെ സംരക്ഷണ മതിലിൽ ഇരുന്നു സംസാരിക്കുന്നതിനിടയിലായിരുന്നു അപകടം. ജോജോയും കിണറ്റിൽ വീണെങ്കിലും കരയ്ക്കുകയറി. തിരുവല്ലയിൽനിന്ന് അഗ്നിരക്ഷാ സേന എത്തി ജൂവലിനെ കരയ്ക്കെത്തിച്ചെങ്കിലും മരണം സംഭവിച്ചു. സുഹൃത്തുക്കളായ ഇവർ മദ്യപിക്കുന്നതിനിടയിൽ തമ്മിൽ തർക്കമുണ്ടായതായി പറയുന്നു. പൊലീസ് ജോജോയെ ചോദ്യം ചെയ്തു.വിശാഖ് സംഭവ സ്ഥലത്തുനിന്ന് ഓടി രക്ഷപ്പെട്ടിരുന്നു. ഇരുവരും പൊലീസ് നീരിക്ഷണത്തിലാണ്. നാളെ ജൂവലിന്റെ പോസ്റ്റ്മോർട്ടത്തിനുശേഷം ഇവരുടെ അറസ്റ്റ് ഉണ്ടായേക്കുമെന്നാണ് തിരുവല്ല പൊലീസ് നൽകിയ സൂചന.
Read More
ചോറ്റാനിക്കര ക്ഷേത്രത്തിൽ ദർശനം നടത്തി നയൻ താരയും വിഘ്നേഷും
12 മണിക്കൂറുകൾ നീണ്ട പരിശ്രമം; പത്തനംതിട്ട ചിറ്റാറിൽ കിണറ്റിൽ വീണ കടുവയെ പുറത്തെടുത്തു
വിവാഹാഭ്യർത്ഥന നിരസിച്ച യുവതിയെ കിണറ്റിൽ തള്ളിയിട്ടു; മൂന്ന് ദിവസത്തിന് ശേഷം അദ്ഭുതകരമായി രക്ഷപ്പെടൽ
‘മൊബൈൽ ഫോണുകൾ കിണറ്റിൽ, നിർണായക തെളിവ്’; മൂഴിക്കലിൽ കൊല്ലപ്പെട്ട 16-കാരിയുടെ രണ്ട് ഫോണുകൾ കിണറ്റിൽ കണ്ടെത്തി
