കേരളത്തിൽ ആദ്യമായി ഭിന്നശേഷിക്കാർക്കായി മോട്ടോറൈസ്ഡ് വീൽചെയറുകൾ പുറത്തിറക്കി എസ് പി ആദർശ് ഫൗണ്ടേഷൻ

കേരളത്തിൽ ആദ്യമായി ഭിന്നശേഷിക്കാർക്കു വേണ്ടി യന്ത്ര സഹായത്താൽ പ്രവർത്തിക്കുന്ന വീൽചെയറുകൾ പുറത്തിറക്കി എസ്.പി ആദർശ് ഫൗണ്ടേഷൻ. തിരുവനന്തപുരം എസ് പി മെഡിഫോർട്ട് ആശുപത്രിയിൽ നടന്ന ചടങ്ങിൽ 10 നിയോബോൾട്ട് വാഹനങ്ങൾ സൊമാറ്റോ ഡെലിവറി പങ്കാളികൾക്ക് കൈമാറി

എസ് പി ആദർശ് ഫൗണ്ടേഷനും കാൻ വോക്ക് (Can Walk) ഫൗണ്ടേഷനും സംയുക്തമായുള്ള ഈ സാമൂഹിക സംരംഭം, ‘ലിവ്‌ലിഹുഡ് ഓൺ വീൽസ്’ (Livelihood On Wheels) എന്ന പദ്ധതിയുടെ ഭാഗമായി നിയോ മോഷൻ (NeoMotion), സൊമാറ്റോ എന്നിവയുടെ സഹകരണത്തോടെയാണ് നടപ്പിലാക്കുന്നത്. എസ് പി ആദർശ് ഫൗണ്ടേഷൻ, കാൻ വോക്കുമായി സഹകരിച്ച് 2022 മുതൽ ഭിന്നശേഷിക്കാർക്കായി പുനരധിവാസ പ്രവർത്തനങ്ങൾ നടത്തിവരുന്നുണ്ട്.

ഇതിനോടകം ഇരുന്നൂറിലധികം വ്യക്തികൾ ഫിസിക്കൽ റീഹാബിലിറ്റേഷൻ പൂർത്തിയാക്കിയിട്ടുണ്ട്. ആദ്യ ഘട്ടത്തിൽ, പരിശീലനം ലഭിച്ച 10 പേർ സൊമാറ്റോ ഡെലിവറി പങ്കാളികളായി ജോലി ആരംഭിക്കും. എസ് പി ഗ്രൂപ്പ് സ്ഥാപകൻ എസ് പൊട്ടി വേലു, കൊച്ചുമകനും എസ് പി ഫോർട്ട് ഹെൽത്ത് കെയർ എക്സിക്യൂട്ടീവ് ഡയറക്ടറുമായിരുന്ന എസ് പി ആദർശ് എന്നിവരുടെ സ്മരണാർത്ഥം സ്ഥാപിതമായ ജീവകാരുണ്യ പ്രസ്ഥാനമാണ് എസ് പി ആദർശ് ഫൗണ്ടേഷൻ. 2018-ൽ അപകട ബോധവൽക്കരണത്തിനായി ഇതിഹാസ താരം ജഗതി ശ്രീകുമാറിൻ്റെ നേതൃത്വത്തിൽ ‘സേഫ്‌ത്തോൺ’ (Safethon) എന്ന റോഡ് മാരത്തൺ സംഘടിപ്പിച്ചിരുന്നു. കേരളത്തിൽ വാക്സിൻ ക്ഷാമം രൂക്ഷമായിരുന്ന 2020-ൽ ഫൗണ്ടേഷൻ 60,000 കോവിഡ് വാക്സിനുകൾ വാങ്ങിയ വിലയ്ക്ക് തന്നെ പൊതുജനങ്ങൾക്കായി ലഭ്യമാക്കിയിരുന്നു.

എസ്.പി ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. എസ് പി അശോകൻ, ജോയിന്റ് ചെയർമാനും മാനേജിംഗ് ഡയറക്ടറുമായ എസ് പി സുബ്രഹ്മണ്യൻ, എക്സിക്യൂട്ടീവ് ഡയറക്ടർമാരായ ഡോ. എസ് ആദിത്യ, ഡോ. അതുല്യ എ ഭാഗ്യ, അദ്വൈത് എ ബാല, ശ്രീമതി വനജ സുബ്രഹ്മണ്യൻ എന്നിവർ ചടങ്ങിൽ പങ്കെടുത്തു. ഇതോടൊപ്പം, കാൻ വോക്ക് സ്ഥാപകൻ ഗോകുൽ രത്നാകറിനൊപ്പം ചേർന്ന് 10 വാഹനങ്ങൾ സൊമാറ്റോ ഡെലിവറി പങ്കാളികൾക്ക് കൈമാറുകയും ചെയ്തു.

സ്ഥാപകൻ ശ്രീ എസ് പൊട്ടി വേലുവിന്റെ അശ്രാന്ത പരിശ്രമത്തിനും, കേരളത്തിലെ ജനങ്ങളിൽ നിന്ന് അദ്ദേഹം നേടിയെടുത്ത വിശ്വാസത്തിനുമുള്ള സമർപ്പണമാണ് ഈ സാമൂഹിക സംരംഭം,” എന്ന് ചടങ്ങിൽ സംസാരിച്ചുകൊണ്ട് ഡോ. അശോകൻ പറഞ്ഞു. “ഇന്നത്തെ ചടങ്ങ് എസ് പി ആദർശ് ഫൗണ്ടേഷന് മാത്രമല്ല, കേരളത്തിലെയും ഇന്ത്യയിലെയും എല്ലാ ഭിന്നശേഷിക്കാർക്കും ഒരു നാഴികക്കല്ലാണ്,” എന്ന് എസ് പി സുബ്രഹ്മണ്യനും അഭിപ്രായപ്പെട്ടു.

മെഡിക്കൽ ക്യാമ്പുകൾ നടത്തുകയും, പുനരധിവാസ സേവനങ്ങൾ നൽകുകയും ചെയ്ത്, കഴിഞ്ഞ 17 വർഷമായി നട്ടെല്ലിന് ക്ഷതമേറ്റ വ്യക്തികൾക്ക് പിന്തുണ നൽകിവരുന്ന പ്രസ്ഥാനമാണ് കാൻ വോക്ക് സൊസൈറ്റി ഫോർ ഹ്യൂമൻ വെൽഫെയർ എന്ന് ഗോകുൽ രത്നാകർ പറഞ്ഞു. ഇതിലൂടെ ശക്തമായ സാമൂഹിക പിന്തുണ ഉറപ്പാക്കുകയാണ് ചെയ്യുന്നതെന്നും അദ്ദേഹം കൂട്ടിച്ചേർത്തു. കൂടാതെ ന്യൂറോ-റീഹാബിലിറ്റേഷൻ ക്ലിനിക്കും തൊഴിലധിഷ്ഠിത പരിശീലന പരിപാടികളും നടത്തുന്നു. ഡെലിവറി പങ്കാളിത്തം പോലുള്ള സംരംഭങ്ങളിലൂടെ വീൽചെയർ ഉപയോഗിക്കുന്നവരെ ശക്തീകരിക്കുകയും ചെയ്യുന്നു

എസ് പി ആദർശ് ഫൗണ്ടേഷനുമായി ചേർന്ന് പ്രവർത്തിക്കുന്ന കാൻ വോക്ക്, ന്യൂറോ-റീഹാബിലിറ്റേഷൻ രംഗത്ത് ഒരു ദേശീയ മാതൃകയായി വളരുകയാണെന്നും ഗോകുൽ രത്നാകർ പറഞ്ഞു. നിയോഫ്‌ലൈ (NeoFly) എന്ന ഭാരം കുറഞ്ഞ വീൽചെയറിനെ, 3 സ്പീഡ് മോഡുകളുള്ള ശക്തമായ മൊബിലിറ്റി സംവിധാനമാക്കി മാറ്റുന്ന മോട്ടോറൈസ്ഡ് അറ്റാച്ച്‌മെന്റാണ് നിയോബോൾട്ട്. ലിഥിയം അയൺ ബാറ്ററിയിൽ പ്രവർത്തിക്കുന്ന നിയോബോൾട്ട് മികച്ച യാത്രാ പരിധി (Range) നൽകുന്നു. കിലോമീറ്ററിന് 20 പൈസ മാത്രമാണ് ഇതിന്റെ പ്രവർത്തന ചെലവ്.

Categories

‘ഇരയുടെ ഐഡന്‍റിറ്റി വെളിപ്പെടുത്തിയത് ഡിവൈഎഫ്ഐ, താൻ മനപൂർവം വെളിപ്പെടുത്തിയിട്ടില്ല’; സന്ദീപ് വാര്യർ