വിചിത്ര നടപടിയുമായി പാകിസ്താൻ ക്രിക്കറ്റ് ബോർഡ്. വിദേശ ലീഗുകളിൽ പങ്കെടുക്കാൻ താരങ്ങൾക്ക് നൽകിയ NOC റദ്ദാക്കി. കാരണം വ്യക്തമാക്കാതെയാണ് പിസിബി നടപടി. ഇതോടെ ബാബർ അസം ഉൾപ്പെടെയുള്ള താരങ്ങൾക്ക് ബിഗ് ബാഷ് അടക്കമുള്ള ലീഗുകളിൽ പങ്കെടുക്കാനാവില്ല.2025 ലെ ഏഷ്യാ കപ്പ് ഫൈനലിൽ പാകിസ്ഥാൻ ഇന്ത്യയോട് തോറ്റതിന് ഒരു ദിവസത്തിന് ശേഷമാണ് ഈ നീക്കം.
അന്താരാഷ്ട്ര ലീഗുകളിൽ നിന്ന് കളിക്കാരെ പിന്തിരിപ്പിക്കാനും പകരം ആഭ്യന്തര ക്രിക്കറ്റിന് മുൻഗണന നൽകാനും നിർദ്ദേശിച്ചുകൊണ്ട് പിസിബി ചീഫ് ഓപ്പറേറ്റിംഗ് ഓഫീസർ സയ്യിദ് സമീർ അഹമ്മദ് വിജ്ഞാപനം പുറപ്പെടുവിച്ചതായി വൃത്തങ്ങൾ അറിയിച്ചു.
ഓസ്‌ട്രേലിയയിലെ ബിഗ് ബാഷ് ലീഗിൽ കളിക്കാൻ എൻ‌ഒ‌സി ലഭിച്ച മുൻനിര ക്രിക്കറ്റ് താരങ്ങളായ ബാബർ അസം, ഷഹീൻ ഷാ അഫ്രീദി, മുഹമ്മദ് റിസ്വാൻ, ഫഹീം അഷ്‌റഫ് എന്നിവരെയാണ് ഇത് നേരിട്ട് ബാധിക്കുക.ദുബായിൽ നടന്ന ഏഷ്യാ കപ്പ് ഫൈനലിൽ ഇന്ത്യയോട് പാകിസ്ഥാൻ പരാജയപ്പെട്ടതിനെ തുടർന്നാണ് ഈ തീരുമാനം. ക്യാപ്റ്റൻ സൽമാൻ അലി ആഗ, ഫഹീം അഷ്‌റഫ്, ഹസ്സൻ അലി എന്നിവരുൾപ്പെടെ ദേശീയ ടീമിലെ അംഗങ്ങൾ തിങ്കളാഴ്ച ലാഹോറിലേക്ക് മടങ്ങി.
Read More
അഫ്ഗാൻ ജനതയെ അഭിസംബോദന ചെയ്ത് അഷ്‌റഫ് ഗനി; സുരക്ഷാ സേനയുടെ നിർദേശപ്രകാരമാണ് താൻ അഫ്ഗാൻ വിട്ടത്
ഏഷ്യ കപ്പ്; ത്രില്ലർപ്പോരിൽ ഒൻപതാം കിരീടത്തിൽ മുത്തമിട്ട് നീലപ്പട
‘പടക്കം വാങ്ങിത്തന്നിട്ട് എറിയാന്‍ വെല്ലുവിളിച്ചത് CPIM നേതാക്കള്‍ തന്നെ’; ഏരിയ കമ്മിറ്റി ഓഫിസിലേക്ക് പടക്കമെറിഞ്ഞ അഷ്‌റഫ്; നിഷേധിച്ച് നേതാക്കള്‍
ഏഷ്യാ കപ്പിലെ ഇന്ത്യ-പാക് പോരാട്ടം; മത്സരത്തിൽ നിന്ന് ഇന്ത്യ പിന്മാറണമെന്ന് കോൺഗ്രസും പ്രതിപക്ഷ നേതാക്കളും
