ആലപ്പുഴ: ഹരിപ്പാട് പോഷകാഹാര കുറവിനെ തുടർന്നുണ്ടായ രണ്ട് വയസുകാരന്റെ മരണത്തിൽ, ദമ്പതികളുടെ നവജാത ശിശുവിനെ ശിശുക്ഷേമ സമിതി ഏറ്റെടുത്തു. ചൈൽഡ് പ്രൊട്ടക്ഷൻ ഓഫീസറുടെ റിപ്പോർട്ടിന്റെ അടിസ്ഥാനത്തിലാണ് നടപടി. അമ്മയുടെ സമ്മതമില്ലാതെയാണ് സമിതി കുഞ്ഞിനെ ഏറ്റെടുത്തിരിക്കുന്നത്. കുട്ടിയെ സി ഡബ്ള്യു സിയുടെസംരക്ഷണ കേന്ദ്രത്തിലേക്ക് മാറ്റി.
നേരത്തെ നവജാത ശിശുവിനെ ശിശുക്ഷേമ സമിതിക്ക് വിട്ടു നൽകില്ലെന്ന് മാതാവ് താര നിലപാടെടുത്തിരുന്നു. രാജേഷ് – താര ദമ്പതികളുടെ രണ്ട് കുട്ടകൾ മരിക്കുകയും മറ്റു കുട്ടികളെ പരിചരിക്കുന്നില്ലെന്ന കണ്ടെത്തലുണ്ടാവുകയും ചെയ്തതോടെയാണ് നവജാത ശിശുവിനെ ഏറ്റെടുക്കാൻ ജില്ലാ ശിശുക്ഷേമ സമിതി തീരുമാനിച്ചത്.
ഏഴ് കുട്ടികളാണ് ഇവർക്കുണ്ടായിരുന്നത്. മുമ്പും സമാന സാഹചര്യത്തിൽ ഇവരുടെ ഒരു ആൺകുട്ടി മരിച്ചിരുന്നു. കുടുംബത്തെ ഗാന്ധി ഭവൻ പോലെയുള്ള കേന്ദ്രങ്ങളിലേക്ക് മാറ്റാൻ മുൻപ് ശ്രമങ്ങൾ നടന്നിരുന്നു. എന്നാൽ ഇതിന് കുട്ടികളുടെ രക്ഷിതാക്കൾ തയ്യാറായിരുന്നില്ല.
Read More
ഹരിപ്പാട് പോഷകാഹാരക്കുറവ് മൂലം കുഞ്ഞ് മരിച്ച സംഭവം; ബാലാവകാശകമ്മീഷൻ കേസെടുത്തു
ഹരിപ്പാട്ടെ രണ്ട് വയസുകാരന്റെ മരണം: മാതാപിതാക്കള്‍ ജോലിയെടുക്കാതെ ജീവിക്കാന്‍ കുട്ടികളെ മറയാക്കി; സോഷ്യല്‍ ഇന്‍വെസ്റ്റീഗേഷന്‍ റിപ്പോര്‍ട്ടില്‍ ഗുരുതര കണ്ടെത്തലുകള്‍
കോട്ടയം മെഡിക്കൽ കോളജിൽ നിന്ന് നവജാത ശിശുവിനെ തട്ടിക്കൊണ്ടുപോകാൻ ശ്രമിച്ച യുവതി പിടിയിൽ
‘തിരുവോണദിനത്തിൽ അമ്മത്തൊട്ടിലിൽ പുതിയ അംഗം’; നാലുദിവസം പ്രായമായ കുഞ്ഞിന് തുമ്പ എന്ന് പേരിട്ടു
