സിപിഐഎം – എസ്ഡിപിഐ ബന്ധമെന്ന ആരോപണം കോണ്ഗ്രസിന്റെ നുണയെന്ന് മുഖ്യമന്ത്രി പിണറായി വിജയന്. ദുരാരോപണങ്ങള് ഉന്നയിച്ച് ശ്രദ്ധ തിരിച്ചുവിടാനാണ് ശ്രമം. എന്നാല്, എസ്ഡിപിഐ വോട്ട് വേണ്ട എന്ന് പറയുമോ എന്ന ചോദ്യത്തിന് മുഖ്യമന്ത്രി മറുപടി നല്കിയില്ല.എല്ലാ വര്ഗീയ ശക്തികളോടും എല്ഡിഎഫിന് ഒരേ നിലപാടാണെന്ന് മുഖ്യമന്ത്രി പറഞ്ഞു. യുഡിഎഫ് നുണയെ ആശ്രയിക്കുകയാണ്. വസ്തുതകളേയല്ല. എല്ലാ ഘട്ടത്തിലും വര്ഗീയതയുമായി വിട്ടുവീഴ്ചയില്ലാത്ത സമീപനം സ്വീകരിച്ചത് എല്ഡിഎഫ് ആണ് എന്നത് എല്ലാവര്ക്കും വ്യക്തതയുള്ള കാര്യമാണ്. അങ്ങനെ ജനങ്ങളെയാകെ തെറ്റിദ്ധരിപ്പിക്കാമെന്ന വ്യാമോഹം വേണ്ട്. ഏതാനും വോട്ടിന് വേണ്ടി അവസരവാദ നിലപാട് ഞങ്ങള് സ്വീകരിക്കാറില്ല. എപ്പോഴും തത്വാതിഷ്ഠിത നിലപാടാണ് സ്വീകരിക്കുന്നത് – അദ്ദേഹം പറഞ്ഞു.എസ്ഡിപിഐയുമായി ബന്ധപ്പെട്ട ചോദ്യങ്ങളില് മുഖ്യമന്ത്രി ക്ഷുഭിതനായി. പ്രത്യേക അജണ്ടയുമായി വന്നതാണെങ്കില് അത് മാറ്റി വച്ചാല് മതി. എസ്ഡിപിഐയെ കുറിച്ച് ഞാനാണോ മറുപടി പറയേണ്ടത്. അത് എസ്ഡിപിഐക്കാരോട് ചോദിക്കണം – മുഖ്യമന്ത്രി പറഞ്ഞു. മാധ്യമ പ്രവര്ത്തകര് അജണ്ട സ്വീകരിക്കരുത് എന്നും വിമര്ശനമുണ്ട് – അദ്ദേഹം പറഞ്ഞു.
അതേസമയം, എസ്ഡിപിഐ – സിപിഐഎം ധാരണ പരസ്യമാണെന്ന് മുന് പ്രതിപക്ഷനേതാവ് രമേശ് ചെന്നിത്തല പറഞ്ഞു. മുഖ്യമന്ത്രി നേരിട്ട് ഇടപെട്ടാണ് കൂട്ടുകെട്ട് ഉണ്ടാക്കിയതെന്നും രമേശ് ചെന്നിത്തല ആരോപിച്ചു.
Read More
എന്ഡിടിവി സര്വേയില് വിഡി സതീശന് മേല്ക്കൈ; കോണ്ഗ്രസിന് ആശ്വാസം, ചെന്നിത്തലയ്ക്ക് പരിഭവം
തദ്ദേശ തിരഞ്ഞെടുപ്പ്: കണക്കുകൾ :വയനാട്ടിലെ വോട്ടനുപാതം
അബിന്വര്ക്കിയ്ക്ക് തടസമായത് സാമുദായിക സമവാക്യം; കോണ്ഗ്രസില് വീണ്ടും ഗ്രൂപ്പ് ചര്ച്ചകള് സജീവം
‘ഭൂരിപക്ഷ,ന്യൂനപക്ഷ വർഗീയതയെ മുഖ്യമന്ത്രി മാറിമാറി താലോലിക്കുന്നു; ജനങ്ങളെ ഭിന്നിപ്പിക്കാൻ ശ്രമം’; രമേശ് ചെന്നിത്തല
