ലൈംഗിക പീഡനക്കേസില്‍ രാഹുൽ മാങ്കൂട്ടത്തിൽ എംഎല്‍എയെ അറസ്റ്റ് ചെയ്യാനുള്ള നീക്കങ്ങള്‍ സജീവമാക്കി പൊലീസ്. എംഎൽഎക്കെതിരെയുള്ള യുവതിയുടെ വെളിപ്പെടുത്തലിൽ മറുപടിയുമായി മുസ്ലീം ലീഗ് വനിതാ നേതാവ് ഫാത്തിമ തഹ്ലിയ രംഗത്തെത്തി.
ആരെയും വേട്ടയാടുന്നത് ശരിയല്ലെന്ന്ഫാത്തിമ തഹ്ലിയ പറഞ്ഞു. നിയമപരമായ കാര്യങ്ങളുമായാണ് മുന്നോട്ടുപോകുന്നത്. ഏത് പൗരൻ തെറ്റ് ചെയ്താലും ശിക്ഷിക്കപ്പെടണം. തെറ്റെന്ന് ബോധ്യപ്പെട്ടാൽ കർശന നടപടി സ്വീകരിക്കണം.
വിഷമമുണ്ടായെങ്കിൽ അതിജീവിതയ്ക്കൊപ്പം നിക്കണം. ആരോപണം ഉയർന്നപ്പോൾ കോൺഗ്രസ് നടപടി സ്വീകരിച്ചു. അടിസ്ഥാന മെമ്പർഷിപ്പിൽ നിന്ന് പോലും മാറ്റി നിർത്തി. ഇതിനപ്പുറം ഒരു പാർട്ടി എന്താണ് ചെയ്യേണ്ടത്. എല്ലാം യു.ഡി.എഫ് പറഞ്ഞ് കഴിഞ്ഞു. തെറ്റിനപ്പുറം വേട്ടയാടലുകൾ ശരിയല്ലെന്നും ഫാത്തിമ തഹ്ലിയ പറഞ്ഞു.
അതേസമയം ലൈംഗിക പീഡനക്കേസില്‍ രാഹുൽ മാങ്കൂട്ടത്തിൽ എംഎല്‍എയെ അറസ്റ്റ് ചെയ്യാനുള്ള നീക്കങ്ങള്‍ സജീവമാക്കി പൊലീസ്. എംഎല്‍എ രാഹുൽ മാങ്കൂട്ടത്തിലിനായി ലുക്ക്ഔട്ട് സർക്കുലർ പുറത്തിറക്കി. വിദേശത്തേക്ക് കടക്കാന്‍ സാധ്യതയുള്ളതിനാലാണ് ലുക്ക്ഔട്ട് സർക്കുലർ പുറത്തിറക്കിയിരിക്കുന്നത്.
യുവതിയുടെ പരാതിയില്‍ ജാമ്യമില്ലാ വകുപ്പാണ് രാഹുലിനെതിരെ ചുമത്തിയിരിക്കുന്നത്. കേസെടുത്തതിന് പിന്നാലെ രാഹുലിനും സുഹൃത്ത് അടൂർ സ്വദേശിയായ വ്യാപാരിക്കുമായി അന്വേഷണം നടത്തുകയാണ് പൊലീസ്. രാഹുൽ മാങ്കൂട്ടത്തിൽ സുഹൃത്ത് വഴിയാണ് ഗർഭച്ഛിദ്ര ഗുളിക എത്തിച്ചതെന്ന് യുവതിയുടെ മൊഴിയുടെ അടിസ്ഥാനത്തിലാണ് ജോബി ജോസഫിനെയും കേസില്‍ പ്രതി ചേര്‍ക്കാന്‍ തീരുമാനിച്ചത്.
Read More
മുകേഷിന് സംരക്ഷണം തീർക്കാൻ സിപിഐഎം ഇറങ്ങിയത് പോലെ യൂത്ത് കോൺഗ്രസ് ഇറങ്ങില്ല: ഓ ജെ ജെനീഷ്
കോഴിക്കോട് കോർപറേഷനിൽ യുഡിഎഫ് സ്ഥാനാർഥിയായി ഫാത്തിമ തഹ്ലിയ; ഒന്നരപ്പതിറ്റാണ്ടായി ജനങ്ങൾക്കിടയിലിറങ്ങി പ്രവർത്തിച്ചെന്ന് യൂത്ത് ലീഗ് നേതാവ്
പാലക്കാട് സജീവമാകാൻ രാഹുൽ മാങ്കൂട്ടത്തിൽ; കോൺഗ്രസിന്റെ പൊതുപരിപാടികളിൽ പങ്കെടുത്തു
പ്രഭാത വാർത്തകൾ
