വിളപ്പില്ശാല സര്ക്കാര് ആശുപത്രിയില് ചികിത്സ നിഷേധിച്ചതിനെ തുടര്ന്ന് രോഗി മരിച്ചെന്ന പരാതിയില് വിശദീകരണവുമായി ആശുപത്രി സൂപ്രണ്ട് ഡോ. രമ രംഗത്ത്. ബിസ്മീറിന് പ്രാഥമിക ചികിത്സ നല്കിയിരുന്നുവെന്നും ഓക്സിജന് സംവിധാനമുള്ള ആംബുലന്സിലാണ് ഇദ്ദേഹത്തെ അയച്ചതെന്നും ആശുപത്രി സൂപ്രണ്ട് ട്വന്റിഫോറിനോട് പറഞ്ഞു. രാത്രിയില് ഗ്രില് അടച്ചിട്ടത് രോഗികളേയും ആശുപത്രി ജീവനക്കാരുടേയും സുരക്ഷ ഉറപ്പാക്കുന്നതിന്റെ ഭാഗമായിട്ടാണെന്നും ഡോ. രമ പറഞ്ഞു. സെക്യൂരിറ്റി ഗാര്ഡിനെയോ അറ്റന്ഡറേയോ നിയമിച്ചിട്ടില്ലെന്നും അവര് കൂട്ടിച്ചേര്ത്തു. (vilappilsala government hospital superintendent on bismeer’s death).ശ്വാസംമുട്ടലുമായി എത്തിയ രോഗിയെ ഡ്യൂട്ടി ഡോക്ടര് പരിശോധിക്കുകയും പ്രാഥമിക ചികിത്സയും കുത്തിവയ്പ്പും നല്കിയെന്നുമാണ് ആശുപത്രി സൂപ്രണ്ട് വിശദീകരിക്കുന്നത്. രോഗിയ്ക്ക് ഓക്സിജന് ഉള്പ്പെടെ നല്കിയിരുന്നു. ആംബുലന്സിലും ഓക്സിജന് സംവിധാനമുണ്ടായിരുന്നു. ഗ്രില് അടച്ചിട്ടത് സ്ത്രീകള് ഉള്പ്പെടെയുള്ള രോഗികളുടെ സുരക്ഷ കണക്കിലെടുത്താണ്. സെക്യൂരിറ്റിയെ നിയമിക്കാനുള്ള നടപടിക്രമങ്ങള് പൂര്ത്തിയായി വരികയാണെന്നും ഡോ. രമ കൂട്ടിച്ചേര്ത്തു.തന്റെ ഭര്ത്താവിന് ചികിത്സ നിഷേധിക്കപ്പെട്ടുവെന്നും ആവര്ത്തിച്ച് നിലവിളിച്ചപ്പോഴാണ് ഓക്സിജന് ഉള്പ്പെടെ നല്കിയതെന്നുമായിരുന്നു ബിസ്മീറിന്റെ ഭാര്യയുടെ ആരോപണം. ആശുപത്രിയില് ഉണ്ടായിരുന്നവര് ഉറങ്ങിക്കിടക്കുകയായിരുന്നു. ആവര്ത്തിച്ച് നിലവിളിച്ചപ്പോഴാണ് സെക്യൂരിറ്റി എത്തി ഗേറ്റ് തുറന്നത്. രക്ഷിക്കണേ എന്ന് പറഞ്ഞ് ഭര്ത്താവ് നിലവിളിക്കുകയായിരുന്നുവെന്നും ജാസ്മിന് ആരോപിച്ചിരുന്നു. അതേസമയം വിഷയത്തില് ആരോഗ്യമന്ത്രി വീണാ ജോര്ജ് റിപ്പോര്ട്ട് തേടിയിരിക്കുകയാണ്.
Read More
കോഴിക്കോട് ബീച്ച്, മെഡിക്കല് കോളേജ് ആശുപത്രികളില് ഓക്സിജന് വിതരണം പൈപ്പ്ലൈന്വഴി; കൂടുതല് കോവിഡ് രോഗികള്ക്ക് ആശ്വാസമാകും
രാജ്യത്തെ ഏറ്റവും വലിയ കൊവിഡ് ചികില്സാ കേന്ദ്രം എറണാകുളത്ത് ഒരുങ്ങി;നാളെ മുതല് രോഗികളെ പ്രവേശിപ്പിക്കും
ഓക്സിജന് എക്സ്പ്രസുകള് പാഞ്ഞെത്തിയത് 15 സംസ്ഥാനങ്ങളില്; കോവിഡ് പ്രതിരോധത്തിന് റെയില്വേയുടെ പിന്തുണ
ഡെല്റ്റ വൈറസ് സാന്നിധ്യം; ജനസംഖ്യയുടെ പകുതി പേര്ക്ക് രോഗസാധ്യത; അതി ജാഗ്രതയില്ലെങ്കില് അപകടമെന്നും മന്ത്രി
