പേരാമ്പ്ര സംഘര്ഷത്തിനിടെ ഷാഫി പറമ്പില് എംപിയെ മര്ദിച്ചതില് ആരോപണവിധേയനായ സര്ക്കിള് ഇന്സ്പെക്ടര് അഭിലാഷ് ഡേവിഡിന്റെ പിരിച്ചുവിടല് റദ്ദാക്കിയത് അന്നത്തെ ഡിജിപി. അഭിലാഷിനെ പിരിച്ചുവിടാനുള്ള തീരുമാനം ശമ്പള വര്ധന തടയലായി ഒതുക്കിയത് മുന് ഡിജിപി ഷെയ്ഖ് ദര്വേഷ് സാഹിബാണ്. പിരിച്ചുവിടാനുള്ള കമ്മിഷണറുടെ നോട്ടീസ് റദ്ദാക്കിക്കൊണ്ടായിരുന്നു ഡിജിപിയുടെ തീരുമാനം.
സിഐ അഭിലാഷ് ഡേവിഡ് തന്നെ മനപൂര്വം മര്ദിച്ചുവെന്നായിരുന്നു ഇന്നലെ നടത്തിയ വാര്ത്താ സമ്മേളനത്തില് ഷാഫി പറമ്പില് എംപി ആരോപിച്ചിരുന്നത്. പൊലീസില് നിന്ന് ഇയാള് പിരിച്ചുവിടല് നോട്ടീസ് കൈപ്പറ്റിയ ആളാണെന്നും ഷാഫി പറഞ്ഞിരുന്നു. അഭിലാഷിനെ പിരിച്ചുവിടാന് കമ്മിഷണര് തീരുമാനിച്ചിരുന്നുവെങ്കിലും അത് ഡിജിപി റദ്ദാക്കിയതായുള്ള വിവരങ്ങളും ഇത് സംബന്ധിച്ച രേഖകളുമാണ് ലഭിച്ചിരിക്കുന്നത്.
2023 ജനുവരി 21-ാം തിയതി തിരുവനന്തപുരം സിറ്റി പൊലീസ് കമ്മീഷണറായിരുന്ന സി എച്ച് നാഗരാജുവാണ് അഭിലാഷിനെ പിരിച്ചുവിട്ടുകൊണ്ടുള്ള ഉത്തരവിറക്കിയത്. അഭിലാഷ് ശ്രീകാര്യം സ്റ്റേഷനിലെ സിഐ ആയിരിക്കെ ലൈംഗിക അതിക്രമക്കേസ് കാശുവാങ്ങി ഒത്തുതീര്ക്കാന് ശ്രമിച്ചു എന്ന ആരോപണമാണ് ഉയര്ന്നിരുന്നത്. എന്നാല് പിരിച്ചുവിടല് തീരുമാനം ഒന്നര വര്ഷത്തിനുശേഷം പിന്വലിക്കുകയും കാരണം കാണിക്കല് നോട്ടീസിന് അഭിലാഷ് മറുപടി നല്കുകയും ചെയ്തു. ശേഷം പിരിച്ചുവിടല് എന്നത് രണ്ട് വര്ഷത്തെ ശമ്പള വര്ധനവ് തടയലില് ഒതുക്കുകയായിരുന്നു ഡിജിപി.
Read More
‘അദ്ദേഹം സ്വമേധയാ രാജിസന്നദ്ധത അറിയിച്ചു, ഇത് സിപിഐഎം ചെയ്താല് ‘എഫ്ഐആര് ഇല്ലാ രാജി’ എന്ന ധാര്മികതയുടെ ക്ലാസ് കേള്ക്കേണ്ടി വന്നേനെ’; രാഹുലിനെ പരോക്ഷമായി പിന്തുണച്ച് ഷാഫി പറമ്പില്
പേരാമ്പ്ര സംഘര്ഷം: ഷാഫി പറമ്പില് എംപിക്കെതിരെ കേസ്
ലാത്തി ചാർജ് ഉണ്ടായിട്ടില്ല, ഒരു സംഘർഷം ആകുമ്പോൾ സ്വാഭാവികമായും ലാത്തി ഉയരുകയും താഴുകയും ചെയ്യും; പേരാമ്പ്രയിലെത് ഷാഫി ഷോയെന്ന് എസ് കെ സജീഷ്
ഷാഫി പറമ്പിലിനെ മര്ദിച്ചിട്ടില്ലെന്ന പൊലീസ് വാദം പൊളിയുന്നു; മര്ദനമേല്ക്കുന്ന ദൃശ്യങ്ങള്
