ഡോ. എം. കെ. മുനീറിനെ സന്ദര്‍ശിച്ച് മന്ത്രി പി എ മുഹമ്മദ് റിയാസ്. മന്ത്രി തന്നെയാണ് സോഷ്യല്‍ മീഡിയയിലൂടെ ഇക്കാര്യം വ്യക്തമാക്കിയത്. ആരോഗ്യം വീണ്ടെടുത്ത് പൊതുമണ്ഡലത്തിലേക്ക് ഇറങ്ങുവാനുള്ള ഒരുക്കത്തിലാണ് അദ്ദേഹം എന്നത് ഏറെ സന്തോഷം നല്‍കുന്ന കാര്യമാണെന്നും നേരിട്ട് കണ്ടപ്പോഴും ഇക്കാര്യങ്ങള്‍ സംസാരിച്ചുവെന്നും അദ്ദേഹം പറഞ്ഞു.
സി. എച്ച്. മുഹമ്മദ് കോയ സാഹിബും തന്റെ വാപ്പയും വളരെ അടുത്ത ബന്ധമായിരുന്നുവെന്നും വ്യത്യസ്ത രാഷ്ട്രീയ മണ്ഡലത്തില്‍ പ്രവര്‍ത്തിക്കുമ്പോഴും, വ്യക്തിപരമായി നല്ല ബന്ധത്തിലാണ് തങ്ങളുമെന്നും മന്ത്രി കുറിച്ചു. മുനീര്‍ ആരോഗ്യം വീണ്ടെടുത്ത് പൊതുരംഗത്ത് സജീവമായി വരുന്നത് നാടിനും അദ്ദേഹത്തിന്റെ പ്രസ്ഥാനത്തിനും ഒരുപോലെ ഗുണകരമാകുമെന്നും വ്യക്തമാക്കിയിട്ടുണ്ട്.
