തിരുവനന്തപുരം ∙ കെഎസ്ആര്ടിസിയുടെ ആഡംബര ബസുകള് എക്സിക്യൂട്ടീവ് ക്ലാസ് എന്ന പുതിയ പേരില് ഞായറാഴ്ച മുതല് സര്വീസ് തുടങ്ങും. ശുചിമുറിയും ഭക്ഷണവും കഫെറ്റീരിയയും പാന്ട്രിയും ഒക്കെ ആയി വന്ദേഭാരത് ട്രെയിനിനു സമാന്തരമായ ആഡംബര ബസാണ് ഓടിത്തുടങ്ങുന്നത്. ആലപ്പുഴ-ബെംഗളൂരു പാതയില് ആണ് ബസ് സര്വീസ് നടത്തുക. ആലപ്പുഴയില് വൈകിട്ട് 5.30ന് നടക്കുന്ന ചടങ്ങില് കെ.സി. വേണുഗോപാല് എംപി ബസ് സര്വീസ് ഉദ്ഘാടനം ചെയ്യും. സര്വീസിലേക്കുള്ള ഓണ്ലൈന് ബുക്കിങ് ആരംഭിച്ചു. നിലവില് ഒന്നിടവിട്ട ദിവസങ്ങളിലാണ് സര്വീസ് ക്രമീകരിച്ചിരിക്കുന്നത്. ആലപ്പുഴയില് നിന്ന് വൈകിട്ട് അഞ്ചരയ്ക്ക് പുറപ്പെടുന്ന ബസ് വൈറ്റില, തൃശൂര് മണ്ണുത്തി ബൈപ്പാസ്, പാലക്കാട് ചന്ദ്രനഗര്, കോയമ്പത്തൂര് എല് ആന്ഡ് ടി ബൈപ്പാസ്, സേലം വഴി പിറ്റേദിവസം രാവിലെ 5.55ന് ബെംഗളൂരുവില് എത്തിച്ചേരും. ബെംഗളൂരുവില് നിന്ന് രാത്രി എട്ടിന് പുറപ്പെടുന്ന സര്വീസ് ഇതേ വഴിയിലൂടെ സഞ്ചരിച്ച് പിറ്റേന്ന് രാവിലെ എട്ടിന് ആലപ്പുഴയില് എത്തും. യാത്രക്കാര്ക്കായി സെമി സ്ലീപ്പര് സീറ്റുകള്, എയര് സസ്പെന്ഷന്, ശുചിമുറി തുടങ്ങിയ സൗകര്യങ്ങള് ബസില് ഒരുക്കിയിട്ടുണ്ട്. ഓരോ നിരയിലും രണ്ട് സീറ്റുകള് വീതമാണ് ക്രമീകരിച്ചിരിക്കുന്നത്. സീറ്റുകള്ക്കു പിന്നില് പ്രത്യേകം സ്ക്രീനുകളും നല്കിയിട്ടുണ്ട്. മൊബൈല് ചാര്ജിങ്, ബോട്ടില് ഹോള്ഡര്, ലഗേജ് റാക്ക്, തുടങ്ങിയ സംവിധാനങ്ങളുമുണ്ട്. ചായ ഉള്പ്പെടെയുള്ള ലഘുഭക്ഷണം, ടോയ്ലറ്റ്, പാന്ട്രി തുടങ്ങിയ സംവിധാനങ്ങള് ബസിനുള്ളില് ഒരുക്കും. യാത്രക്കാര്ക്ക് www.onlineksrtcswift.com എന്ന വെബ്സൈറ്റിലും 9447071021 എന്ന വാട്സാപ്പ് നമ്പര് വഴിയോ ടിക്കറ്റ് ബുക്ക് ചെയ്യാം. യാത്രാ മാര്ഗം, തീയതി, സര്വീസ്, സീറ്റ് എന്നിവ തിരഞ്ഞെടുക്കാനും ഓണ്ലൈനായി പണമടയ്ക്കാനും ഇതിലൂടെ സാധിക്കും. ബുക്കിങ് പൂര്ത്തിയായാല് ഇ-ടിക്കറ്റും പിഎന്ആര് വിവരങ്ങളും ഇതേ ചാറ്റില് തന്നെ ലഭ്യമാകും.
Read More
ഇന്ത്യക്കാരനെ വിവാഹം കഴിക്കാനായി പഞ്ചാബിലെത്തിയ അമേരിക്കക്കാരിയെ വരന്റെ ഒത്താശയോടെ അടിച്ചുകൊന്നു; വരന്റെ കൂട്ടാളി പിടിയില്
ഗജരാജ സ്ലീപ്പർ ബസ് വീണ്ടും ദിവസേന സർവീസ് തുടങ്ങി; തലസ്ഥാനത്ത് നിന്നും നാഗർകോവിൽ വഴി ബെംഗളൂരുവിൽ എത്താം
എക്സിറ്റ് പോളുകള് തെറ്റിയ ചരിത്രമുണ്ട്, എക്സാറ്റ് പോള് എന്താണെന്ന് നാലാം തിയ്യതി അറിയാം; മുഹമ്മദ് റിയാസ്
പ്രഭാത വാർത്തകൾ
