കൊല്ലം∙ കൊട്ടാരക്കരയിൽ വൻ ലഹരിവേട്ട. എംഡിഎംഎയുമായി 3 യുവാക്കൾ പിടിയിൽ. കൊട്ടാരക്കര സ്വദേശികളായ ബിപിൻ, അനന്തു, അതുൽ എന്നിവരാണ് പിടിയിലായത്. ഇവരിൽ നിന്ന് 150 ഗ്രാം എംഡിഎംഎ പിടിച്ചെടുത്തു. കൊല്ലം റൂറൽ ഡാൻസാഫ് സംഘത്തിന്റെയും കൊട്ടാരക്കര പൊലീസിന്റെയും സംയുക്ത നീക്കത്തിലൂടെയാണ് പ്രതികളെ പിടികൂടാനായത്.ബെംഗളൂരുവിൽ നിന്നാണ് സംഘം ലഹരി കടത്തിയത്. ഇവരിലൊരാൾ ബസിൽ ലഹരിയുമായി വരുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ പൊലീസും ഡാൻസാഫ് സംഘവും ബസ് സ്റ്റാൻഡ് പരിസരത്തെത്തി. ബസ് ഇറങ്ങിയ ആളെ കൂട്ടാൻ എത്തിയതാണ് മറ്റു രണ്ടുപേരും. ഈ സമയത്ത് പൊലീസും ഡാൻസാഫ് സംഘവും മൂവരെയും ലഹരിയുമായി കയ്യോടെ പിടികൂടുകയായിരുന്നു.ചെറുകിട കച്ചവടക്കാരിൽ നിന്നും ലക്ഷങ്ങൾ പിരിച്ചാണ് പ്രതികൾ ബെംഗളൂരുവിൽ നിന്ന് എംഡിഎംഎ എത്തിച്ചത്. ഇതിന് 6 ലക്ഷത്തോളം രൂപ വിലയുണ്ട്. ബെംഗളൂരുവിലെ ലഹരി മാഫിയയുമായി പ്രതികൾക്ക് അടുത്ത ബന്ധമുണ്ടെന്ന് പൊലീസ് പറയുന്നു. ലഹരി വസ്തുക്കൾ കേരളത്തിലെത്തിച്ച് വിദ്യാർഥികൾക്കുൾപ്പെടെ വിതരണം ചെയ്യാനായിരുന്നു പ്രതികൾ പദ്ധതിയിട്ടതെന്നും പൊലീസ് പറഞ്ഞു.
Read More
കരിപ്പൂർ വിമാനത്താവളത്തിൽ വൻ ലഹരി വേട്ട; തൃശ്ശൂർ സ്വദേശി പിടിയിൽ
കൊച്ചിയിലെ ഓപ്പറേഷന് തൂഫാന്; പിടിയിലായത് നഗരത്തില് നിരന്തരം ലഹരി എത്തിക്കുന്ന സംഘത്തിലെ മുഖ്യ കണ്ണികള്
വയനാട്ടിൽ 172 പേര്ക്ക് കൂടി കോവിഡ്; 111 പേര് രോഗമുക്തി നേടി, 155 പേര്ക്ക് സമ്പര്ക്കത്തിലൂടെ രോഗബാധ
നൈജീരിയൻ ലഹരിക്കേസ്; ലഹരി മാഫിയയുമായുള്ള മലയാളിയുടെ ഫോൺ സംഭാഷണം കണ്ടെടുത്തു
