പത്തനംതിട്ട ∙ കോഴഞ്ചേരി മേഖലയിൽ സിപിഎം നേതാക്കൾക്കെതിരെയുള്ള സ്ത്രീകളുടെ പരാതിയിൽ നടപടിയില്ലെന്ന് ആക്ഷേപം. രണ്ടു യുവനേതാക്കൾക്കെതിരെ പാർട്ടിക്കു പരാതി ലഭിച്ചെങ്കിലും അതു ഒതുക്കുന്ന സമീപനമാണു സ്വീകരിച്ചതെന്നാണ് ആരോപണം. പാർട്ടി ഇരയ്ക്കൊപ്പം നിന്നില്ലെന്നു ചൂണ്ടിക്കാട്ടി ഒരു വിഭാഗം പ്രവർത്തകർ പാർട്ടി പ്രവർത്തനങ്ങളിൽനിന്നു വിട്ടുനിൽക്കുകയാണ്.ചിലർ പാർട്ടി വിടാനുള്ള തയാറെടുപ്പിലുമാണെന്നാണ് അറിയുന്നത്. ഒരു വർഷം മുൻപു കോഴഞ്ചേരി മേഖലയിലെ ഒരു ലോക്കൽ സെക്രട്ടറിക്കെതിരെ ഒരു പെൺകുട്ടി പരാതിനൽകിയിരുന്നതായി പറയുന്നു. എന്നാൽ ലോക്കൽ സെക്രട്ടറിയുടെ നേതൃത്വത്തിൽ പെൺകുട്ടിയുമായി സംസാരിക്കുകയും വിവാഹവാഗ്ദാനം നൽകി മോതിരം ഇടുകയും ചെയ്തുവത്രേ. പിന്നീട് ഈ പെൺകുട്ടിയെ ഒഴിവാക്കുന്ന തരത്തിലായി നീക്കങ്ങൾ. ഇതു സംബന്ധിച്ചു പെൺകുട്ടി ഏരിയ സെക്രട്ടറിയെ കണ്ടെങ്കിലും അദ്ദേഹം കൈമലർത്തിയെന്നാണു പറയുന്നത്.പ്രശ്നപരിഹാരത്തിനായി പെൺകുട്ടി ഇപ്പോൾ ജില്ലാ സെക്രട്ടറിയെ സമീപിച്ചതായി അറിയുന്നു. ഇതേ ലോക്കൽ സെക്രട്ടറിക്കെതിരെ മുൻപും സമാന ആരോപണങ്ങൾ ഉണ്ടായിട്ടുള്ളതായി പാർട്ടി പ്രവർത്തകർ പറയുന്നു. ഒരു തദ്ദേശഭരണ സ്ഥാപനത്തിന്റെ തലപ്പത്ത് ഇരുന്ന മറ്റൊരു യുവാവിനെക്കുറിച്ചും പാർട്ടിക്കു പരാതി ലഭിച്ചിരുന്നു. വിവാഹം കഴിക്കാമെന്നു പറഞ്ഞു തന്നെ ചതിച്ചതായാണു പെൺകുട്ടി പരാതി നൽകിയത്. ഇതും ഏരിയ സെക്രട്ടറി ഒതുക്കിയെന്നും പ്രവർത്തകർ പറയുന്നു.
Read More
കോഴഞ്ചേരി ജില്ല ആശുപത്രിയിലെ ചികിത്സാ പിഴവ്: കേസ് കൈകാര്യം ചെയ്യുന്നതിൽ ഡോക്ടർക്ക് വീഴ്ച; അന്വേഷണ റിപ്പോർട്ട്
പ്രാദേശിക നേതാക്കളുടെ ഫോൺ കോൾ ലിസ്റ്റിൽ പരിശോധന; വോട്ട് മറിച്ചവരെ കണ്ടെത്താൻ സിപിഎം
മഹിളാ അസോസിയേഷൻ നേതാവിന്റെ മകളോട് അശ്ലീല സംഭാഷണം; സിപിഎമ്മിൽ പരാതി, ഓഡിയോ സമൂഹമാധ്യമങ്ങളിൽ
കോഴഞ്ചേരി ജില്ലാ ആശുപത്രിയിലെ ചികിത്സാപ്പിഴവ്; മെഡിക്കൽ ബോർഡ്‌ രൂപീകരിക്കും
