ഡൽഹി: മുഖ്യതിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്നും പ്രതിഷേധം കടുപ്പിക്കാൻ ഇടത് വിദ്യാർത്ഥി യുവജന സംഘടനകൾ. കൊണാട്ട് പ്ലേസ് കേന്ദ്രീകരിച്ച് ആയിരിക്കും പ്രതിഷേധങ്ങൾ നടക്കുക. സുപ്രിംകോടതിയിലേക്ക് ഇന്ന് പ്രതിപക്ഷ എംപിമാർ മാർച്ച് നടത്തും. ഇന്ത്യ സഖ്യത്തിലെ നേതാക്കൾക്ക് കൂടിക്കാഴ്ച്ചയ്ക്ക് സുപ്രീംകോടതി ചീഫ് ജസ്റ്റിസ്‌ അനുമതി നിഷേധിച്ചു.
തിരഞ്ഞെടുപ്പ് ക്രമക്കേടുകളുമായി ബന്ധപ്പെട്ടതും ഗ്യാനേഷ് കുമാറിന് എതിരായ ഹർജികളും ചീഫ് ജസ്റ്റിസിന് മുൻപാകെ പരിഗണനയ്ക്ക് ഇരിക്കുന്ന സാഹചര്യത്തിൽ കൂടിക്കാഴ്ച അനുചിതമെന്ന് ചൂണ്ടിക്കാട്ടിയാണ് അനുമതി നിഷേധിച്ചത്. അനുമതി നിഷേധിച്ചെങ്കിലും സുപ്രീംകോടതിയിലേക്ക് പ്രതിപക്ഷ എംപിമാർ പ്രതിഷേധ മാർച്ച് നടത്തും. എല്ലാ എംപിമാരോടും ഉച്ചയ്ക്ക് ഒരു മണിക്ക് മുൻപ് ഡൽഹിയിലെത്താനാണ് നിർദ്ദേശം നൽകിയിരിക്കുന്നത്.
കഴിഞ്ഞ ദിവസങ്ങളിൽ നടന്ന പ്രതിഷേധങ്ങളിൽ പങ്കെടുത്തവരെ പൊലീസ് ക്രൂരമായാണ് മർദിച്ചത്. മാധ്യമപ്രവർത്തകർ ഉൾപ്പെടെയുള്ളവർക്ക് മർദനമേറ്റിരുന്നു. എസ്എഫ്ഐ-ഡിവൈഎഫ്ഐ പ്രവർത്തകരെയും നേതാക്കളേയും പൊലീസ് വാഹനത്തിലിട്ട് അതിക്രൂരമായി മർദ്ദിച്ചു. സമരക്കാരെ അന്യായമായി കസ്റ്റഡിയിൽ എടുക്കാൻ പാടില്ലെന്ന സുപ്രീംകോടതി വിധി നിൽക്കെയായിരുന്നു ഡൽഹി പൊലീസിന്റെയും കേന്ദ്രസേനയുടെയും നടപടി.
Read More
ഗ്യാനേഷ് കുമാറിന്റെ രാജി: പ്രതിഷേധം പ്രഖ്യാപിച്ച് സിജെപി, ഒക്ടോബര്‍ 2ന് മുംബൈയില്‍ പ്രതിഷേധം; വീണ്ടും ഇംപീച്ച്‌മെന്റ് പ്രമേയം കൊണ്ടുവരാന്‍ കോണ്‍ഗ്രസ്
മോദിയുടെ ഹീറോ, ഗ്യാനേഷ് കുമാറിനെ വെറുക്കുന്നവർ ഒന്നിക്കണം; വീണ്ടും സമര സൂചന നൽകി കോക്രോച്ച് ജനതാ പാർട്ടി
ഗ്യാനേഷ് കുമാറിന്റെ രാജി ആവശ്യം: രാജ്യ തലസ്ഥാനം ഇന്നും പ്രക്ഷുബ്ധമാകും, തെരഞ്ഞെടുപ്പ് കമ്മീഷൻ ആസ്ഥാനത്തേക്ക് പ്രതിപക്ഷ മാർച്ച്
ഗ്യാനേഷ് കുമാറിന്റെ രാജി: പ്രതിഷേധം തുടരാന്‍ പ്രതിപക്ഷം; കളക്ടറേറ്റുകളിലേക്ക് ഇന്ന് ഇന്ത്യാ സഖ്യത്തിന്റെ ജനാധിപത്യ സംരക്ഷണ മാര്‍ച്ച്
