കുട്ടനാട്ടിൽ യുഡിഎഫ് സ്ഥാനാർഥി റെജി ചെറിയാൻ വോട്ടിന് പണം നൽകിയെന്നാരോപിച്ച് സിപിഐഎം മുഖ്യതിരഞ്ഞെടുപ്പ് ഓഫീസർക്ക് പരാതി നൽകി. പണം കൊടുക്കുന്നതിന്റെ ദൃശ്യങ്ങൾ.തിരഞ്ഞെടുപ്പ് തുടങ്ങിയ സമയം മുതൽ എൽഡിഎഫ് സ്ഥാനാർഥി തനിക്ക് എതിരെ പ്രവർത്തിക്കുന്നുവെന്ന് റെജി ചെറിയാൻ ആരോപിച്ചു. തനിക്കെതിരെ നോട്ടീസ് വീടുകളിൽ എത്തിച്ചു.
കൊലപാതക കേസിലെ പ്രതി ആണെന്ന് പ്രചരിപ്പിച്ചു. ഇതെല്ലാം ചേർത്ത് തിരഞ്ഞെടുപ്പ് കമ്മീഷന് പരാതി നൽകി. പണം കൊടുത്തതിന്റെ തെളിവ് കൊണ്ടുവരട്ടെ തെളിവ് സഹിതം മറുപടി കൊടുക്കാൻ കുഴപ്പമില്ല.
താൻ ഗൂഗിൾ പേ ഉപയോഗിക്കാറില്ല. ഡിജിറ്റൽ തെളിവുകൾ ഉണ്ടെങ്കിൽ കൊണ്ടുവരണം. പ്രചരിക്കുന്നത് വർഷങ്ങൾക്ക് മുൻപുള്ള വീഡിയോ ആണ്. ഹാഫ് കൈ ഷർട്ട് താൻ ഉപേക്ഷിച്ചിട്ട് വർഷങ്ങളായി എന്നും തന്റെ ഫേസ്ബുക്ക് പേജിൽ നിന്ന് തന്നെ എടുത്ത വീഡിയോ ആണതെന്നും റെജി ചെറിയാൻ പറഞ്ഞു.
വ്യാജ ആരോപണങ്ങളിൽ നിയമ നടപടി സ്വീകരിക്കും. മാനനഷ്ടത്തിന് പരാതി നൽകിയിട്ടുണ്ടെന്നും അദ്ദേഹം വ്യക്തമാക്കി.
Read More
റെജി ചെറിയാന് ആശ്വാസം; നാമനിർദേശ പത്രിക സ്വീകരിച്ചു
‘ജീവൻ രക്ഷിച്ചത് സ്വകാര്യ ആശുപത്രി; സ്വകാര്യ ആശുപത്രികളിൽ മന്ത്രിമാർ ചികിത്സ തേടുന്നത് പുതുമയല്ല’; മന്ത്രി സജി ചെറിയാൻ
പാലക്കാട് വോട്ടിന് സാരി? ബിജെപിക്കെതിരെ വീണ്ടും ആരോപണം; വോര്ട്ടര്മാര്ക്ക് സാരി നല്കുന്ന ചിത്രങ്ങള് പുറത്ത്
‘ആറന്മുളയിൽ വീണാ ജോർജ് സേഫ്’; 7000 വോട്ടിന്റെ ഭൂരിപക്ഷം നേടി വിജയം ഉറപ്പ്; സിപിഐഎം ബൂത്ത് തല അവലോകനം
