ഡൽഹി: അടിയന്തിരാവസ്ഥ തെറ്റായിപ്പോയെന്നും ആ തീരുമാനത്തിൽ ഇന്ദിര ഗാന്ധി പിന്നീട് ഖേദിച്ചിരുന്നുവെന്നും സോണിയാ ഗാന്ധി. ഓർമ്മക്കുറിപ്പ് പുറത്തിറങ്ങുന്നതിന് മുന്നോടിയായി ദി ഗാർഡിയന് നൽകിയ അഭിമുഖത്തിലാണ് സോണിയയുടെ പരാമർശം. ഇന്ദിര ഗാന്ധി സഞ്ജയ് ഗാന്ധിയുടെ സമ്മർദത്തിന് വഴങ്ങിയിരുന്നുവെന്നും സോണിയ പറഞ്ഞതായി ഗാർഡിയൻ റിപ്പോർട്ട്. അടിയന്തിരാവസ്ഥയെ ചൊല്ലി ഗാന്ധി കുടുംബത്തിൽ തർക്കമുണ്ടായിരുന്നു. രാജീവ് ഗാന്ധി തീരുമാനത്തെ എതിർത്തിരുന്നു എന്നും സോണിയ പറഞ്ഞു.
സഞ്ജയ് ഗാന്ധിയെ നിയന്ത്രിച്ചിരുന്നുവെങ്കിൽ അടിയന്തിരാവസ്ഥ കാലത്തെ നാശനഷ്ടങ്ങൾ കുറയ്ക്കാൻ സാധിക്കുമായിരുന്നുവെന്ന് സോണിയ ഓർമ്മക്കുറിപ്പിൽ എഴുതിയിട്ടുണ്ടെന്നും ഗാർഡിയൻ റിപ്പോർട്ട്. സാഹചര്യം മനസ്സിലാക്കാൻ തുടങ്ങിയ ഇന്ദിര ഗാന്ധി അടിയന്തരാവസ്ഥ മൂലമുണ്ടായ പരിഹരിക്കുന്നതിനുള്ള നടപടികൾ സ്വീകരിക്കുകയും ചെയ്തുവെന്ന് സോണിയ പറഞ്ഞു. “അടിയന്തരാവസ്ഥയുമായി ബന്ധപ്പെടുത്തി പലപ്പോഴും സഞ്ജയിയെയാണ് പൊതുജനങ്ങൾ ഓർക്കാറുള്ളതെങ്കിലും, അതിൽ അദ്ദേഹം മാത്രമല്ല ഉൾപ്പെട്ടിരുന്നത്. അവരുടെ മുതിർന്ന സഹപ്രവർത്തകരിൽ ചിലരിൽ നിന്ന് വലിയ സമ്മർദ്ദമുണ്ടായിരുന്നു” സോണിയ ഗാന്ധി പറഞ്ഞു.
അടിയന്തരാവസ്ഥയെ ജനാധിപത്യവിരുദ്ധവും ഏകാധിപത്യപരവുമായ ഒരധ്യായം എന്ന് വിശേഷിപ്പിക്കുന്നത് ശരിയല്ലേ എന്ന ചോദ്യത്തോട് ജനാധിപത്യ അവകാശങ്ങൾ ഹനിക്കപ്പെട്ടിരുന്നു എന്നായിരുന്നു സോണിയയുടെ മറുപടി. “അടിയന്തരാവസ്ഥയ്ക്ക് ശേഷമാണ്, അക്കാലത്ത് സംഭവിച്ചുകൊണ്ടിരുന്ന കാര്യങ്ങളുടെ യഥാർത്ഥ ഗൗരവം ഞാൻ മനസ്സിലാക്കിയത്. അതെ, ജനാധിപത്യ അവകാശങ്ങൾ വെട്ടിക്കുറയ്ക്കപ്പെടുകയും ‘ഹേബിയസ് കോർപ്പസ്’ താൽക്കാലികമായി റദ്ദാക്കപ്പെടുകയും ചെയ്തിരുന്നു. എന്നാൽ, ഭരണഘടനാപരമായ നടപടിക്രമങ്ങളിലൂടെയാണ് അത് ചെയ്തത്,” സോണിയ പറഞ്ഞു. 1975 ജൂൺ 25-നാണ് രാജ്യത്ത് ഇന്ദിരാ ഗാന്ധി അടിയന്തരാവസ്ഥ പ്രഖ്യാപിക്കുന്നത്. 1977 മാർച്ച് 21 വരെ അടിയന്തരാവസ്ഥ തുടർന്നു.
Read More
രാജീവ് സുന്ദരനായിരുന്നു; ആദ്യം കണ്ടത് കേംബ്രിഡ്ജിലെ ഒരു ചെറിയ ഗ്രീക്ക് റസ്റ്ററന്റില്‍ വെച്ച്; പ്രണയകഥ പറഞ്ഞ് സോണിയ ഗാന്ധി
‘സോണിയ ഗാന്ധിയെ തെരുവിലിട്ട് ചെണ്ട കൊട്ടാൻ അവസരം ഒരുക്കുന്നത് വിഡി സതീശൻ’; പ്രതിപക്ഷത്തിനെതിരെ ആഞ്ഞടിച്ച് മന്ത്രിമാർ
രാജ്ഭവന്റെ അജണ്ട നടപ്പാക്കാനുള്ള ഇടമല്ല കേരള സർവകലാശാല; UDF സർക്കാരിന്റെ നിലപാട് ജനാധിപത്യത്തിനൊപ്പമെന്ന് പി കെ നവാസ്
കോൺഗ്രസ് യോഗത്തിൽ തുറന്നടിച്ച് സോണിയ; പറയാനുള്ളത് മാധ്യമങ്ങൾ വഴിയല്ല: നേരിട്ട് പറയണം
