മുംബൈ∙ കാലവർഷക്കെടുതിയിൽ വലഞ്ഞ് നഗരം. മുംബൈയിൽ ചിലയിടത്ത് അതിശക്തമായ മഴ പെയ്യുമെന്ന് കാലാവസ്ഥാ വകുപ്പ് മുന്നറിയിപ്പ് നൽകി. നഗരത്തിൽ റെഡ് അലർട്ട് തുടരുകയാണ്. കടൽത്തീരത്തുനിന്ന് ആളുകൾ വിട്ടുനിൽക്കണമെന്നും പൊലീസിന്റെയും അധികൃതരുടെയും നിർദേശങ്ങൾ പാലിക്കണമെന്നും മുംബൈ മേയർ റിതു താവ്ഡെ അഭ്യർഥിച്ചു.ശക്തമായ മഴയെത്തുടർന്ന് നഗരത്തിലുടനീളം മരങ്ങൾ കടപുഴകി വീണു. റോഡുകൾ ഇടിഞ്ഞു. വീടുകൾ തകർന്നു. നഗരത്തിൽ കടുത്ത ഗതാഗതക്കുരുക്ക് അനുഭവപ്പെട്ടു. അനാവശ്യ യാത്രകൾ ഒഴിവാക്കണമെന്നു അധികൃതർ ജനങ്ങളോട് ആവശ്യപ്പെട്ടു. കുർള വെസ്റ്റിൽ മരം കടപുഴകി വീണ് ഒരാൾ മരിച്ചു. യൂനുസ് കുന്ദവാലയാണ് (63) മരിച്ചത്. നടന്നുപോവുകയായിരുന്ന യൂനുസ് കുന്ദവാലയുടെ മുകളിലേക്കു മരം ഒടിഞ്ഞുവീഴുകയായിരുന്നു.
Read More
വയനാട്, ഇടുക്കി ജില്ലകളിൽ റെഡ് അലേർട്ട്, വിവിധ ജില്ലകളിൽ ഓറഞ്ച് അലേർട്ട്
സംസ്ഥാനത്ത് മൂന്ന് ദിവസം കൂടി അതിശക്തമായ മഴ തുടരും; 5 ജില്ലകൾക്ക് റെഡ് അലേർട്ട്
കേരളത്തിൽ കാലവർഷം എത്തിയതായി കേന്ദ്ര കാലാവസ്ഥാ വകുപ്പ്
വടക്കൻ ജില്ലകളിൽ ശക്തമായ കാറ്റിലും മഴയിലും വ്യാപക നാശനഷ്ടം; വയനാട് വീടിന് മുകളിൽ മരം വീണ് ആറ് വയസ്സുകാരി മരിച്ചു
