രാഹുൽ മാങ്കൂട്ടത്തിലിനെതിരായ ഉചിതമായ നടപടി അതിന്റേതായ സമയത്ത് എടുക്കുമെന്ന് ആവർത്തിച്ച് കെപിസിസി പ്രസിഡന്റ് സണ്ണി ജോസഫ്. കോൺഗ്രസിന്റെ മുതിർന്ന 25 നേതാക്കളുമായി ചർച്ച ചെയ്തിട്ടാണ് രാഹുലിനെതിരെ ആദ്യ നടപടിയെടുത്തത്. മാധ്യമങ്ങളിലൂടെ വരുന്ന വാർത്തകളുടെ അടിസ്ഥാനത്തിൽ നടപടിയെടുക്കാൻ കഴിയില്ല സണ്ണി ജോസഫ് പറഞ്ഞു.
പൊലീസിന്റെ മുൻപിലും മുഖ്യമന്ത്രിയുടെ മുന്നിലും പരാതി വന്നതിന് ശേഷമാണ് തന്റെ കൈയിലേക്കും പരാതി വന്നത്. അത് അപ്പോൾ തന്നെ ഡിജിപിയ്ക്ക് കൈമാറുകയും ചെയ്തിരുന്നു. സംഘടനാ കാര്യങ്ങൾ ആലോചിച്ച് തന്നെയാണ് ചെയ്യുക. സംഘടനയ്ക്ക് അകത്തുനടക്കുന്ന കാര്യങ്ങൾ മാധ്യമങ്ങളോട് ഇപ്പോൾ പറയേണ്ട ആവശ്യം ഇല്ല തീരുമാനം വന്നതിന് ശേഷം മാത്രമേ അക്കാര്യങ്ങൾ പുറത്തുപറയുകയുള്ളൂ വെന്നും സണ്ണി ജോസഫ് വ്യക്തമാക്കി.
അതേസമയം, രാഹുൽ മാങ്കൂട്ടത്തിലിനെ ബെംഗളൂരുവിലെത്തിച്ച ഡ്രൈവർ എസ്ഐടി കസ്റ്റഡിയിലായി.ഇയാളെ അന്വേഷണ സംഘം ചോദ്യം ചെയ്തുവരികയാണ്. രാഹുലിനെ ബെംഗളൂരുവിലെത്തിച്ച ശേഷം മടങ്ങുന്നതിനിടെയാണ് ഡ്രൈവറെ കസ്റ്റഡിയിലെടുത്തിരിക്കുന്നത്. ഇയാളെ കൂടാതെ ജോസ് എന്നയാളെ കൂടി അന്വേഷണ സംഘം കസ്റ്റഡിയിൽ എടുത്തിട്ടുണ്ട്.
Read More
‘പാലോട് രവിയുടെ പരാമർശത്തിൽ ഉചിതമായ നടപടിയെടുക്കും; ശബ്ദ സന്ദേശം ആരും നിഷേധിച്ചിട്ടില്ല’; സണ്ണി ജോസഫ്
രാഹുൽ മാങ്കൂട്ടത്തിലിനെ കോൺഗ്രസ് സസ്പെൻഡ് ചെയ്തതാണ്; നിയമം നിയമത്തിൻ്റെ വഴിയ്ക്ക് പോകട്ടെ’, സണ്ണി ജോസഫ്
ചീഫ് മാര്ഷലിനെ പ്രതിപക്ഷത്തെ ആരും മര്ദിച്ചിട്ടില്ല, പണ്ട് ഡസ്കില് കയറി നൃത്തമാടിയ ആളുകളാണ് ഇതൊക്കെ പറയുന്നത്: സണ്ണി ജോസഫ്
‘രാഹുൽ മാങ്കൂട്ടത്തിലിനോട് രാജി ആവശ്യപ്പെടില്ല’; അങ്ങനെയൊരു കീഴ് വഴക്കമില്ലെന്ന് സണ്ണി ജോസഫ്
