മലപ്പുറത്ത് ആദിവാസി വിഭാഗത്തില്പ്പെട്ടവരെ ഉള്പ്പെടെ ആശുപത്രിയില് കൊണ്ടുപോയതിനുള്ള വാഹനവാടക മുടങ്ങിയതായി പരാതി. ഒന്പതു മാസമായി പണം ലഭിക്കുന്നില്ലെന്ന് നിലമ്പൂര് അകമ്പാടത്തെ ഡ്രൈവര്മാര് പറയുന്നത്. ട്രൈബല് ഡയറക്ടര് ഡിഎംഒ മുഖേന നല്കുന്ന പണമാണ് മുടങ്ങിയത്.
നിലമ്പൂരിലെ പന്തീരായിരം ഉള്വനത്തിലെ അമ്പുമല, വെറ്റിലക്കൊല്ലി, പാലക്കയം തുടങ്ങിയ ഉന്നതികളിലെ ജനങ്ങളെ ആശുപത്രിയില് കൊണ്ട് പോയ പണം ആണ് ലഭിക്കാത്തത്. നിലമ്പൂര് ജില്ലാ ആശുപത്രിയില് നിന്ന് 25 കിലോമീറ്റര് ദൂരമുണ്ട് ഇവിടേക്ക്. ജീപ്പ് പോലെയുള്ള വാഹനങ്ങള്ക്ക് മാത്രമേ പോകാന് സാധിക്കൂ.
ചികിത്സയും പുനരധിവാസവും എന്ന പേരില് ട്രൈബല് ഡിപ്പാര്ട്ട്മെന്റ് ആണ് പണം നല്കിയിരുന്നത്. അത് മുടങ്ങിയതിനാല് ഡ്രൈവര്മാര് പ്രതിസന്ധിയിലായി. ഊരുകളിലേക്ക് ഉള്ള റോഡും മോശമാണ്. വന്യമൃഗ ശല്യവും ഉണ്ട്. അതിനെയൊക്കെ തരണം ചെയ്താണ് സേവനം നടത്തുന്നതെന്നും കുടിശിക അനുവദിക്കണമെന്നുമാണ് ഡ്രൈവര്മാരുടെ ആവശ്യം.
Read More
നഞ്ചന്ഗോഡ്-നിലമ്പൂര് റയില്പാത അട്ടിമറിക്കുന്നതിനെതിരെ നീലഗിരി-വയനാട് എന്.എച്ച് & റയില്വേ ആക്ഷന് കമ്മറ്റി വീണ്ടും സമരരംഗത്തേക്ക്
ഓപ്പറേഷന് റൈഡല്; കൊല്ലത്ത് മദ്യപിച്ച് വാഹനമോടിച്ച 17 ഡ്രൈവര്മാര് പിടിയില്
വയനാട് പാക്കേജ്: ശ്രദ്ദേയമായ പ്രഖ്യാപനങ്ങൾ
അന്ന് ഇ പി, ഇന്ന് ഗോവിന്ദന്; സിപിഐഎം പ്രതിരോധത്തില്
