രാജ്യത്ത് കഴിഞ്ഞ 24 മണിക്കൂറിനിടെ 9765 പേർക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്ത് ഇതുവരെ കൊവിഡ് ബാധിതരുടെ എണ്ണം 3 46 06,541 ആയി ഉയർന്നു. കഴിഞ്ഞ 24 മണിക്കൂറിനിടെ രാജ്യത്തുടനീളം 477 പേരാണ് കൊവിഡ് ബാധിച്ച് മരിച്ചത്.
ഇതുവരെ 4 69,724 പേരാണ് രാജ്യത്ത് കൊവിഡ് ബാധിച്ച് മരിച്ചത്. ഇന്നത്തെ കണക്കുകളിൽ ബാക്ക്‌ലോഗ് കണക്കുകളും ഉൾപ്പെടുത്തിയിട്ടുണ്ട്. പുതിയ കേസുകൾ ഇന്നലത്തെ കണക്കിനേക്കാൾ 9 ശതമാനം കൂടുതലാണ്.
നിലവിൽ 99,763 പേരാണ് ചികിത്സയിൽ കഴിയുന്നത്. മൊത്തം അണുബാധയുടെ ഒരു ശതമാനത്തിൽ താഴെ മാത്രമാണ് സജീവ കേസുകൾ. നിലവിൽ, ഇത് 0.29 ശതമാനമാണ്, ഇത് 2020 മാർച്ചിന് ശേഷമുള്ള ഏറ്റവും താഴ്ന്ന നിരക്കാണ്.
