കോഴിക്കോട് ∙ കോഴിക്കോട് ഡിസിസി മുൻ അധ്യക്ഷനും ന്യൂനപക്ഷ കമ്മിഷന്റെ ആദ്യ ചെയർമാനുമായിരുന്ന എം. വീരാൻകുട്ടി(85) അന്തരിച്ചു. കോഴിക്കോട്ടെ കോൺഗ്രസ് രാഷ്ട്രീയരംഗത്ത് സജീവ സാന്നിധ്യമായിരുന്ന അദ്ദേഹം ജില്ലയിലെ പാർട്ടിയുടെ സംഘടനാ പ്രവർത്തനങ്ങളിൽ നിർണായക പങ്കുവഹിച്ചയാളായിരുന്നു. 2006 ൽ നാദാപുരം മണ്ഡലത്തിൽ നിന്ന് നിയമസഭയിലേക്ക് മത്സരിച്ചെങ്കിലും പരാജയപ്പെട്ടു. മലപ്പുറം എടവണ്ണപ്പാറ മധുരക്കുഴി സ്വദേശിയാണ്. കബറടക്കം ബുധനാഴ്ച രാവിലെ 11.30 ന് കാമശ്ശേരി കബർസ്ഥാനിൽ.
