കേന്ദ്രധനമന്ത്രി നിര്മലാ സീതാരാമന്റെ ഒന്പതാം ബജറ്റില് വിപണിയെ ഉത്തേജിപ്പിക്കുന്ന പ്രഖ്യാപനങ്ങളില്ല. ഓഹരി വിപണിയില് വന് ഇടിവാണ് ഇപ്പോള് രേഖപ്പെടുത്തിയിരിക്കുന്നത്. സെന്സെക്സ്, നിഫ്റ്റി സൂചികകള് ഇടിവ് രേഖപ്പെടുത്തി. സെന്സെക്സ് 1000 പോയിന്റുകള് ഇടിഞ്ഞു. നിഫ്റ്റി 300 പോയിന്റുകളാണ് ഇടിഞ്ഞിരിക്കുന്നത്. (Sensex crashes 1,000 points: Why is stock market falling today?)
ബജറ്റ് അവതരണത്തിന്റെ പശ്ചാത്തലത്തിലാണ് ഞായറാഴ്ചയായിട്ടും വിപണി ഇന്ന് തുറന്നത്. റീടെയ്ല് നിക്ഷേപകര് നികുതി ഇളവ് പ്രതീക്ഷിച്ചിരുന്നെങ്കിലും ബജറ്റില് അത്തരം പ്രഖ്യാപനങ്ങളുണ്ടായില്ല. സെക്യൂരിറ്റി ട്രാന്സാക്ഷന് ടാക്സ് (എസ്എസ്ടി) വര്ധിപ്പിച്ചതും വിപണിയില് തിരിച്ചടിയുണ്ടാക്കി.ആരോഗ്യ, ഐടി മേഖലകളിലെ ഓഹരികളാണ് ഇന്ന് നേട്ടമുണ്ടാക്കിയത്. സണ്ഫാര്മ, ടിസിഎസ്, വിപ്രോ ഓഹരികള് നേട്ടമുണ്ടാക്കി. ആദായ നികുതിയില് വരുന്ന മാറ്റങ്ങളും വിപണിയില് പ്രതിഫലിച്ചിട്ടുണ്ട്. പുതിയ ആദായ നികുതി നിയമം ഏപ്രില് ഒന്നുമുതല് പ്രാബല്യത്തില് വരുമെന്നാണ് ഇന്ന് ധനമന്ത്രി പ്രഖ്യാപിച്ചത്.
കേന്ദ്ര ബജറ്റിന് പിന്നാലെ വിപണിയില് വന് ഇടിവ്; സെന്സെക്സ് 1000 പോയിന്റിലേറെ ഇടിഞ്ഞു
