ഒളിമ്പിക്‌സ് ഹോക്കിയിൽ വെങ്കലം നേടിയ ഇന്ത്യൻ ടീമിലെ മലയാളി താരവും ഗോൾ കീപ്പറുമായ പി ആർ ശ്രീജേ് ഇന്ന് കൊച്ചിയിൽ തിരിച്ചെത്തും. വൈകുന്നേരം അഞ്ച് മണിക്ക് നെടുമ്പാശ്ശേരി വിമാനത്താവളത്തിൽ ശ്രീജേഷിന് സംസ്ഥാന സർക്കാർ ഔദ്യോഗികമായി സ്വീകരണം നൽകും. കായിക മന്ത്രി വി അബ്ദുറഹ്മാൻ ശ്രീജേഷിനെ സ്വീകരിക്കാനായി നേരിട്ടെത്തും ജന്മനാടായ കിഴക്കമ്പലത്തും ശ്രീജേഷിന് സ്വീകരണമൊരുക്കിയിട്ടുണ്ട്. വെങ്കല മെഡലിനായുള്ള പോരാട്ടത്തിൽ ജർമനയിലെ 5-4നാണ് ഇന്ത്യൻ ടീം പരാജയപ്പെടുത്തിയത്. ഈ മത്സരത്തിലടക്കം ശ്രീജേഷിന്റെ തകർപ്പൻ സേവുകളാണ് ഇന്ത്യൻ ടീമിനെ മെഡൽ നേട്ടത്തിലേക്ക്…

കൂത്താട്ടുകുളത്ത് വാഹനാപകടത്തിൽ ഒരാൾ മരിച്ചു. പെരുംകുറ്റി സ്വദേശി മോഹനൻ ആണ് മരിച്ചത്. റോഡരികിലുള്ള ചായക്കടയിൽ ചായ കുടിച്ചു കൊണ്ടിരുന്ന ലൈപി, മോഹനൻ എന്നിവരെ കാർ ഇടിച്ചു തെറിപ്പിക്കുകയായിരുന്നു രാവിലെ ഏഴരയോടെയാണ് അപകടം നടന്നത്. ഗുരുതരമായി പരുക്കേറ്റ മോഹനൻ സംഭവസ്ഥലത്ത് വെച്ച് തന്നെ മരിച്ചു. അപകടമുണ്ടാക്കിയ കാർ പത്തടി താഴ്ചയുള്ള തോട്ടിലേക്ക് മറിഞ്ഞു. കാറിലുണ്ടായിരുന്ന രണ്ട് പേരെ പരുക്കുകളോടെ രക്ഷപ്പെടുത്തി.  

ദുരന്തഭൂമിയായി മാറിയ പെട്ടിമുടിയിൽ മോഷണ പരമ്പരയും. ഉരുൾപൊട്ടൽ ദുരന്തത്തിൽ തകർന്ന വാഹനങ്ങളുടെ വിലപിടിപ്പുള്ള ഭാഗങ്ങളും വീട്ടുപകരണങ്ങളുമാണ് രാത്രിയുടെ മറവിൽ മോഷ്ടിക്കപ്പെടുന്നത്. സംഭവം ശ്രദ്ധയിൽപ്പെട്ടതോടെ കമ്പനി അധികൃതർ പെട്ടിമുടിയിൽ രാത്രികാവൽ ഏർപ്പെടുത്തി. വാഹനങ്ങളുടെ ടയറുകൾ, വിലകൂടിയ യന്ത്രഭാഗങ്ങൾ എന്നിവയാണ് മോഷ്ടിക്കപ്പെട്ടത്. തെരച്ചിൽ സമയത്ത് പുറത്തെടുത്ത അലമാരകൾ, വീട്ടുപകരണങ്ങൾ എന്നിവയും മോഷ്ടാക്കൾ ഇവിടെ നിന്ന് കടത്തി.

  തിരുവനന്തപുരത്ത് ഗുണ്ടാസംഘം യുവാവിനെ വെട്ടിക്കൊന്നു. പോത്തൻകോട് കല്ലൂരിലാണ് സംഭവം. കല്ലൂർ സ്വദേശി സുധീഷ്(35)ആണ് കൊല്ലപ്പെട്ടത്. വാഹനങ്ങളിലെത്തിയ 12 പേരടങ്ങിയ സംഘം സുധീഷിന്റെ കാൽ വെട്ടിയെടുക്കുകയായിരുന്നു വീട്ടിനുള്ളിലിട്ടാണ് സുധീഷിന്റെ കാൽ മുറിച്ചുമാറ്റിയത്. തുടർന്ന് വെട്ടിയെടുത്ത കാൽ ബൈക്കിലെടുത്തു കൊണ്ടുപോയി റോഡിലേക്ക് വലിച്ചെറിഞ്ഞു. രക്തം വാർന്നാണ് സുധീഷ് മരിച്ചത്.