വിജയ് നായകനായി എത്തുന്ന ബിഗ് ബജറ്റ് ചിത്രം മാസ്റ്ററിന്റെ ക്ലൈമാക്‌സ് അടക്കമുള്ള സീനുകൾ പുറത്തായി. സിനിമ നാളെ റിലീസ് ചെയ്യാനിരിക്കെയാണ് രംഗങ്ങൾ ലീക്കായത്. വിതരണക്കാർക്കായി നടത്തിയ ഷോയ്ക്കിടെയാണ് രംഗങ്ങൾ ചോർന്നത്.
സംഭവത്തിൽ നിർമാണ കമ്പനി മദ്രാസ് ഹൈക്കോടതിയെ സമീപിച്ചു. അടിയന്തര ഇടപെടൽ തേടിയാണ് ഹർജി. സിനിമയുടെ വ്യാജ പതിപ്പുകൾ പ്രചരിപ്പിക്കരുതെന്ന് അണിയറ പ്രവർത്തകർ അഭ്യർഥിച്ചു. ഒന്നര വർഷത്തെ അധ്വാനം ഇല്ലാതാക്കരുതെന്ന് സംവിധായകൻ ലോകേഷ് കനകരാജ് അഭ്യർഥിച്ചു.
സോണി ഡിജിറ്റൽ സിനിമാസിലെ ജീവനക്കാരനാണ് സീനുകൾ ചോർത്തിയതെന്ന് നിർമാണ കമ്പനി ആരോപിച്ചു. പത്ത് മാസത്തെ ഇടവേളക്ക് ശേഷം സംസ്ഥാനത്തെ തീയറ്ററുകൾ നാളെ തുറക്കുമ്പോൾ പ്രദർശിപ്പിക്കുന്നത് മാസ്റ്ററാണ്.
Read More
ഒടിടി റിലീസിനൊരുങ്ങി ടൊവിനോ ചിത്രം ‘കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ്’
പത്ത് മാസത്തിന് ശേഷം സംസ്ഥാനത്തെ തീയറ്ററുകൾ നാളെ തുറക്കും; ആദ്യ റിലീസ് മാസ്റ്റർ
മഹേഷ് നാരായണൻ-ഫഹദ് ഫാസിൽ ടീമിന്റെ സീ യു സൂൺ ഒടിടി റിലീസിന്; തീയതി പ്രഖ്യാപിച്ചു
മലയാള സിനിമാ ചരിത്രത്തിൽ ആദ്യം; കിലോമീറ്റേഴ്‌സ് ആൻഡ് കിലോമീറ്റേഴ്‌സ് ചാനൽ റിലീസിന്